偽人也有真性情--袁詠儀：「夠喇！你走開啦！」

fNsveLqv

張智霖與袁詠議明顯呈強烈對比

張智霖為免太太捲入是非，打圓場說：「香港小姐係代表香港美貌與智慧並重，作為旁觀者應該收聲當幫忙，保持港姐形象。」

袁詠儀聞言即推他離開：「夠喇！你走開啦！」


袁詠儀（靚靚）、張智霖及徐榮昨日出席無綫舉行的《最強人氣品牌大獎2016》活動，夫妻檔現身的靚靚及Chilam分別獲得「最強人氣廣告天王」及「最強人氣廣告天后」。

港姐出身的靚靚，對於同屆的小冰日前出席「慧妍雅集」活動未有穿大會外套，因而被陳法蓉責罵，靚靚力撐小冰：「我哋27年友誼，我唔喺現場唔方便評論誰是誰非，佢係一個唔受到好大傷害都唔出聲嘅人，唔逼到去一個走唔到嘅位置唔會反駁，發咁大脾氣，我聽完就諗到佢一定會爆喊。（佢話退會喎！）退囉！我都唔係嗰個會。」

暗寸「冇咁榮幸撞到」

在旁的老公張智霖為免太太捲入是非，即出言打圓場說：「香港小姐係代表香港美貌與智慧並重，作為旁觀者應該收聲當幫忙，保持港姐形象。」但靚靚聞言即推他離開：「夠喇！你走開啦！」並繼續為小冰發聲，指太了解對方為人，問可了解陳法蓉為人？靚靚說：「工作未撞過，生活圈子唔一樣。（佢喺內地發展？）係咩？唔係好見喎！可能我少喺內地發展啦！冇咁榮幸撞到，就算見到面都冇乜點，可能有記者在場好啲啦！」

對於小冰留言表示要出外散心，靚靚說：「其實都唔使，佢有咁嘅行為即係覺得自己冇錯，希望大家明白佢，但輿論壓力就講到佢小事化大咁，佢唔係咁嘅人，希望佢快啲冇事，我一定撐佢。（件事係因為唔着制服喎！）唔着就畀人鬧？咁我咪冇入會囉！」

而Chilam表示與老婆獲不少贊助商疼錫，故平日慳回不少，反而買東西給老婆支出最大，不過靚靚即呼不公，笑言只在其薪酬攞賠償，要求唔高！

睇黎偽人袁詠儀終於唔在傳媒面前做戲,真鬧張智霖!

東方日報