有軟墊唔畀瞓日本保安涼薄驅趕孩子睡地板凍到病嘔

大頭的Qoo · 發表於 2016-12-26 16:22:22

東方日報專訊
札幌新千歲機場大混亂，連同港人在內的旅客淪為難民，滯留當地機場，有身處機場的市民目睹最令人感到心酸的情況，有個子小小的港童被迫瞓地下，只穿上禦寒衣物保暖，「我都唔忍心小朋友瞓地下，讓咗自己張櫈畀佢」，亦有小朋友霸得鋪了軟墊的小型遊樂園瞓覺，卻被保安人員多番驅趕，最後由一眾家長徹夜守護及理論，小朋友才可一覺安睡。

有人稱身上藥物耗盡

讀者楊先生昨日向本報憶述前晚（廿四日）的情況，現場約四十名外籍及香港小朋友，部分小朋友要瞓地下，從其拍攝的片段所見，有香港小朋友沒有空椅可睡，需要用衣服當被子墊着身體，又穿上褸、長褲及厚襪禦寒。楊又稱，得知有另一名原定與他乘搭國泰航空回港同機小朋友，昨早上把吃進肚的食物，四度嘔了出來，「佢家長考慮帶佢去醫院，淨係敢畀水佢飲。」他亦聞得有成人指身上的藥物已耗盡，十分淒涼。

至於讀者盧小姐則透露，昨日（廿五日）凌晨亦目睹連串慘況，她稱現場有三十名小朋友，期間有小朋友不斷咳嗽，「咳咳咳，好陰功！有小朋友仲成行鼻涕！」雖然有小朋友比較幸運，可以瞓在一個小型遊樂園內，但又數度被保安驅趕，「小朋友好慘，得嗰度有軟墊可以瞓得暖少少，但日本保安話要熄燈熄冷氣，趕佢哋走！」最後一班家長捱眼瞓守護小型遊樂園，多番與保安理論，才捍衞到小朋友。她又稱，現場斷水斷糧，「就算有杯麵，都冇熱水淥！大人都頂唔順，小朋友點頂呀？」
我係另一個帖都出曬聲, 已準備好食物比佢地, 吊, 佢地又唔黎攞, 緊斷水斷糧