民建聯成功爭取災場呃like 網民怒插

nestse · 發表於 2016-6-23 08:51:43

九龍灣時昌迷你倉四級火警，引發出民建聯另一場公關災難。事源該黨4名並非當區的區議員前日下午到火場外的馬路中間拍照「打卡」，被網民質疑阻礙救援，有涉事區議員在網上和網民爆發罵戰，堅持是為向居民匯報而到場了解。但網民隨之反駁市民看新聞已了解事件，「匯報要上鏡架？做緊記者呀？」更有人將他們與當年菲律賓人質事件中當地警察在旅遊巴前拍照相提並論，質疑他們「在人的傷痛做宣傳」。

跨區到場拍照的4名民建聯區議員包括代表油塘東?的張琪騰、藍田廣德的?柯創盛、啟業的歐陽均諾牛頭角下邨的?張姚彬。?張姚彬主動在facebook專頁「唐生大地震」中反擊網民，稱「影相向市民匯報好正常」、「相信有睇我哋fb嘅居民也會關心當時的情況！」

他又貼出自己在跨部門援助站掛橫額及多張「手指指」的相片，自嘲「一班無恥的人到凌晨十二點多才離開，與民政署職員確認開放樂華社區會堂，開設跨部門援助站！」但隨即有網民指出「關心淘大火燭嘅人點會走去睇藍田區議員fb？」張琪騰其後補充得悉有消防員殉職後「即時聯絡民政署作相關安排」，又被網友質疑「唔熟書」，「呢個好似係消防處或公務員事務局嘅範圍，唔係民政處搞嘅」。

同樣到過火場、代表彩德邨和彩盈邨的民建聯區議員譚肇卓亦為黨友護航，稱「我當區區議員，封左條路返唔到家，巴士返唔到邨，都唔匯報得？」不過他曾在fb貼相稱「淘大工業大廈的三級火，雖然救熄，但仲好大煙」，再惹來網民批評「放流料」。有網民怒轟消防員冒生命危險救援值得市民尊重，「不是給他們影相做宣傳」，呼籲區議員不應抱到此一遊心態到場利用消防員做佈景板。

【網民咁講】
Alexander Yeung：我好想知仲有咩意見要聽？依家唯一意見就係盡快解決呢單災難啫？咁都要問？定係你覺得，面對災難時，市民會比消防員專業嗎？
Fabiee Cheng：原來依家區議員做野要放上fb先有人知。
Bobo Lam：新聞無報咩依家？你匯報詳唔詳細得過新聞？
Alex Wong我係當區區民，尋晚7:30返到區，都唔見你哋係邨口、路口、甚至地鐵站口去匯報畀我哋知最新情況，請告訴我，我要去邊到先睇到你哋嘅匯報？
Enson Cho：工業區，做倉。開社區中心做咩？

http://hk.apple.nextmedia.com/news/art/20160623/19666498

禮義廉豪言為香港做實事
原來呢d野就係呢個最無恥政黨既所謂實事
希望一d沉默既中立選民認清呢個仆街政黨既真面目