【港超聯】 2016-17 LET'S GO CRAZY

man36951

港超聯　林志堅投傑志！答謝港Fans！

港超聯堅喜訊！傑志獲猛將加盟！前德甲球會漢堡戰將、港人二代林志堅落實回港發展，加盟傑志簽約兩年，林志堅聲稱今次回港落班係深受港人對佢嘅熱情感動，希望回歸家鄉闖出一片新天地，協助傑志力爭聯賽及亞洲賽佳績。

現年25歲嘅林志堅過去一直未有諗過回港發展，不過去年暑假回港後，想法卻出現翻天覆地變化，經過訪問傑志訓練中心，並同唔少球迷會面後，發現香港人（無論傑志上下同一眾球迷）對佢嘅熱情都超乎想像以外。「我喺德國，即使踢漢堡正選嘅時候，都只係一個普通人，但嚟到香港，傑志上下都視我為上賓，而且有大量香港球迷搵我簽名合照，當中唔少仲攞住我效力漢堡同格雷特霍夫嘅波衫搵我簽名，實在受寵若驚！」當時佢已經有一個念頭：香港人比德國人，更加將佢當做自己人！

志堅上季効力德國乙組球會格雷特霍夫，基於同教練魯芬碧克喺所踢位置上有嚴重分歧，大部分時間被投閒置散，相當冇癮：「我已經同教練講過好多次，我嘅強項應該係中前場，喺訓練分隊賽同熱身賽，我都盡我所能，而且自覺做得唔錯，不過教練話我喺球隊只可以踢二閘，因為中前場佢已經有心目中嘅人選。」志堅認為自己已經唔係初出道嘅小將，現時係足球生涯黃金階段，唔想再喺格雷特霍夫磋跎歲月，於是主動聯絡傑志，希望能夠喺父親林金發生養之地重新出發，闖一番足球事業新天地。

傑志對林志堅亦表現出最高度誠意，除咗付出港超頂級薪酬外，亦答應畀佢踢佢最擅長嘅位置。雖然傑志條件仍然追唔上德國球會，但志堅深感受到禮遇，一拍即合，成為傑志來季生力軍。

M❤J

因為上季唔肯打閘, 所以冇得點踢, 對香港足球係好, 不過佢有能力可以去其他國家踢

man36951

M❤J 發表於 2016-7-3 11:14
因為上季唔肯打閘, 所以冇得點踢, 對香港足球係好, 不過佢有能力可以去其他國家踢

只簽了傑志2年, 可能只當一個橋樑, 中超才是真正的目標

man36951

盧均宜期待同林志堅擦出火花

港超球星蓄勢待發備戰新球季，香港代表隊成員包括謝德謙、許嘉樂、李毅凱、張健峰及盧均宜於周日(3日)殺入旺角鬧市街頭出席「Mr Men Little Miss街頭藝術活動」，與一眾粉絲近距離接觸。若論今夏休季最爆港超消息，非前德甲漢堡中場林志堅加盟傑志莫屬。傑志隊長盧均宜期待擦出火花：「林志堅曾在德甲立足，實力毋庸置疑，他的加盟能加強球隊兵源外，也帶來競爭動力。看過他的比賽片段，偏向右路活動，我也期待能與他在右路配合進攻。」至於去季在標準流浪獲得不少上陣機會的許嘉樂，來季將續留球隊，日前已與新帥馮凱文見面的他，期望注入新氣象。而南華則會在周一(4日)率先開操，主力張健峰今夏因報讀教練班未有外遊，笑言已準備就緒，期待在30日與意甲冠軍祖雲達斯交手。

man36951

港超班霸南華周一(4日)率先開操，去季協助香港飛馬連奪雙盃的「梁氏兄弟」梁冠聰及梁諾恆並肩「上山」，加上曾效亞協盃冠軍柔佛的西班牙前鋒巴里奧(Braulio Nobrega)加盟，陣中大部分主力留隊，預計班費約2500萬港元，足主張廣勇豪言最少包攬2至3個錦標！

「張博士」表示：「其實球隊在上季尾表現已有改善，期望經過磨合後能變得更純熟，相信今季表現會更添朝氣。梁氏兄弟加盟亦可望加深中後場板櫈深度，特別是去季偉豪受傷期間，後防兵源非常緊拙。球隊今季目標清晰，2至3個錦標應該走唔甩。」他續表示將會物色多一名外援前鋒，配合曾效柔佛的巴里奧，首要目標是於9月對柔佛的亞協盃8強過關。

woodsandhills

呢隊柔佛DT幾勁下而且人地七月已開打，南華都好難過關 。

man36951

woodsandhills 發表於 2016-7-5 00:54
呢隊柔佛DT幾勁下而且人地七月已開打，南華都好難過關 。

去到8強，每一場都唔容易應付，雖然唔樂觀，但未必一定輸硬的。

man36951

港超聯　突添3新軍 下季港超增至11隊

來季港超聯賽隊數峰迴路轉，儘管夢想駿其及灝天黃大仙未有申請牌照，但經過港超聯工作小組周二(5日)召開特別會議，初步接受甲組亞軍港會、新軍港菁及中超廣州富力派出青年軍參賽的申請，只等待下周董事局會議通過，來季便幾可肯定將有11支參賽球隊出賽。

自灝天黃大仙拒留港超消息傳出後，一直有傳球圈人士擬借用甲組花花的會籍招攬U21小將參賽。足總CEO薛基輔表示，該支港超新軍將沿用早年由足總成立的港菁會籍，而港會亦已通過同人大會修改憲章轉戰職業賽，球員均需簽下職業球員合約及按照足總的本地球員資格出賽。

至於空降港超的廣州富力，將另派新軍於香港足總註冊，並會以香港為基地，初步構思以小西灣運動場作為主場。薛基輔表示廣州富力的內地球員將可獲豁免不計外援名額，但亦期望該隊可吸納夢想駿其與灝天黃大仙的失業球員。

來季仍會維持「升一降一」制度，並擬取消聯賽盃及保留菁英盃。

woodsandhills

man36951 發表於 2016-7-5 16:59
去到8強，每一場都唔容易應付，雖然唔樂觀，但未必一定輸硬的。

好難過關   當然５等於必敗。 亜州賽事都係從三月至十一月，同韓日中澳球季接近，對我呢Ｄ從９月至５月球隊自然不利，好似去到八強對手基本強勁而自己連球季都未Ｇ幾時開始？開左操但冇正式比賽跟本冇狀態，各項不利因素固然難過關 。

man36951

woodsandhills 發表於 2016-7-5 19:59
好難過關   當然５等於必敗。 亜州賽事都係從三月至十一月，同韓日中澳球季接近，對我呢Ｄ從９月至５月球 ...

這個因素早已存在，上屆不是入錯一件寶馬，雖在主場，但一開波就已經是10打11，唔輸就怪了。還看南華另一個新外援如何了。牌面雖低，但有得打的，不過唔記得今屆是主場或作客了。

woodsandhills

回復 man36951 #130 的帖子

主客各一場，上季入錯太多啦，卡路士都應該叮走，不過叮走佢連派牌嘅人都冇？陳七做５賭不如揾加緯過泥（反正佢係傑志經常做後補，加且又多個林志堅）  曾文輝又５係禁ok出摩拉前面又小個外援，所以南華難打 ！！

man36951

港超聯　東方簽麥基征亞洲賽

去季港超冠軍東方為準備征戰來季亞洲賽，一直密鑼緊鼓增兵，周三（7月6日）宣布簽入港隊射手麥基，希望以其速度增強前線實力。

man36951

【中場悍將陳俊樂歸隊復操，U-21如虎添翼！ - 香港U-21代表隊備戰新加坡四角賽】

喺上個球季獲得Kim Sir賞識，成功躋身「大港腳」行列嘅中場球員陳俊樂，經過「收咧」後一輪休息充電，近期已經加入香港U-21代表隊集訓大軍之中，一齊備戰新加坡四角賽。

由於「樂仔」上季季尾仍然有代表「大港腳」出戰喺緬甸舉行嘅國際賽，所以真正嘅休息時間可能未算太多。不過「樂仔」就話已經足夠，目前要做嘅，就係開始重新建立比賽體能，亦要喺心理上做好準備，應付練習同埋比賽。

體能好、身體質素唔錯、防守硬淨、鬥志強橫……呢幾樣可能都係「樂仔」喺球場上嘅長處，不過更加令人感到高興嘅，就係「樂仔」似乎冇因為自己已經成為咗「大港腳」而感到自滿。

「樂仔」話，明白到現時外界對佢嘅期望會比較從前為高，但係佢自己只會用平常心去對待，落到場就盡量表現自己嘅能力：「對於來自球迷或者傳媒嘅讚美，我會嘗試麻醉自己，唔好太過在意。畢竟足球場係一個英雄地，假如要贏得外界嘅認同，自己就必須持續咁攞出好嘅表現俾人睇，而為咗確保自己可以繼續喺比賽中交出良好嘅表現，唯一嘅途徑就係喺訓練中傾盡全力。」

無自滿、無偷懶、無逃避。陳俊樂同埋一批香港U-21代表隊嘅隊友，個個都躍躍欲試，期待可以喺新加坡四角賽一展身手，証明香港足球新一代嘅實力！

woodsandhills

man36951 發表於 2016-7-6 15:22
【中場悍將陳俊樂歸隊復操，U-21如虎添翼！ - 香港U-21代表隊備戰新加坡四角賽】

喺上個球季獲得Kim Sir賞 ...

話時話佢來季踢邊隊 。

woodsandhills

man36951 發表於 2016-7-6 14:24
港超聯　東方簽麥基征亞洲賽

去季港超冠軍東方為準備征戰來季亞洲賽，一直密鑼緊鼓增兵，周三（7月6日）宣布簽入港隊射手麥基，希望以其速度增強前線實力。

乜５係宣佈左好耐咩  ？？！

man36951

港超聯　「新軍」教頭招重文：有信心不墊底

隨足總港超工作小組初步接納來季11支球隊參賽，新軍港菁已著手組軍，教練招重文透露除栽培港隊U21小將，亦會從灝天黃大仙吸納舊部，球隊可望在日內開操，有信心不會「墊底」。

港超新球季將有甲組亞軍港會、港菁及中超廣州富力派兵加入，當中新軍港菁將由灝天黃大仙主帥招重文及潘文俊攜手領軍，並獲灝天金融集團及標準流浪會長莫耀強出資贊助。兩位教練周三（6日）聯同贊助商代表商討組軍動向，據「招Sir」透露，除原效流浪的U21小港腳，廖培楓、楊賜麟、余沛康等灝天黃大仙舊部亦有望加盟，相信可有足夠本地人腳出戰。

儘管港菁沿用2011至12年球季的舊會籍，但球隊名稱或有變動，灝天金融及標準錶針或同時合組組成新隊名，稍後亦會物色新外援。「招sir」表示：「其實灝天一直樂意推動本地足球，只是有部分問題未能與黃大仙達成協議。現在另組新軍，希望可給予年輕球員吸取上陣機會，只要董事會通過牌照審批，球隊便可在短期內開操，準備絕對會比上季的黃大仙充足，有信心不會墊底。」

man36951

woodsandhills 發表於 2016-7-6 21:44
乜５係宣佈左好耐咩  ？？！

之前未正式公布

man36951

woodsandhills 發表於 2016-7-6 21:43
話時話佢來季踢邊隊 。

冇意外，應留飛馬

man36951

飛馬前主帥李志堅 帶四愛將投大埔

再戰港超聯的「升班馬」和富大埔，隨着獲足總發出「港超聯」參賽牌照後，身在英倫的前飛馬主教練李志堅昨越洋通知傳媒，確認新一季轉投和富大埔執教外，更「擇吉」於本月19日假廣福公園球場舉行拜神兼開操儀式。


和富大埔上季以甲組聯賽冠軍身份取得升班資格，也是該隊三年內第二次出戰港超聯。由於上季執教飛馬的李志堅將帶兵過檔，包括愛將黃威、李嘉耀、陳俊樂及馮慶燁等，而大埔則保留了多名升班功臣，計有前國援葉佳、陳立明、陳旭智、林毅東及洽談續約中的前南華翼鋒韋爾等，至於上季出任南華守門員教練的陳家麒，今季也「回歸」大埔，助母會一臂之力。


今季帶兵入閣和富大埔出任該地區球隊之足球部管理委員會主席的蔡尚圻表示﹕「離開飛馬入閣和富大埔，目的是希望多一支重視年輕球員的青訓球隊，球隊班費約600萬至700萬，並會在前、中、後場聘用外援，儘管大埔今季的目標不是爭標，但也不會放過在盃賽爭取好成績。」


和富大埔目前組軍尚未完成，目前仍有華將在接洽中，而覓援工作則已展開，其中，上季効力南華的盧卡斯也是大埔的斟介對象。

man36951

man36951 發表於 2016-7-7 14:58
飛馬前主帥李志堅 帶四愛將投大埔

再戰港超聯的「升班馬」和富大埔，隨着獲足總發出「港超聯」參賽牌照後 ...

陳樂過大埔，
飛馬有了鬼佬教練, 但過半年青球員走了, 這回真係好好考驗教練的功力了