素顏伍姑娘坐練海棠「偷食戰車」抵銅鑼灣數度合十

閃電高達 · 發表於 2016-6-16 13:24:50

現年47歲的伍詠薇（伍姑娘）於1999年嫁給練海棠，二人結婚17年，噚日有周刊影到佢老公早前同一個34D長髮女，練海棠揸七人車，匿車廂密會兩粒鐘，伍姑娘噚日現身錄影有線節目時，認片中就係佢老公，覺得件事係真，冇得走雞，直言「玩完要老婆執手尾」並代夫道歉，她揚言回家後將審判老公。

伍姑娘下午11點半左右，同女友人坐住「偷食戰車」，抵銅鑼灣利舞臺，估計係去整頭髮，預備下午要錄影有線電視節目《伍姑娘真識食》。

素顏戴上口罩嘅伍姑娘，一落車即鞠躬合十，被問噚日有冇同老公傾過個問題、老公有冇交代番件事，伍姑娘只係豎起手指公，並強顏歡笑，佢笑言：「噚日答完所有問題，我唔會再講，唔該晒你哋先，辛苦晒!」佢上樓前，亦數次合十，以示「有心、多謝」嘅意思，見佢手上仍然戴住婚戒。