市民來信兼送人像漫畫 曾俊華fb回覆：政府應以潤澤蒼生為己任

gary67

特首選舉候選人曾俊華在facebook上載了一封市民給他的信，當中更附有了一張曾俊華的畫像。曾俊華在facebook上作出回覆，並講述其政綱及參選理念。

一名自稱Lorraine的市民寄信給曾俊華，指已透過Fringebacker捐款給他，欣賞他的為人和選舉的工作，並稱認同曾俊華「上善若水」的管治理念。Lorraine在信中向曾俊華表示，希望樓市可以健康發展及加強環保方面的工作。


曾俊華回覆來信時指，Lorraine提出的問題不少都是市民的心聲，亦與他的施政理念相近，他指出政府的角色，確應「以潤澤蒼生為己任，雖然水是最柔，卻可以穿透萬物，就像推出好的政策時，也應該先以包容謙和的態度，主動爭取市民支持」，認為這樣才可落實惠民。

他並對應Lorraine的來信提出了各項與政府權力、樓市及環境保護的政策，更表示會就有關議題進行持續關注及研究，尋求市民共識，亦會平衡不同人士的要求。

肥叔叔

年年報錯數既財爺,  而家幾多人突然為佢造勢

kinsoncc

年年報錯數既財爺, 在位時從來冇男屍插佢, 而家同奶媽爭上位, 突然變成男屍咬牙切齒的圍攻對象.

artlo

回復 肥叔叔 #2 的帖子

肥燭燭, 三个候選人都唔係我杯茶, 公平而論, 奶妈係唯一一件有险部, 明知佢食人唔吐骨. 都係冇得選擇.

sunlikwong

年年報錯數? 突唔突然?

我就咁睇:

1.  咩財政預算o既重點係要報啱數咩? 恕小弟無知, 真係唔知有幾多開放自由國家o既財政官員年年估啱, 做到無盈餘, 無赤字?

基本法好似規定特區政府要審慎理財, 財政官員有好大誘因要嚴控支出, 但係財政預算亦都受收入影響, 香港係一個受外圍因素影響非常大o既城市, 要預先估計有幾多外來大財團嚟香港高價投地, 係股票市場同埋物業市場擺低D 印花稅, 唔知有邊位高人可以預先知道呢? 我諗可能得一位, 就係叫其中一位候選人去參選o既上帝 (利申一下, 小弟冇宗教信仰, 先至斗膽用上帝開玩笑, 係度同教徒 sa 下 lum 先).

2.  曾先生既然諗住, 亦都報左名參選, 支持佢o既人幫佢造勢, 佢自己亦應該趁勢上; 反對佢o既人或者佢對家o既人插佢, 其他人幫拖圍佢, 咁都算突然? 計我話就好自然, 政治就係咁.  

我有朋友就話: 梁先生因愛女心切, 唔肯再選, 林鄭女士疑似話唔選(小弟唔記得佢有冇正式話過唔選, 所以用疑似), 一個屈尾拾, 又話選, 先至突然. 當然, 如果你覺得政治人物, 口不對心, 身不由己...., 呢D野好平常啫, 就可能覺得唔突然囉, 又係嗰句, 政治就係咁.

大頭的Qoo

我真係想贊贊佢個團隊

搞出個親民形象
應該呃唔少分.

iamboyboy

肥叔叔 發表於 2017-3-9 00:04
年年報錯數既財爺,  而家幾多人突然為佢造勢

每一任財政司都係報"錯"數的，包括曾蔭權同唐英年！

預計少了盈餘，估計大了赤字，呢啲係期望管理！你明唔明？

再者！

財政預算案係成個政府共同制定的！

財政司只不過係呢方面的代表官員！

肥叔叔你咁大個人，講嘢要有番啲水平！

一味學晒人哋講嘢！畀多少獨立思考啦！

iamboyboy

kinsoncc 發表於 2017-3-9 00:09
年年報錯數既財爺, 在位時從來冇男屍插佢, 而家同奶媽爭上位, 突然變成男屍咬牙切齒的圍攻對象.

如果今次比欽點的係鬍鬚曾嘅話, 啲藍屍就會話年年估錯數係佢優點!

藍屍?

都係收檔啦!

kinsoncc

iamboyboy 發表於 2017-3-9 12:17
如果今次比欽點的係鬍鬚曾嘅話, 啲藍屍就會話年年估錯數係佢優點!

藍屍?

咪改口話佢做到基本法要求的量入為出，將佢在位時讚佢的說話搬返出來，搬龍門佢地最拿手。

kinsoncc

iamboyboy 發表於 2017-3-9 12:12
每一任財政司都係報"錯"數的，包括曾蔭權同唐英年！

預計少了盈餘，估計大了赤字，呢啲係期望管理！你明 ...

佢地最欣賞的財政司應該係陳茂波，兩球大裝修縮到一球有找喎，仲唔係量入為出？

iamboyboy

kinsoncc 發表於 2017-3-9 13:58
佢地最欣賞的財政司應該係陳茂波，兩球大裝修縮到一球有找喎，仲唔係量入為出？

梗係啦！何止量入為出？用納稅人錢裝修佢住的官邸喎！藍屍應該感激佢添啦！