領展翻新街市吸血 天水圍6萬邨民捱貴餸

四台國際CEO

領展在天水圍主要公屋群內幾近獨攬邨內街市商場生意，近年更透過外判管理翻新增值，做法被指助長承租商建立霸權，加租及壟斷醜聞不絕。位於天水圍北、包攬4條屋邨獨市生意的天澤(萬有)街市亦難獨善其身，承租商以明年2月要翻新為由，要求檔戶下月底提早離場。翻新後原有的六成檔位將改為商舖，而鮮活街市檔口更大縮水，只剩下58檔服務4條邨逾6萬居民。有續簽新約的商戶遭瘋狂加租近兩倍半，並須支付一筆過10萬港元的入場費；居民直指「呢度(天澤街市)出晒名貴㗎啦，想搬都無錢搬」，有基層長者不想「捱貴餸」，被迫每日花上個多小時出入屯門新墟買餸。

服務天恒、天澤、天逸及俊宏軒4條公共屋邨、逾6萬人的天澤(萬有)街市共兩層，由領展轄下物業主要承租商宏安集團管理。檔戶早前獲通知下月31日提早終止合約，不少檔戶貼出「街市裝修、結業清貨」大字報，亦有檔口率先結業並按要求將檔口還原。翻新後街市一樓將改裝為一般零售服務，而鮮活檔口就由144檔銳減至58檔，大量小商販難逃結業。

商戶可以選擇結業或搬遷，但6萬名基層街坊則被迫「捱貴餸」！天逸邨首批入住的居民楊太一家四口靠丈夫工作糊口，坦言不理解餸菜貴原因，但15年來只能無奈承受：「白菜仔一斤16蚊，出面12蚊！想走都走唔到，又冇錢！」為了節儉只能「樣樣買少啲！真係好吃力，但食一定要食，惟有唔好買衫！」年屆76歲的楊伯，則坦言甚少在天澤街市買餸，每日都會利用2港元乘車優惠，花上1個半小時到屯門新墟買餸，「呢度貴過頭吖嘛！冇計啦！」天澤邨居民文先生則擔心，街市翻新將步天盛後塵高尚化，「好難負擔！不恰當囉，應該做啲平價嘅，等邨民易啲負擔！」


宏安發言人表示，街市檔數和布局調整是因應市場變化需要，翻新後將提供更佳購物環境，期間亦會闢設臨時街市，據悉將有18個檔口提供魚、肉、菜等主要食材。領展則解釋翻新工程旨在提高物業使用率，認為天澤及鄰近商場多個新鮮糧食供應點，包括超市亦可滿足居民基本需求。

立法會議員鄺俊宇則狠批領展只顧逐利，任由升斗市民「捱貴餸」，擔心未來至少半年居民「連買餸都難！」天澤街市原有檔數已低於香港規劃標準近半，鄺怒轟政府規劃天水圍地區設施時嚴重缺失，「依家仲要縮減半個街市，係非常荒謬！」

點解d光復hi呀， 本土柒呀， 支持小販嘅老千政棍呀， 唔出嚟為小市民發聲嘅

artlo

唔関689事, 佢冇做过.

大頭的Qoo

長毛一直係阻上政府賣街市, 可惜力量太少, 阻不了.

其實, 由公營轉私營, 再加上高地價政策, 又刻意去取消租管.  

結果, 預咗嫁啦.....

我唔贊成賣街市車位....  原因又唔係咁.

但係市民無權.... 可以點

Freeman2007

捱貴餸............