銅鑼灣書店長挺身爆李波非自願返內地 林榮基：中共逼港人無路可退 我們要向強權說不

nestse

銅鑼灣書店店長林榮基失蹤近8個月，日前回港銷案後，昨突現身，開記招首度公開被擄真相。他因帶禁書回內地遭「中央專案組」拘禁，又被迫簽字同意不聘請律師、並在鏡頭面前做戲認罪。林又引述書店股東李波稱，李是在港被跨境擄走，「中國政府已經逼到香港人無路可退」，「一國兩制名存實亡，今次好明顯係跨境執法」。他呼籲港人：「向強權說不，我都可以，你點解唔可以？」

銅鑼灣書店5人去年10月下旬起接連失蹤，店長林榮基大前日回港並到警署銷案，昨突然在立法會議員何俊仁陪同下開記招。他稱，去年10月24日在深圳過關時遭押往派出所，再先後在寧波及韶關被監視居住」，其間內地人員逼他簽字答允放棄通知家人及不聘請律師，他稱當時「孤零零一個人，惟有簽紙」。

被擄8個月期間，內地人員一直沒向林表明屬於甚麼部門或團體，但林稱知道對方「唔係國安、唔係派出所、唔係軍人，而係中央專案組」。林強調是根據香港法律經營正經書店，對方卻指林從香港攜帶或郵寄禁書往內地，違反國內憲法，並要求林把寄書紀錄帶回內地。林斥中央政府「𠵱家衰到要我拎（載有寄書資料的）硬件畀佢做呈堂證明」，但他最終堅拒出賣讀者。

林經歷數十次審問後終於返港，但女友仍遭監視居住。這兩天林翻看港人半年前為書店失蹤5人上街的短片，「完全冇瞓過，我好大感觸，有6,000個香港人上街，我唔識嘅，為咗我哋5個人發聲，我好感激佢哋」。他無法接受李波在港被擄走，故決定開記招交代事件。林昨直言「好對唔住我女朋友」，然而「呢件事唔係我個人嘅事，係香港整個社會人嘅自由訴求……發生喺我嘅嘢可能發生喺各位身上」。

林視香港為家，強調爆料後不打算離港，「（中央）本來要我今日上去，我當然唔敢上去啦，仲上去？」他要求中央政府解釋其所作所為，「你講明一國兩制，公道自在人心」，「如果我作為5個人裏面，負擔最少嘅人都唔出聲，香港就冇得救」。林又呼籲港人向強權說不，「我都可以，你點解唔可以？……呢個係底線，我哋唔可以向強權屈服」。

林昨天開記招前，曾與李波見面，李透露是在違反意願下被帶走，但沒具體說明被何人帶走，「李波係上面派人落嚟捉佢走，呢件事係跨境執法」，李又稱「希望盡快結束件事」。林指現時銅鑼灣書店由「陳先生」續租兩年，但不清楚資金來源，「上面（中央政府）要求佢（李波）辦完公司業務要返上去」。

《明報》報道稱，晚上在李波寓所樓下向李求證林榮基的說法。李波保持笑容說「我唔會講任何嘢」。

協助林榮基的何俊仁指，北京政府若不想香港作為國際金融中心崩潰，要立即保證收手，「唔好再做呢啲事」。他又指「如果林榮基喺今日之後突然消失，大家都知點解」。

立會保安事務委員會主席、民建聯立法會議員葉國謙稱，看不到林榮基事件有跨境執法，「只係叫佢提供資料箒，佢喺香港有自由，如果佢畀（內地）人用刀行住條頸，就係跨境執法」。他指林因違反內地法例被拘留，並無牴觸《基本法》，立會未有理據跟進，「我相信市民只係關心有冇境外人員來港執法，𠵱家係冇」。但葉也認為內地人員威迫林讀稿「認罪」相當不智。

http://hk.apple.nextmedia.com/news/first/20160617/19657756

特衰正苦應該檢控李波非法偷渡離境
迫佢講出事實真相
亦希望林生既女朋友平安無事

cableitoh

1. 多謝林先生有勇氣講出真相比全世界知道.
2. 班奶共白痴一定話林先生收左美國佬$$以去講大話.

無賴階級專政

nestse 發表於 2016-6-17 08:59
銅鑼灣書店店長林榮基失蹤近8個月，日前回港銷案後，昨突現身，開記招首度公開被擄真相。他因帶禁書回內地 ...

唔會的，特衰正苦為共匪服務。

kinsoncc

林榮基講自己過羅湖口岸被拉, 佢冇老屈大陸越境執法, 足以證明佢並非存心靠害大陸, 係實話實說, 而用邏輯去推斷, 李波係冇理由唔知林榮基上大陸過關比人捉, 甚至其他人都可能係, 捉淨佢李波一個, 咁李波仲點會咁蠢自投羅網自願返大陸? 博拉咩?

nestse

cableitoh 發表於 2016-6-17 09:06
1. 多謝林先生有勇氣講出真相比全世界知道.
2. 班奶共白痴一定話林先生收左美國佬$$以去講大話.

如果林先生真係收左美國佬$$以去講大話
美國政府恐怕早就破產了

nestse

kinsoncc 發表於 2016-6-17 09:33
林榮基講自己過羅湖口岸被拉, 佢冇老屈大陸越境執法, 足以證明佢並非存心靠害大陸, 係實話實說, 而用邏輯去 ...

就算無之前四個人被拉既事實
都唔會有人會白癡到偷渡離港去大陸助查
令自己失去自由啦

kinsoncc

nestse 發表於 2016-6-17 10:01
如果林先生真係收左美國佬$$以去講大話
美國政府恐怕早就破產了

佢可以老屈大陸派人來香港捉佢, 老屈大陸越境執法, 到時想香港人唔嘈都難, 起碼佢冇咁講.

無賴階級專政

nestse 發表於 2016-6-17 10:04
就算無之前四個人被拉既事實
都唔會有人會白癡到偷渡離港去大陸助查
令自己失去自由啦

焦點唔係呢度，李波及林榮基係響香港從事合法生意，冇理由因為大陸領導人唔鍾意，就可以在大陸海關捉人，甚至落嚟香港捉人。

共狗講埋啲無厘啦更嘢，旨在使到討論失焦，呢啲係五毛的慣技。

nestse

kinsoncc 發表於 2016-6-17 10:05
佢可以老屈大陸派人來香港捉佢, 老屈大陸越境執法, 到時想香港人唔嘈都難, 起碼佢冇咁講.

連葉國謙呢個狗賊都話內地人員威迫林讀稿「認罪」相當不智
證明佢都相信林生所言屬實

nestse

無賴階級專政 發表於 2016-6-17 10:10
焦點唔係呢度，李波及林榮基係響香港從事合法生意，冇理由因為大陸領導人唔鍾意，就可以在大陸海關捉人，甚至落嚟香港捉人。

共狗講埋啲無厘啦更嘢，旨在使到討論失焦，呢啲係五毛的慣技。

小弟唔同意
因為依家李波話佢係用自己方法偷渡離港協助共狗調查的
即係否定左共狗違反一國兩制在港執法
但李波呢個講法實在連白癡都唔會相信

無賴階級專政

nestse 發表於 2016-6-17 10:16
小弟唔同意
因為依家李波話佢係用自己方法偷渡離港協助共狗調查的
即係否定左共狗違反一國兩制在港執法

都話唔係問題的重點啦，就算李波話真係用自己方法偷渡離港協助共狗調查，但係李波的正當商業行為係發生在香港，所以就算李波咁戇鳩用自己方法偷渡離港協助共狗調查，共狗本來就唔應該插手干預香港之內的正常商業活動。

而家，共匪的爪牙一味糾纏於，有冇跨境執法，就係因為事件的其他方面，佢哋解釋唔到丫嘛！

你做乜要比佢哋帶住走呢？

補充內容 (2016-6-17 10:27):
而家呢講，李波之前講過乜嘢，都已經唔成立了，因為林榮基已經踢爆晒，佢哋的視頻又好，所謂表白又好，都係共匪導演的。

kinsoncc

無賴階級專政 發表於 2016-6-17 10:23
都話唔係問題的重點啦，就算李波話真係用自己方法偷渡離港協助共狗調查，但係李波的正當商業行為係發生在 ...

<而家呢講，李波之前講過乜嘢，都已經唔成立了，因為林榮基已經踢爆晒，佢哋的視頻又好，所謂表白又好，都係共匪導演的。>

所以難為班太監了, 之前叫市民應該相信李波的親口說法, 到今天林榮基有另一種親口說法, 佢地又唔敢叫市民相信佢.

kingkong_hk

林又引述書店股東李波稱，李是在港被跨境擄走  <== YOUR BALL又被代表鳥, YOUR BALL自己講果D就冇人信, 信E兜友?

kingkong_hk

一國兩制名存實亡 <== 香港有老婆, 大陸有條女, 充分發揮1國2制精神

kinsoncc

kingkong_hk 發表於 2016-6-17 10:36
林又引述書店股東李波稱，李是在港被跨境擄走

咁林榮基話自己去到羅湖比人捉, 不是在香港比人捉, 咁你又信? 佢講李波係被誇境執法你又唔信? 咁你又係咪係選擇性相信呢? 護主之心係可以理解, 但小心跟車太貼呀.

kinsoncc

kingkong_hk 發表於 2016-6-17 10:38
一國兩制名存實亡

咁同佢講呢單野可唔可信有咩關係呢?

kingkong_hk

kinsoncc 發表於 2016-6-17 10:52
咁同佢講呢單野可唔可信有咩關係呢?

所謂爆料都係各有各單方面吹冇任何互助

2邊都唔可以信10足, 自己思考囉

照單全收唔思考根本就冇可能知真相

kingkong_hk

kinsoncc 發表於 2016-6-17 10:40
咁林榮基話自己去到羅湖比人捉, 不是在香港比人捉, 咁你又信? 佢講李波係被誇境執法你又唔信? 咁你又係咪係選擇性相信呢? 護主之心係可以理解, 但小心跟車太貼呀.

我傾向信自己講返自己囉

講人地就要好有正句囉

我話涼凸手金鐘罩13關刀槍不入都得啦, 佢唔話俾人知之嘛

超能仔

nestse 發表於 2016-6-17 08:59
銅鑼灣書店店長林榮基失蹤近8個月，日前回港銷案後，昨突現身，開記招首度公開被擄真相。他因帶禁書回內地 ...

矮仔仁教佢咁樣講啊！

無悔

向林榮基先生致敬！
祝願他平安！