皮薄餡靚！33C 張曦雯水着襲毛里裘斯

嚦咕嚦咖 · 發表於 2017-5-20 01:10:05

皮薄餡靚！33C 張曦雯水着襲毛里裘斯

Well...冇嘢好講...睇相啦～

前華姐冠軍張曦雯（Kelly)一直被讚樣靚身材正，擁有33C無敵Body嘅佢原來佢真係索到一個點，係索到隔住個Mon都感覺到佢嗰分靚係由內到外、再由外去番內咁誇張，冇花假！好多巴打睇完呢張相都係咁講。

話說Kelly去咗毛里裘斯，為無綫節目《3日2夜》拍攝，面對陽光與海灘，Kelly着住件勁卡娃兒嘅三點式大擺誘人甫士，好多網友見到張相，就大讚佢皮薄餡靚、身材勻稱、嬌艷絕倫、絕塵絕色等下刪三萬字讚美說話，Kelly仲要向大家派飛吻喎，巴打都投晒降啦！

Kelly接受東網電話訪問，對於今次毛里裘斯之旅，佢就話：「我嚟咗幾日，天氣好靚，雖然依家係冬天，不過都好熱，嚟到我玩好多水上活動，有潛水啦、過兩日仲會同海豚游水添！」佢仲話毛里裘斯係佢一直好想去嘅地方，今次拍特輯可以嚟呢度，真係好開心喎！