九成提問出自泛民 林鄭陣營求「開箱」 反證建制懶提問

kinsoncc

其實有乜好發難? 掃把頭都講左你係瞓係度都入到閘, 其他人就算口唔講大家心都知, 上半場係瞓係度入閘, 下半場係pa係度都選到, 既然呢個遊戲過程咁清楚, 又有何需介懷選舉論壇失利? 乖乖地疊埋心水做埋場戲咪算囉.

建制陣營必須提高政治水平，才可鞏固力量，惟仍不少人仍只扮演充當「政治花瓶」的角色。前天舉行的特首選舉論壇，本來建制選委人數多達約800人，佔主場之利，先聲奪人，詎料自廢武功，只有兩名建制選委被抽中提問紙。據了解，林鄭陣營當晚發難，要求「開箱」查看選委的提問紙張，結果證實建制派提問佔少數，被中的機會極微，啞口無然。事實上，泛民「造馬」機會極微，因這論壇的籌委會主席是廖長江，而負責看管提問箱是林宣武，兩人均是建制派。

籌委主席及看管提問箱均為建制派

本報昨天已報道周一舉行的建制及泛民選委合辦的選舉論壇，呈現兩大詭異現象：一是僅有約四分之一的建制選委出席撐場；二是絕大多數出席的建制選委都沒有提問，相反泛民專業界別選委踴躍發問，結果變成林鄭在台上不停遭圍攻。這與政圈預期落差極大，原先曾俊華陣營一直擔心在論壇上會遭建制選委圍攻，結果避過一劫，反而有很多機會反攻林鄭。

在1,194名選委中，前晚共有507名選委出席論壇，共有189條問題，意味約六成選委沒有提問。現場觀察所見，泛民出席選委相對較多，其中不少專業界別名單幾乎有過半數選委出席，而泛民選委幾乎每張名單都有代表提問。大會即場抽出21條提問，但高達九成，即19條問題來自泛民專業界別選委，問題尖銳，林鄭不停被圍攻。建制選委則只佔兩條問題。論氣勢，曾俊華每有精警發言，「薯粉」都會大聲喝采；當林鄭發言問非所問時，台下亦大喊：「你呃人。」

中聯辦無指示發問 選委Hea做

據悉，林鄭陣營不滿泛民搶得如此多的提問機會，質疑「造馬」，在論壇完結後，要求檢查「提問紙」，結果發現189個提問中，民主派佔大多數、建制派只佔少數，故根本「中籤」機會極微。正如本報昨天所寫，有選委只是被迫撐林鄭，不會太高調現身到場支持；有些則因林鄭民望低於曾俊華，民意取態清晰，若發問不當，隨時惹火上身，寧明哲保身。有選委不諱言因為中聯辦無事前指揮要發問，也無指示一定要出席，故缺席論壇。

今次建制選委失主場之利，可謂是繼「等埋發叔」的政改投票「甩轆」一役後的最新劇作，再次展現「豬隊友」如何害「主人」了。由此可見，林鄭支持者並非「真Connect（聯繫）」，不是真誠地撐，熱情欠奉，這與曾俊華陣營積極投入造勢，可謂差天共地。

大頭的Qoo

去之建制選委人數多達約800人，佔主場之利
但係800人當中, 又有幾多人, 係三六..... 奶粉

去, 都好比面嫁啦.... 要佢地提問 ?  有出場費, 都未必有人想收啦....   班次都唔同

kinsoncc

大頭的Qoo 發表於 2017-3-21 17:18
去之建制選委人數多達約800人，佔主場之利
但係800人當中, 又有幾多人, 係三六..... 奶粉

既然大家都心知佢係瞓係度都入閘, pa係度都當選, 兩個對手一定係輸, 一定做唔到特首架啦, 咁又有咩好問呢? 問佢地輸左會點呀? 問佢地輸左會唔會喊呀?

補充內容 (2017-3-21 17:24):
三六奶粉又幾貼切喎, 可惜又彈舊野出來話加唔到分.

大頭的Qoo

kinsoncc 發表於 2017-3-21 17:23
既然大家都心知佢係瞓係度都入閘, pa係度都當選, 兩個對手一定係輸, 一定做唔到特首架啦, 咁又有咩好問呢 ...

老早計好曬, 幾多票當選
有九人關心佢咩正光咩...
未有正光, 都幾佰人比票佢參選啦..
另一邊業劉, 幾努力, 都係白做.

有咩好問呀....  

會問, 頂多係咩建聯工聯
打份工, 唔做唔得

kinsoncc

大頭的Qoo 發表於 2017-3-21 17:30
老早計好曬, 幾多票當選
有九人關心佢咩正光咩...
未有正光, 都幾佰人比票佢參選啦..

個什麼籌委主席, 識開戲, 識搵自己友看管提問箱, 正一係搵齊球場搵齊球證, 偏偏唔記得搵球員落場.

大頭的Qoo

kinsoncc 發表於 2017-3-21 17:33
個什麼籌委主席, 識開戲, 識搵自己友看管提問箱, 正一係搵齊球場搵齊球證, 偏偏唔記得搵球員落場.

其實, 又有咩好問呀...

kinsoncc

大頭的Qoo 發表於 2017-3-21 17:38
其實, 又有咩好問呀...

冇辦法, 既然個個甘願做奴才, 邊個敢揸主意發問呢? 一陣問到出左事自己瀨野鬼可憐? 怪就怪西環冇派問題比佢地囉.

大眼睛

回復 kinsoncc #1 的帖子

到底邊啲人 hea 做，
佢依家應該一清二楚嘞啩 ！  

大眼睛

kinsoncc 發表於 2017-3-21 17:33
個什麼籌委主席, 識開戲, 識搵自己友看管提問箱, 正一係搵齊球場搵齊球證, 偏偏唔記得搵球員落場.

有球員落場，
不過企晒喺度唔跑唔踢波 啫 ！  

artlo

死雞撑飯蓋, 可惜香港人只可隔岸觀火, 又衰多五年 !

大眼睛

kinsoncc 發表於 2017-3-21 17:58
冇辦法, 既然個個甘願做奴才, 邊個敢揸主意發問呢? 一陣問到出左事自己瀨野鬼可憐? 怪就怪西環冇派問題比佢地囉.

可能西 O 都估唔到班奴才會癈到連問題都唔識問呢 ！  

kinsoncc

大眼睛 發表於 2017-3-21 23:53
有球員落場，
不過企晒喺度唔跑唔踢波 啫 ！

齋坐齋睇唔落場, 應該係觀眾.

kinsoncc

大眼睛 發表於 2017-3-21 23:58
可能西 O 都估唔到班奴才會癈到連問題都唔識問呢 ！

唔係唔識, 係唔敢, 所謂唔做唔錯, 唔問一定唔會錯.

好像

kinsoncc 發表於 2017-3-21 17:14
其實有乜好發難? 掃把頭都講左你係瞓係度都入到閘, 其他人就算口唔講大家心都知, 上半場係瞓係度入閘, 下半 ...

只可以話林鄭抵死...以為有主場之利

點知班建制甩轆  令到泛民係咁提問

kinsoncc

好像 發表於 2017-3-22 00:10
只可以話林鄭抵死...以為有主場之利

點知班建制甩轆  令到泛民係咁提問

當認為自己參與緊一場必勝無疑的比賽, 個心只會想著如何慶功, 勝利宣言如何發表得漂亮, 又點會去想競爭策略?

大眼睛

kinsoncc 發表於 2017-3-22 00:08
唔係唔識, 係唔敢, 所謂唔做唔錯, 唔問一定唔會錯.

問啱冇獎，
問錯要罰，
唔問又被責難冇盡力，
跟著呢啲老細 ？ 自求多褔啦！  

F1D1S1

同立法會一樣，佔大多數席位，自己唔開會就賴人哋點人數。成班冇腦既舉手生物。

巨大狗大

大眼睛 發表於 2017-3-22 00:51
問啱冇獎，
問錯要罰，
唔問又被責難冇盡力，

建制都覺得淋病瞓係度都贏，又點會花時間找問題考佢。