【港超聯】 2016-17 LET'S GO CRAZY

man36951

woodsandhills 發表於 2016-11-22 23:27
回復 man36951 #694 的帖子

浪費晒我地Ｄ錢    算啦！冇眼睇佢。。。。。   不如睇下傑志換過邊２個外援， ...

傳聞是南韓國腳

man36951

傑志大意失荊洲，面對標準灝天時僅能與對手踢成0:0平手，痛失兩分後，傑志的爭標形勢頓起變數。

8分鐘，費蘭度左路窄位起腳被張景驊沒收。27分鐘，艾華頓近門射斜。35分鐘，林柱機主射離門25碼偏左罰球但不中目標。45分鐘，費蘭度接應盧均宜的右路傳中近門跳頂但被張景驊白界前接實。
下半場甫開波，賴菲爾在左路窄位勁射被王振鵬撲出。49分鐘，費蘭度左路傳中但辛祖近門加一腳後言出。63分鐘，艾華頓在混戰中射斜。65分鐘，辛祖主射左路禁區頂Ｋ角位罰球被張景驊撲出。66分鐘，艾華頓在禁區頂推橫後起腳被王振鵬托出底線。67分鐘，盧均宜離門30碼近右路邊線施冷箭但無功而還。76分鐘，辛祖接應右路角球於遠柱頭槌二傳，但艾力士近門頂高。78分鐘，羅勳奴與辛祖近門爭食後者頂高。86分鐘，謝雷禁區內左路窄位射門但中網側。88分鐘，林柱機主射離門25碼近左路邊線罰球被張景驊托出底線，註定比賽和局完場。
傑志教練朱志光認為濕滑場地有影響球隊發揮，但球員其實有能力應付。他又相信失分對爭標形勢影響有限。至於標準灝天領隊招重文自言球隊過去一星期用心部署練習防守，能夠有傷兵滿營的情況下取回一分是球員努力的回報。

woodsandhills

回復 man36951 #701 的帖子

禁奇特！！！ 其實佢地要個外援中埸打亜冠賽事喎 ！

woodsandhills

回復 man36951 #702 的帖子

我擒日趕左２埸波，和富大埔好差，同佢地全隊陣容５成正比 。。。。。 而傑志除左賴個球場，其實冇一個球員有好表現（門將好Ｄ），標準反而有板有眼，果個勞烈斯越打越好，似乎港隊後防有Ｄ希望  ！！

man36951

【傑志簽梅斯達菲】

冇錯，傑志簽咗梅斯達菲，不過呢個梅斯達菲就唔係踢緊阿仙奴嘅德國中堅，而係26歲嘅高中鋒梅斯達菲（Orhan Mustafi）。足總官網嘅傑志球員專欄，已經有呢個球員嘅profile，即係代表傑志已經同佢註冊咗。

雖然唔係德國國腳嗰個梅斯達菲，不過呢個梅斯達菲都算係國腳級嘅。身高1.90米嘅佢喺2008-10年期間，代表瑞士U19、U20同U21踢過14場波，入過5球。由於佢本身係阿爾巴尼亞同馬其頓混血兒，自小已經隨家人移居瑞士同喺瑞士長大，所以3個國家嘅國家隊佢都可以踢，當然要睇吓邊隊召佢啦﹗

喺球會方面，梅斯達菲係瑞士勁旅草蜢青年軍出身，喺08至10年間效力瑞士班霸巴素利，上陣16次入5球，其中4場仲係歐聯同歐霸盃賽事添。之後佢外流過去比勒費爾德踢德乙，同埋蘇超球隊羅斯郡。不過佢近年發展唔多順利，近3年都只係踢瑞士次級聯賽，上季踢Le Mont喺聯賽上陣19場入5球，之後就冇落班。預計佢應該係取代馬高斯位置，到底啱唔啱使就要睇吓先知。

man36951

理文流浪在剛過去的一周港超足球聯賽輪空，球隊專注準備周五晚主場對R&F富力的比賽，爭取重返勝軌，回顧上仗主場不敵和富大埔，主教練馮凱文承認球隊表現不佳，必需在來仗重拾拚勁。

馮教練直言對和富大埔一仗球隊輸波並無不值之處，他說：「該仗是開季以來表現最差的一仗，全隊鬥志、士氣都未如理想，球隊不擅主攻的毛病更為明顯，這對我們來說是一個教訓，輸掉該仗球隊要爭上聯賽前列形勢變得被動，必需正視主攻能力不足的問題，並且要激勵球員重拾鬥志。」

woodsandhills

回復 man36951 #705 的帖子

５係禁睇好呢個新援，不過又好難係有限資源揾個喏fit人選（好似巴倫）而且個新援仲停左段時間，不如比Ｄ機會果件大胡子，另外，不如同南區借加拉度（反正南區有幾個中堅），敢可以係亜冠賽放金奉珍打防中  ！

yamamoto

woodsandhills 發表於 2016-11-28 01:45
回復 man36951 #702 的帖子

我擒日趕左２埸波，和富大埔好差，同佢地全隊陣容５成正比 。。。。。 而傑志 ...

我未試過一日睇兩場波
師兄,真係要俾個讚你囉

yamamoto

其實依家係咪落實東方直接踢亞冠?

man36951

yamamoto 發表於 2016-11-28 23:09
其實依家係咪落實東方直接踢亞冠?

12月頭才會正式公布

man36951

woodsandhills 發表於 2016-11-28 22:16
回復 man36951 #705 的帖子

５係禁睇好呢個新援，不過又好難係有限資源揾個喏fit人選（好似巴倫）而且個新 ...

睇番資料真係一般，有限資源下，希望佢容易溶入球隊，打高半格。

woodsandhills

回復 yamamoto #708 的帖子

啱啱果日入大埔行山順便睇場波，番出九龍時間又啱啱好咪睇埋佢囉（不過呢場就失望Ｄ），其實以前頭場係預備組比賽都係２場波順住睇。

woodsandhills

man36951 發表於 2016-11-29 00:12
睇番資料真係一般，有限資源下，希望佢容易溶入球隊，打高半格。

其實今季傑志係球員支出浪費好多２個外借外援可能要貼些小，自用２個外援唒足一季人工，三林只能打本地賽事令聯賽人手過剩而到亜州賽常規中場散晒，下季應該考慮召回温俊代替林柱機（林柱雖然強Ｄ但佢到亜冠上５賭  真浪費！）而林恩許同費蘭度撞位（冇需要用２個有禁上下級數球員在同一個位置上，香港球隊未到呢個階段

man36951

理文流浪今晚與將出戰世界冠軍球會盃的新西蘭球隊奧克蘭城踢熱身賽，以1：4不敵該支大洋洲冠軍球隊，入球來自中堅基頓，而透過這次與強隊交手，球員都得寶貴經驗。
    客隊是次來港踢熱身賽是為了備戰世界冠軍球會盃，該隊今仗多名主力都先後上陣，理文流浪被對方後衛Kim Dae Wook接應角球頂入，半場落後0：1。下半場，理文流浪陣容作出小改動，客軍就由Joao Moreira射成2：0，及後陳卓光在右路「手榴彈」式角外球擲到對方小禁區頂，基頓在兩名對方球員夾擊下跳頂得手，追成1：2。考慮到周五要出戰聯賽，理文流浪在最後30分鐘收起絕大部分主力，派出年輕球員及副選上陣，客軍憑Joao Moreira、Clayton Lewis入球贏4：1。
    理文流浪主教練馮凱文表示，球隊透過熱身賽上了寶貴一課：「讓我滿意的是對手縱然很強，己隊球員仍敢於用波組織，經過對和富大埔的失利，球隊作出相應調整，是役看到球員由後場運球上前場的表現有改善。」
    陳卓光就表示能跟世界級球隊同場較量感到興奮，能助攻予基頓攻破對方大門更是意外收穫：「對方技術、身體質素都比我們優勝，透過與強隊交手我們大有收穫。」韋健豪也稱從比賽中獲益不少：「對方球員走位有共識、比賽節奏快，我們技術水平距離不遠，但對方身體質素優勢明顯。最高興的是能跟這樣高水平的球隊交手，踢一場這樣的比賽如同平日練上兩、三課。」

man36951

下月到日本出戰世冠盃的大洋洲冠軍球會新西蘭奧克蘭城，今晚在屯門鄧肇堅運動場與港超球會文流浪友賽，半場領先1:0，全場大勝4:1，而流浪中堅基頓下半場為流浪破蛋。

奧克蘭城為準備世冠盃早前來港集訓，而為求做好準備出戰世冠盃，而經抽籤後，奧克蘭城首圈出戰即將決出的日職冠軍(鹿島鹿角或浦和紅鑽)，以求準備應付強敵，該隊日前低調來港集訓，明日起程到日本，周五與J3球會SC相模原拍跳為八日的首場賽事備戰。

流浪總教練林慶麟賽後表示，奧克蘭城此戰踢來相當認真，加上速度快及壓迫性強，彼此都收到練兵之效。他說：「奧克蘭城球員陣內有很多不同國籍的球員，包括西班牙、日本同南韓等，整體實力相當不錯，而流浪上半場以強陣出戰，新加盟的巴西前鋒丹尼斯亦有正選上陣，下半場則續換入副選球員，但表現算不錯，有助備戰周五對富力的聯賽。」流浪已為新加盟的巴西前鋒丹尼斯辦妥註冊，周五可候命上陣。

man36951

港超「四哥」南華周日將與目前位列第3的九巴元朗，合演5、60年代經典對決「南巴大戰」，兩位當年曾參與這場精彩戲碼的前球員，包括南華「4條煙」之一的莫振華，及前九巴後衞劉添，周三（11月30日）聚首一堂，大談當年的回憶。兩人不約而同指，當年南華與九巴碰頭屬矚目大戰，門票早早就售清，不少球迷都要「爬山仔」到場外高處窺看戰情，又指當年娛樂不多，本地波比賽馬更受歡迎，其時姚卓然「波糧」月入達4萬港元，即今日的百多萬港元。

雖然已離開本地球壇數十載，但兩位名將仍對周日的「南巴大戰」充滿期盼，劉添雖謂自己久未留意港足，但仍勸勉「師弟」、九巴元朗後衞陳衍光（光仔）要「硬淨」，至於莫振華更大打口水戰，直言以前南華對九巴通常都佔優，今次面對九巴元朗亦有信心取勝：「陳肇麒會搞掂佢㗎啦！」惹得他身旁的「陳7」及各人哄堂大笑，「光仔」則回應指：「聽到前輩說南華經常佔優，雖然知道他們是老牌勁旅，但心中也不是味兒，希望周日可以還以顏色！」仍有傷在身的陳肇麒表示未知可否上陣，但聽到前輩對他有期望，亦感開心，又指九巴元朗近況不俗，雖要多加提防。

九巴商務總監唐東明則指，兩支球隊罕有地合作宣傳大戰，皆因「南巴大戰」是集體回憶，希望借此機會推動足運；至於南華足主張廣勇，則表示不論戰果，最希望看到一場好波，又指兩隊踢法都較主攻，不會出現悶戰。

man36951

記得早兩年係鄭兆聰親身去選兵的，甚少入錯貨。現在他去了南區，傑志外兵即出現質素問題了。

man36951

南華早前表示有興趣接辦或與傑志合辦賀歲盃，並希望可邀約美職球隊紐約城上演表演賽，足主張廣勇周三（11月30日）表示，就賀歲盃方面，已向足總申請、亦有跟傑志會長伍健接觸，惟一切尚待回覆；他又透露，較近期才開始接觸紐約城，但仍有信心可邀請他們東來作賽，期望在初八（明年2月4日）上演賽事，惟當日仍有港超聯比賽，故若未能在港舉行，則會考慮移師到澳門、珠海或深圳等鄰近地區，並謂：「紐約城無論將帥都極有名氣，希望可在方便香港球迷觀賽的地方進行表演賽。」

man36951

南華及九巴元朗為周日（12月4日）於旺角大球場上演的「南巴大戰」傾力宣傳，更分別為球迷推出送飛優惠及專車服務，其中九巴力推「買波衫送波飛」優惠，球迷只要前往位於美孚、沙田及屯門的九巴顧客服務中心，購買九巴元朗球迷版成人球衣一件（價值150港元），即可獲贈1張「南巴大戰」入場券，數量有限，送完即止。

至於南華亦會送出300張長者特惠票，年滿60歲的南華球迷會會員，可於12月2日（星期五）上午9時至下午5時30分，或12月3日（星期六）上午9時至下午1時，到加路連山道南華會體育中心地下南華體育會會員部旁窗口，免費領取換票證，憑證在12月4日比賽前到南華球迷會櫃檯換領長者特惠門票一張，每人限取2張換票證。

另外，九巴也將送出300張入場券給退休員工及長者，在九巴四個顧客服務中心，包括：天水圍、屯門、沙田、美孚領取。九巴亦為九巴元朗球迷提供接送服務，在比賽當日提供開篷巴士接載九巴元朗球迷會會員到旺角大球場，報名方法及詳情可參閱元朗足球隊Facebook專頁。

woodsandhills

man36951 發表於 2016-11-30 20:06
記得早兩年係鄭兆聰親身去選兵的，甚少入錯貨。現在他去了南區，傑志外兵即出現質素問題了。

呢幾季有Ｄ仲係甘巴爾介紹，呢個瑞士兵應該agent介紹啩 ！ 一般都係呢Ｄ流情 。  ５夠錢就如此！