【港超聯】 2016-17 LET'S GO CRAZY

yamamoto

woodsandhills 發表於 2016-11-13 14:03
回復 man36951 #1 的帖子

我都有入去睇，差別又咪係速度，體能同氣力呢Ｄ基本功，所以艾力士冇法突破而有 ...

如果依家香港隊有個胡國雄
我諗外圍賽已經贏左中國了

woodsandhills

回復 yamamoto #659 的帖子

力量同速度好過台灣應該係入籍球員加入啦！ 我睇左幾十年波  香港Ｄ本地球員技術真係一直走下坡（技術５單只腳下功夫）  ５係話以前Ｄ球好犀利，而係外面人地大幅進步，而我地實在５多長進，淨係色話人工低，５想下自己表現。

woodsandhills

回復 yamamoto #1 的帖子

睇左波幾十年 胡國雄呢個級數再冇出現過，山度士，蔣世豪，譚兆偉（排名按能力）真係未到佢水平，就好似七五年埸波 其實有一球因為佢而失波，但追平個球完全靠佢個人技術一過三， 我記得林尙義就講過 就係因為有大頭仔先會有呢Ｄ情形出現   

guam1

回復 yamamoto #660 的帖子

浪費左好多機會呢

yamamoto

woodsandhills 發表於 2016-11-14 00:28
回復 yamamoto #659 的帖子

力量同速度好過台灣應該係入籍球員加入啦！ 我睇左幾十年波  香港Ｄ本地球員技 ...

唔駛講師兄你睇左幾十年波了
好似我咁係80後,胡國雄踢波個陣我未識睇波
但睇youtube見到胡國雄真係感覺好勁
我一開始睇山度士,之後先後有招重文,譚兆偉,蔣世豪,郭文迪,林嘉偉
好認同師兄個句"本地球員技術真係一直走下坡"
仲要依家真係好似冇人接到林嘉偉班咁,問你死未

yamamoto

woodsandhills 發表於 2016-11-14 00:46
回復 yamamoto #1 的帖子

睇左波幾十年 胡國雄呢個級數再冇出現過，山度士，蔣世豪，譚兆偉（排名按能力） ...

我淨睇youtube胡國雄
不論技術,意識,傳球,射門
山度士,招重文,蔣世豪,譚兆偉,林嘉偉等人
真係同胡國雄爭幾班

woodsandhills

回復 yamamoto #665 的帖子

其實林嘉偉都幾ok，但係佢氣力體能速度呢套基本功相當差，否則港隊或傑志都踢高一皮。 本來以為歐沖出左去兩年會有進步，但估計都冇乜。有一兩個高水平球員真係可以提升成隊波 ！

man36951

港超聯　奇雲邦特「堅爸」交手和氣收場

雙冠教頭重奇雲邦特回歸香港飛馬首擊，雖未能在香港大球場打開勝門，但於周二（15日）晚的「中銀人壽香港超級聯賽」逼和1和富大埔1比1，球隊防線比前稍見穩健，豹隱1年的34歲領隊文彼得更正選復出，表現寶刀未老!

今季飽歷風波的香港飛馬上周與教練加倫和平解約，由上季帶領球隊勇奪雙冠的「英超猛人」奇雲邦特重掌帥印。惟香港飛馬仍受兵源不足困擾，連豹隱1年多的領隊文彼得亦要復出，與張志勇及艾華度合組3人防線。香港飛馬今仗採取穩守突擊戰術，10分鐘更幾乎憑黎洛賢左路突擊先開紀錄。不過較為主動的和富大埔在39分鐘打破僅局，倒戈的陳俊樂射門「撻Q」，仍有盧卡斯門前補射，為和富大埔領先1比0。

奇雲邦特於易邊後以安基斯入替文彼得，讓香港飛馬的3-4-3陣式回復至慣用的4-3-3，並向和富大埔防線加強施壓，終在75分鐘收得成效。艾華度接應右路傳中頭槌攻門，和富大埔門將李瀚灝與隊友誤會，伏兵門前的查維斯先過敵衞一步，為香港飛馬射成1比1。香港飛馬雖未能在主場打開勝門，但總算在聯賽榜力保第4位。復出上陣半場的文彼得認為球隊在奇雲邦特「執正」後，配合有所改善：「兩位教頭的訓練模式有點分別，球隊合作較純熟，防線間的企位與距離比前改善，奇雲邦特亦因應了大球場環境及對手踢法改變陣式。始終他到港僅數日，相信可隨時間逐步改善問題。」

掛靴1年多的「Peter」表示半場退下火線是出於戰術考慮，搏到盡的他不止嗌到「聲沙」，右肩舊患亦被輕微撞傷，他表示近日天氣轉涼，令體力尚可應付，即使下場要惡鬥「一哥」東方龍獅，他亦準備就緒。至於和富大埔未能保住勝局，倒戈領軍的李志堅直言未盡滿意，黃威於末段受傷亦打亂部署，未知會否影響周六對理文流浪的上陣機會。

yamamoto

woodsandhills 發表於 2016-11-15 00:02
回復 yamamoto #665 的帖子

其實林嘉偉都幾ok，但係佢氣力體能速度呢套基本功相當差，否則港隊或傑志都踢 ...

我覺得林嘉偉體能已經進步左
但係力量同速度真係同以前一樣
可能同身體條件有關吧
歐沖太過個人主義了
死扭爛扭唔鍾意波

woodsandhills

回復 yamamoto #669 的帖子

香港Ｄ踢波人材真係越泥越差，  好似左右閘從前係local球員最強位置（因為冇球隊用外援踢嘅位）依加竟然最５掂，上埸若果５係肥J兜囗兜面交果波比梁邦而佢又５醒目護５睹個波比人搶埋做成入球。

man36951

足總上月獲亞洲足協通知，明年將首次取得參加亞洲聯賽冠軍盃(亞冠盃)分組席位及一個附加賽席位，不過，因原先代替聯賽冠軍東方龍獅出戰的傑志不符必須是聯賽冠軍才可參賽的條件，而足總最後仍提交不符資格傑志及冠忠南區，故極有可能喪失首次出戰亞冠盃分組賽的資格。亞洲足協發言人表示，如港超聯東方龍獅決定不參加亞洲聯賽冠軍盃，香港足總將失去直接參加分組賽的席位。據估計，傑志會是明年代表香港足總出戰亞冠盃的唯一代表，但要由外圍賽爭取躋身分組賽，而季後附加賽亞軍冠忠南區將失去首次進軍亞洲球會賽資格。
此外，傑志原計劃明年1月底承辦賀歲盃，但賽期與亞冠盃外圍賽撞期，而傑志會在明晨回應今次事件。

man36951

乜咁搞呀！AFC唔批傑志踢亞冠盃分組賽

【on.cc東網專訊】將主辦明年賀歲盃的傑志，收到一個來自亞洲足協的噩耗！亞洲足協明確表示，上季港超聯亞軍傑志，不可以代表盟主東方龍獅出戰新一屆的亞冠盃分組賽，只能出戰原定的亞冠盃資格賽第二圈。由於該場亞冠盃資格賽，將於明年1月31日（大年初四）在旺角場上演，與賀歲盃賽期撞到應一應，令傑志會方大失預算。「無論係為咗亞冠盃分組賽定賀歲盃，我哋都已經做咗好多嘢，依家咁的確令我哋大失預算。其實事件係可以避免，有人要為事件負上全責！」傑志會長伍健道。傑志周五（18日）早上會向傳媒交代事件始末。

東方龍獅季初向足總董事局入信，表示放棄出戰亞洲賽後，董事局決定由港超聯亞軍傑志，以及季後附加賽亞軍冠忠南區，代表香港出戰新一屆的亞洲賽。之後一直再沒有相關代表資格的消息傳出，傑志和冠忠南區亦各自為接受新挑戰做準備，據悉包括增兵及出外集訓，期間亦無間斷與足總開會，研究參賽作客球隊之安排，以及派員出席下月假亞洲足協馬來西亞總部舉行的賽事抽籤儀式等等。

可是，周四（17日）傳出亞洲足協，不會接受傑志和冠忠南區之參賽申請，並可能就事件對足總作出處分。至於東方龍獅放棄的亞冠盃分組賽席位，很大機會由澳洲頂上，傑志維持出戰亞冠盃資格賽第二圈，而冠忠南區則空歡喜一場。為此，之前多次與足總就亞洲賽開會，積極協助主帥鄭兆聰增兵的冠忠南區副主席黃焯添無奈地表示：「仲可以講咩呢？我只想講，有心搞足球嘅人唔係太多，如果搞到佢哋無癮搞喇，倒頭嚟係邊個嘅損失？唔通我哋好恰啲！」
http://hk.on.cc/hk/bkn/cnt/sport ... 1117_00882_001.html

woodsandhills

無論足球實力定係國際上地位，我地都比人地睇５起，只要些小差錯人地就洒你一野！？！    當然  最衰係你自己果隊冠軍球隊，係威係世要大搞，點自臨門一脚又搞到要散班敢款，人地要講究規章流情  禁自己只好食焦囉。    南區呀黄生都５好都爂囉，係香港足總一相情愿遮，５係你肯洗錢係港足上   人地亜足聯就要俾面你。  黃生你放大左自己。

man36951

woodsandhills 發表於 2016-11-17 23:32
無論足球實力定係國際上地位，我地都比人地睇５起，只要些小差錯人地就洒你一野！？！    當然  最衰係你自 ...

足總的問題，唔查清楚例就交名單上去。

woodsandhills

回復 man36951 #674 的帖子

以我認識幾十年嘅香港足總 工作能力吸態度係禁上下，足總同東方都係一擔担，倆個毫無活力因循拘且機構單憑領導人喜惡。  傑志叠埋心水打外圍啦，既係有心人５好怕困難走捷徑！ 不過傑志外援表現若要打亜冠有成績，怕且要換三個囉！！？

man36951

woodsandhills 發表於 2016-11-18 12:41
回復 man36951 #674 的帖子

以我認識幾十年嘅香港足總 工作能力吸態度係禁上下，足總同東方都係一擔担，倆 ...

【傑志只能踢外圍賽  轟薛基輔需負責】

傑志主席伍健今朝開記招，交代冇得頂上直入亞冠分組賽嘅事。Ken sir直言足總行政總裁薛基輔，需要為喺10月知道唔可以由傑志代東方踢分組賽之後，一連串處理失當負責。

伍健表示據佢所知，東方喺10月時仍然只係希望足總，幫手向亞洲足協做定2018年亞冠參賽證明。但足總就同東方做咗下年嘅參賽證明，造成香港下年有3隊有參賽證明，所以令亞洲足協堅持必須由東方踢分組賽。足總CEO早喺10月已知亞洲足協指示，但一直冇同球會講；去到今個禮拜一截止報名時，仍然只有佢同足總秘書處知道呢件事，CEO亦未知事件嚴重性，又未能搵到董事局成員就事件表態，藉以推翻8月董事局由傑志及南區補上嘅決議案，導致最終仍然以傑志同南區上報為參賽球隊，造成今日令香港足球蒙羞嘅情況。所以伍健強調，亞洲足協規矩清晰，絕對唔係AFC，足總董事局，東方，傑志同南區出錯。

至於賀歲盃嘅事，伍健話雖然目前情況，同當初為備戰亞冠而承辦已經有出入，初四比賽日甚至係同亞冠外圍賽同日，但傑志亦會承諾搞好賀歲盃，並考慮可能邀請港聯或港隊，以及派遣唔喺亞冠註冊名單嘅傑志球員加入港聯，對一啲有強勁外援嘅外隊。

另外，伍健表示將會有2個球員會喺冬季加盟，其中一個係有60多次國家隊上陣經驗，剛退出國腳生涯嘅猛將，換言之會有一前一後球員會走。

man36951

傑志今日回應有關香港亞冠盃資格風波，會長伍健先生主動向傳媒解釋事情始末。伍先生首先指出，他在相關的事件上，有三個不同的身份，包括是足總董事局的特別顧問、傑志的負責人和2017年賀歲足球賽的主辦單位。伍先生很少會以個人身份公開評論類似的失誤，但從足球圈整體考慮，事件影響三間港超聯的球隊和他們的贊助商，足總有關的聲譽，甚至可能影響足總與亞洲足協的關係和賀歲足球賽的安排，另外，亦考慮到球迷的知情權，決定公開過去幾天調查後所了解的前因後果。他直指香港足球總會行政總裁薜基輔先生處理失當，令各支有關港超球會無所適從，並令香港足球蒙羞，薜基輔先生要為事件負上責任。

伍健先生強調問題重點不是那一隊香港球隊參賽，而是為何足總秘書處程序一再出錯，導致目前的困局。目前傑志、東方和南區的參賽資格當然受影響，但亦對香港足球的聲譽和傑志主辦賀歲盃安排造成影響。

足總在八月初的董事會中曾討論東方退賽的問題，作為足總董事局的特別顧問，同時亦是傑志負責人，伍健先生當日避席，沒有聆聽或表達意見，而董事局經討論後，認為東方主動退出亞洲賽，故此作出了由傑志和南區代表參加亞洲賽的決定。根據薜基輔先生日前對他的解釋，薜基輔先生一直覺得董事們造了一個錯誤的決定，他認為香港應由東方和傑志做代表。

根據董事局的議決，不論行政總裁意見是否相同，足總秘書處就應該為參賽的兩隊申請亞洲賽的球會牌照。即使東方希望完成申請亞洲賽的球會牌照，也祇能為2018年的賽事做準備。不幸地，足總秘書處最終為三隊向亞洲足協遞交了2017年亞洲賽牌照申請，而三隊都獲發牌，即是說香港有三隊球隊有了參賽資格。從亞洲足協的角度來看，東方是聯賽冠軍，又取得參賽牌照，由東方參賽是理所當然的。

原來足總秘書處，包括薜基輔先生，在10月上旬已經知道亞洲足協對有關問題表示關注，而當時東方的牌照仍未辦妥。但至今最令人匪夷所思的是沒有人將問題通知各支有關球隊，亦沒有人通知董事局，反而努力確保未獲足總董事局提名參賽的球隊獲得參賽牌照。

傑志另一個身份是足總的合作單位，從10月至今正努力確認2017年賀歲盃的參賽球隊，要負責賽事在財政上的風險。在這段關鍵的時間，傑志一直被蒙在鼓裏，直至這兩天才知道可能要踢亞冠盃附加賽，如果最終落實，賽期上不容許傑志參加賀歲盃，是對傑志極度不公平。

伍健先生在11月14日上午接到足總主席通知，才首次得悉問題。當他之後向薜基輔先生查詢時，得悉薜基輔先生當日上午曾致電亞洲足協，知道亞洲足協認為東方具備參賽資格，會堅持東方參賽，否則香港可能喪失參加分組賽的資格。基於這項新資料，他向各董事提出更改董事局議案，改回由東方和傑志參賽。最後由於時間不足，亦有董事未克回應，最後報名的名單，仍然維持原來董事局的議案。

其實既然足總秘書處一個多月前已經知道問題所在，在東方取得參賽牌照之後，基本上已經「米已成炊」，足總秘書處仍有足夠時間，將事件提交董事局，再充份討論是否推翻原來議案，如果要推翻原來議案，亦有足夠時間完成有關程序，不必等到報名的最後一天，才臨急抱佛腳去嘗試推翻三個月前的董事局議案，情況不必弄到這個地步。

無論亞洲足協最終如何決定，傑志目前要做的事，就是打好亞冠盃的比賽，不論是分組賽還是附加賽。同時，亦會努力維持承諾，顧全香港足球的面子，無論能否參加賀歲盃，都會努力為香港辦好2017年賀歲盃。

伍健先生表示會將他所了解的情況向足總董事局作出報告，並盡快公佈賀歲盃的安排。

man36951

0. 了解成件事之前，首先要知道：根據2017-2020年參與亞洲足協球會比賽嘅規例第9條，一間球會要符合參賽要求，必須 (1) 按照第10條獲發牌照；(2) 符合第11條嘅競賽條例，即係聯賽冠軍、盃賽冠軍，或聯賽第二至第三名。

1. 亞洲足協禁止傑志代替東方龍獅參與亞冠盃分組賽，其實根據規程第11.12條：如果合資格嘅球會拒絕參賽，分配予會員國嘅參賽資格將會被取消。而按照規程第5.8.2條，呢個參賽資格將會分配予同區排名最高，而且符合規程第5.4至5.6條嘅會員國。

2. 咁會員國幾時可以自行替補球會參賽？按照第11.5條：如果符合競賽條例嘅球會未有取得牌照 (包括亞洲足協嘅特許牌照)，喺頂級聯賽排名最高嘅球會則可以取代其資格。

3. 講咗咁耐，到底牌照何來？按照規程第10.1同10.2條：會員國需要於頂級聯賽實施與亞洲足協球會牌照規例相符嘅發牌制度，而符合競賽條例嘅球會必須按照呢條條例取得牌照，先可以參加亞洲足協嘅球會比賽。

4. 唔知大家仲記唔記得，港超係有發牌制度嘅呢？根據港超嘅發牌規定，球會係會獲發兩種牌照：香港足總嘅球會牌照同亞洲足協嘅球會牌照。

5. 由於獲發牌照係港超嘅參賽資格，所有港超球會參加亞洲球會比賽都唔會出現第11.5條嘅情況，除非係一支較低組別嘅球隊贏咗一個盃賽，然後贏埋季後附加賽，而又申請唔到亞洲足協嘅特許牌照。

6. 總括而言，代表香港出戰亞冠盃分組賽嘅球會，只可以係東方龍獅；而傑志只可以出戰亞冠盃外圍賽，輸咗冇得踢亞協，直接bye bye。而搞咗呢壇大龍鳳，要負上最大責任嘅，當然係由頭到尾都矇查查嘅足總啦。

woodsandhills

回復 man36951 #1 的帖子

睇完你呢２則新聞稿，  感慨有此: 我呢個登陸之人叫做接受過香港高等教育又叫做辦過大事之人， ！！   真係一塌糊塗，足總攞左政府五十球，用幾球請個CEO搞Ｄ咁嘢？？？香港足總過百年歷，仍然用以前東華三院Ｄ總理概念，平時沽名釣譽有事鴿三幾十個做下野（加史有政府貼添，５點洗科水）我最近幫港欖總辦事（義工）我發覺佢地真係專業又真係熱心好多。  唉！  年初二揾梅州或深圳同港隊打番場（恒大，富力５會彩你），年初四等傑志踢亜外吧啦！

man36951

【東方稱冇做亞冠證明  8月已知悉不可替補】

東方龍獅總監梁守志，就傑志會長伍健今朝就亞冠事件說話而回應。Peter澄清東方一直只係入紙申請亞洲足協賽事參賽證明，絕非2018年亞冠參賽證明，亦解釋話早於8月已經喺亞洲足協知道，亞冠分組賽席位一定要由聯賽冠軍踢。但因為唔想影響東方申請AFC證明，所以唯有一直唔出聲。

至於點解唔出聲，Peter解釋話因為當初教練陳婉婷，已經向亞洲足協申請報讀Pro License課程，但後來畀傑志以參加亞冠為由，課程位畀傑志總監朱志光攞走。所以Peter覺得唔需要報畀足總知，關於冇得遞補嘅事。由於今次令冠忠南區空歡喜一場，所以Peter話必須向南區致歉。