【港超聯】 2016-17 LET'S GO CRAZY

woodsandhills

man36951 發表於 2016-12-11 13:43
吳偉超可以當後備, 以佢的能力, 半場絕無問題.

超仔響大６最出色係十年前打申花時候早幾年番香港打南華同飛馬都係普通料更何況呢２年基本冇乜點上長，，而東方後防有曾至考，謝敏榮＆黃志聰都係踢超仔個位，所以只是出多份粮又冇乜幫忙，，如果東方有心打亜冠就應該炒基奥云尼，勞高同美路史拿域，換兩個高質中埸同前鋒，而且上面提過果三位都要開除，召回三個外借球員代替。不過要睇下佛山條水喉點諗！！

man36951

傑志憑林嘉緯下半場一箭定江山，作客以1:0擊敗和富大埔，暫時升上聯賽榜首位。

上半場16分鐘，盧卡斯頭槌攻門但不中目標。23分鐘，林柱機禁區頂撞射高出。25分鐘，羅勳奴26碼施冷箭亦無功而還。26分鐘，黃威接應陳俊樂右路傳中後於後柱起腳，可惜欠力度下被王振鵬沒收。27分鐘，梅斯達菲在混戰射中楣。32分鐘，羅勳奴於細禁區回傳予林志堅，但後者撞射被杜度於白界前解圍。44分鐘，林柱機左路K角位起腳僅出界。45分鐘，林嘉緯近門頭槌再被保羅飛身拍出。

下半場50分鐘，盧卡斯擺脫傑志守將夾擊下窄位勁射僅中網側。56分鐘，丹尼左路禁區K角位起腳但不中目標。59分鐘，盧卡斯在頭槌欠力度下被王振鵬接實。64分鐘，羅勳奴禁區偏右位置起腳僅高出。65分鐘，陳俊樂禁區頂偏左位置起腳，王振鵬甩手但及時回身接實。70分鐘，林嘉緯離門25碼近左路K角位轟入世界波，傑志領先1:0。73分鐘，辛祖右路窄位抽射被保羅單手托出。87分鐘，辛祖再次在窄位起腳又被保羅沒收。完場前盧卡斯接應左路傳中球頂斜，注定大埔未能平反敗局。

苦戰半季終於轟入第1球，林嘉緯坦言信心曾受輕微動搖，但相信入球後信心會有所提升。他又指賽前教練團已要求他多加遠射，亦特別加強訓練，故起腳時亦有信心入球。至於和富大埔教練李志堅認為球員已經拼盡，只是把握力不足才致敗局，他對賽果感到可惜但滿意發揮。

man36951

九巴元朗憑葉子俊交出1個入球及1個助攻，作客以2:1反勝理文流浪。

10分鐘，希堅奴禁區頂射門但不中目標。15分鐘，史提芬彭利拿右路窄位射門但不中目標。17分鐘，黃梓浩左路勁射被彭梓鍵封位沒收。22分鐘，利馬右路快放後斬中，許嘉樂近門在對手力壓下射高。43分鐘，黃梓浩推至左路窄位起腳，彭梓鍵接波甩手被利馬截得皮球後窄位射入，理文流浪領先1:0。

下半場59分鐘，許嘉樂禁區內射門但不中目標。63分鐘，張健峰把握對手犯錯在右路禁區K角位笠得中網側。68分鐘，葉子俊禁區頂起腳但高出。73分鐘，史提芬彭利拿主射左路禁區頂K角位罰球高出。74分鐘，葉子俊接應希堅奴妙傳後單刀建功，元朗追平1:1。77分鐘，葉子俊中路交給無人看管的劉浩霖，後者在禁區內偏右位置射入成2:1。補時階段，雲迪奴域近門起腳被基頓在白界前解圍，但元朗仍力保勝果至完場。

九巴元朗主帥曾昭達對險勝感到意外，承認賽事發展是他預期之外，能夠贏波是全隊功勞。至於贏波功臣葉子俊指出，反勝是因為下半場換人後對手未適應己隊雙前鋒踢法，因而把握反勝機會。

guam1

man36951 發表於 2016-12-10 21:01
近期大戰你覺得邊場係悶

東傑
南巴都惡評如潮LA
我睇菁英盃好過

guam1

woodsandhills 發表於 2016-12-10 22:19
睇過嘅比賽（現場＆轉播）  應該係飛馬對南區 。

呢場極品 TIM LA

man36951

【準備亞冠盃分組賽抽籤】
2017年亞冠盃分組賽抽籤儀式將會喺明日（13日）於吉隆坡進行，東方龍獅足球隊副總監兼助教司徒文俊已經抵埗，準備見證香港球隊歷史時刻。

「司徒Sir」今午抵達吉隆坡後稱：「驟眼看今次亞冠盃分組賽的參賽球隊，我們似乎無可避免會跟一些來自日本、韓國、中國或澳洲的球隊同組，它們全都具備相當實力，無論如何都會是難以應付。因此，我反而會着眼於分組賽賽程及主客賽事日期的編排方面，希望看看能否從中佔得少許優勢。」

記住繼續留意我哋東方龍獅足球隊專頁，緊貼抽籤形勢消息 💪💪💪
Eastern Long Lions arrive Kuala Lumpur for 2017 AFC Champions League Group Draw

Szeto Man-chun, Assistant Director and Assistant Coach of the Eastern Long Lions football team, took off for Kuala Lumpur, Malaysia on Monday morning to get ready for Tuesday afternoon’s AFC Champions League 2017 Group Draw.  

Upon landing in Kuala Lumpur, Szeto offered his early views on the potential pairings in next year’s AFC Champions League group stage. “You look at some of the names in the draw and there is a very good chance that we will be coming up against sides from either Japan, Korea Republic, China PR or Australia. These are all very capable sides and no matter who we get in the group, we will be having some up-hill battles anyway,” offered the former Hong Kong international.

“On the other hand, I am actually more concerned about how the home and away fixtures might fall into various match dates. Hopefully, the match schedule will fall in our favor and offer us a slight advantage.”

#EasternLongLions #AFCChampionsLeague

man36951

回復 woodsandhills #1 的帖子

要有好成績，換番外援是一個好辦法。
但在人情味上，就全缺了。

man36951

guam1 發表於 2016-12-12 11:04
東傑
南巴都惡評如潮LA
我睇菁英盃好過

東傑呢場，我在現場。兩隊都係快上快落。未算好精彩，但一定不是悶戰。
南巴呢場，元朗係打得好的，只是缺一個把握力好前線球員。

woodsandhills

man36951 發表於 2016-12-12 16:24
回復 woodsandhills #1 的帖子

要有好成績，換番外援是一個好辦法。

哥哥仔，職業足球，呢個係你嘅職業 達５到要求就梗係敢，相反有另一個地方比高一半人工  而佢過左去，敢你會５會話佢有人情味？  

woodsandhills

man36951 發表於 2016-12-12 16:22
【準備亞冠盃分組賽抽籤】
2017年亞冠盃分組賽抽籤儀式將會喺明日（13日）於吉隆坡進行，東方龍獅足球隊副 ...

以東方實力能夠係六埸攞六分已經超晒標，只要係比賽真係盡晒力而又５好輸得太難睇，可以合格了。

man36951

woodsandhills 發表於 2016-12-12 17:02
哥哥仔，職業足球，呢個係你嘅職業 達５到要求就梗係敢，相反有另一個地方比高一半人工  而佢過左去，敢你會５會話佢有人情味？

你的問題，英超常見。

woodsandhills

man36951 發表於 2016-12-12 19:41
你的問題，英超常見。

呢個係普通現實，放諸世界各個界别  也如此！

man36951

【我撐賽後小報告】華將大爆發！
喺過去一周嘅5場港超聯賽共有12個入球，當中8個係來自華將，認真爭氣!

講到今季最搶眼華將，大家可能第一時間諗到獲得香港體記協會選為10月最佳球員嘅東方龍獅主力李康廉。不過當九巴元朗前鋒葉子俊後備登場一傳一射，協助球隊2比1反勝理文流浪後，喺聯賽入咗5球嘅佢，入球數字已經同康廉睇齊! 九巴元朗今季表現有幾Surprise? 無需小編多說，相信近2場有睇東網直播嘅球迷朋友都會見到，上場對南華主宰控球率卻欠埋門一腳，今仗子俊就冇走雞，一傳一射，動作快而俐落。子俊過去入球最多嘅球季，不外乎6、7球，今季暫時只係過咗一半，已經有5球進帳，佢自己都話絕對係意料之外。喺較早前公布嘅省港盃初選名單，九巴元朗共有5人入選，但子俊偏偏榜上無名，對上一次入選港隊，都已經係摩力克年代舊事。問到子俊有冇少少覺得唔抵，佢就顯得相當豁達:「今季好多本地球員表現都好好，如果講唔抵，我覺得賜B(標準灝天隊長楊賜麟)比我更值得入選。我已經31歲，或者香港隊希望畀更多機會年輕球員，對我而言，最重要係Keep住而家狀態。」

子俊唔講，真係完全唔覺佢已經過咗3字頭! 男人三十一支花，不過球員過咗3字頭，就會被標籤為老將，但係只要律己以嚴，年齡，只不過係數字而已。同子俊一樣已經31歲嘅林嘉緯，今季喺傑志雖非必然正選，但喺球隊需要之時，正正係依靠佢嘅招牌左腳挺身而出，取得重要爭標3分。隨住現代足球日新月異，好似嘉緯呢類型技術型球員，似乎已經愈來愈少，嘉緯亦都曾經講過，試過去改變自己迎合新趨勢，但係往往因為咁，埋沒自己長處，反而做番自己，可以帶畀球隊更多火花!

講到變，近年唔少華人前鋒球員愈踢愈後，子俊依然喺前線愈踢愈有，除咗多得教練信任，仲要靠自己努力鑽研走位，比起往季多靠向邊路突破，今季更多完成埋門一腳。除咗子俊之外，另一位值得畀球迷畀掌聲嘅華人前鋒，唔少得為香港飛馬射入致勝入波嘅梁嘉恆。香港飛馬今季經歷唔少風雨，新加盟嘅嘉恆亦遇上傷病困擾，不過喺上個月舉行嘅亞洲足協團結盃，澳門隊雖然屈居亞軍，但嘉恆嘅神勇表現，已經為佢贏得MVP榮譽嘉許。

喺周六對住南華嘅港超聯賽，後衛艾華度喺上半場中段已經傷出，領隊奇雲邦特(KB)又有奇招: 由澳洲前鋒查維斯申演中堅。冇咗呢架坦克車喺身邊，嘉恆無疑少咗個掩護，但佢全場努力跑動，製造唔少埋門空間，最後仲把握咗安基斯一下半傳半射，突破越位射入關鍵入球，證明前鋒除咗身型，食腦靈活都好重要! 呢球除咗係嘉恆今季加盟香港飛馬首個入波，對球隊嚟講更加緊要，因為香港飛馬已經有成差唔多兩個月冇贏過波，唔怪得向來冷靜嘅KB，完場後都忍唔住振臂歡呼!

香港飛馬下場比賽要去到1月21日對理文流浪，到時轉會窗重開，相信應該可以「明年會更好」，而嘉恆嘅信心，亦都逐步加強。相比起兩年前初來香港加盟和富大埔，嘉恆真係大隻咗唔少，背後除咗自己努力，亦要多得伯樂過招: 「KB除咗成日同我哋單對單傾偈輔導心理，仲不時加操糾正我企位同加強壓逼，球隊可以重返勝軌，絕對係團隊功勞。」

鋒芒初露，自然值得鼓掌，但係不亢不卑，先至可以走得更遠。相信呢幾年經歷過大起大落嘅卓耀國，應該開始學懂箇中意義。就喺對住港會嘅護級大戰，阿國接應另一土炮代表張國明，射入全場唯一入球，3場入3球FIT到漏。而呢兩季上陣唔多嘅「細明」，亦都清減咗唔少，今場仲有新嘗試，唔係愈踢愈後，而係改踢前鋒! 「前排比賽狀態爭啲，踢邊路有少少跟唔上節奏，反而轉踢前鋒更自由。」

外界聲音從來無法控制，但係只要自己爭氣，機會總會擺在眼前。
（文：++姐）

man36951

[西班牙前鋒馬高斯加盟]

冠忠南區正式宣佈簽入西班牙前鋒馬高斯，目前馬高斯已經跟隨大軍操練，不過他需要等待一月份轉會市場重開後，辦妥註冊手續才可以替球隊上陣。

將會穿上21號球衣的馬高斯表示冠忠南區是一支有質素的球隊，能夠加盟這支地區球隊感到開心，他會盡全力爭取入球，協助球隊提升聯賽排名及贏得盃賽錦標。

主教練鄭兆聰認為馬高斯是一位具質素的中鋒球員，之不過季初在傑志未能踢出水準，Ricky覺得馬高斯的履歷絕對可以在港超立足，年紀亦未算太大，再加上他很想留港發展，所以決定簽入。

man36951

[#亞冠盃]  狙擊東方潛在對手

#亞洲聯賽冠軍盃 分組賽，
今日下午晌吉隆坡抽籤。

#東方龍獅 對咩強敵，
到時有分曉！

唔計附加賽出線對手，
潛在對手真係嚇死人！

南韓：FC首爾、水原藍翼、全北汽車
日本：鹿島鹿角、(浦和紅鑽 或 川崎前鋒)、天皇盃冠軍
澳洲：阿德萊德聯、西悉尼流浪者
中國：廣州恆大、江蘇蘇寧
泰國：蒙通聯

祝你好運啦！

woodsandhills

man36951 發表於 2016-12-13 10:44
[#亞冠盃]  狙擊東方潛在對手

#亞洲聯賽冠軍盃 分組賽，

５通你仲希望對印尼或越南or柔佛咩（佢地都冇份），預左對強隊預左比人砌，最緊要打出百二分努力輸都要輸得好好睇睇， 至好抽到恒大，江蘇，全北  ！   澳洲和泰蘭就冇謂碰啦！

guam1

woodsandhills 發表於 2016-12-12 17:06
以東方實力能夠係六埸攞六分已經超晒標，只要係比賽真係盡晒力而又５好輸得太難睇，可以合格了。

有分落袋都執到

man36951

woodsandhills 發表於 2016-12-13 13:08
５通你仲希望對印尼或越南or柔佛咩（佢地都冇份），預左對強隊預左比人砌，最緊要打出百二分努力輸都要輸得好好睇睇， 至好抽到恒大，江蘇，全北  ！   澳洲和泰蘭就冇謂碰啦！

正路，會同中日韓同組。

man36951

［前日職進攻中場內田智也加盟］

冠忠南區增兵停不了，今日就正式公佈簽入前日職球員內田智也。

現年33歲的內田智也在2006年帶領橫濱FC由日乙升上日職，其後轉會至大宮松鼠及甲府風林，累積超過70場日職經驗，近季重返橫濱FC效力，與日本名將三浦知良成為隊友，得到前港超球員福田健二引薦下，冠忠南區決定將他收歸旗下。

主席陳文俊表示球隊一直為亞洲賽作準備而物色亞援球員，而除了內田智也之外，另一位韓國防守中場球員早前亦曾經跟操，但及後因爲亞洲賽資格落空，為了兌現增兵承諾，與主要贊助商「冠忠巴士」得到共識後，決定繼續加強球隊實力應付本地賽事，衡量球隊現有人腳後，確實需要加強中前場攻擊實力，決定簽入內田智也。

內田智也將會穿上32號球衣，今午開始跟隨球隊操練，辦妥註冊手續後，預計一月開始為球隊上陣。

man36951

【亞冠盃抽籤 東方龍獅身處G組】
亞冠盃分組賽剛完成抽籤，
東方龍獅被分進G組，
同組還有廣州恆大（中超冠軍）、
水原藍翼（南韓足總盃冠軍）及
日職第3順位球隊（要視乎天皇盃戰果）