港大生向時委會落獨 謀搞暴力抗爭

四台國際CEO

港獨思潮殺入校園，繼本報早前報道香港大學學生會候選內閣「睿鳴」支持港獨，表明要中港區隔同勇武抗爭後，原來「睿鳴」政綱上仲提出改革香港大學學生會評議會時事委員會(Current Affairs Committee，時委會)，唔單止要加大時委會職能，仲話要令時委會變成行動抗爭小組，去支援港大校園內，甚或至校外因港獨而引起嘅暴力抗爭。估唔到學生會候選人竟然諗住利用同學交學生會會費而得來嘅資源，暗地去支援同埋策動抗爭行為，真係唔要得囉！

稱必要時會支援校外抗爭
港大學生會即將進行換屆選舉，本報之前就已報道，唯一候選內閣「睿鳴」其實係學生會前會長馮敬恩同現任會長孫曉嵐嘅嫡系傳人，喺港大朋黨排斥異己之下，令只有一隊嘅候選人可以參與選舉，有損公平。點知，原來港大朋黨有更大計謀喺當中。據了解，「睿鳴」政綱上提出「善用時委會及擴大校內網絡」，其實係將時委會由以前只係寫下聲明，回應社會議題，變成一個行動抗爭小組、動員機器，去支援港大校園內，必要時甚至會校外嘅暴力抗爭，仲會初步將委員職能分做醫療、行動等。

時委會點解會成為改革目標呢？據知，當選學生會會長前都曾任時委會委員嘅馮敬恩同孫曉嵐，就係事件嘅最大推手。消息指出，馮敬恩同孫曉嵐都認為時委會太紙上談兵，不利同學關心社會時事，不如索性將時委會變成行動抗爭小組，唔止可以支援抗爭行動，更加可以吸引其他港獨分子，壯大港大朋黨。

文宣用掟磚暴徒背景捱轟
除擴大時委會職能上佢哋寫到唔清唔楚去隱瞞背後意圖外，原來佢哋更加喺派發畀同學嘅文宣上「消獨」，意圖博取同學支持。據知，「睿鳴」政綱嘅初稿，「外務」一頁其實係以旺角暴亂事件，掟磚暴徒張相做背景，而政綱最後一頁更加寫明要「港中區隔」，只係因為當日老鬼反彈太大，佢哋先放棄原有設計。不過，呢個設計就完全暴露佢哋暴力同港獨嘅立場。

講到尾，學生會最應該做嘅其實係連結校內網絡，為同學爭取福利同更好嘅學習環境等，如果變成利用同學資源支援同策動抗爭行動，咁等於係騎劫啫！


「睿鳴」政綱嘅初稿喺「外務」一頁原本係以旺角暴亂事件為背景（左），但由於反彈太大，於是變成「消獨」版本（右），以博取同學支持。

快d將呢d港獨撚踢出校， 趕離中國地方， 唔好俾佢地禍國害民

肥叔叔

又搵班傻仔去衝得啦  

超能仔

收咗黑金，控制大學，反中乱港。

powertvb

肥叔叔 發表於 2017-1-27 11:55
又搵班傻仔去衝得啦

叫人去衝，自已就鬆。