【港超聯】 2016-17 LET'S GO CRAZY

woodsandhills

回復 man36951 #540 的帖子

身材體能都一流 當然指霍斌仁啦 ！！   若果林嘉緯有林志堅身體質素相信可以在歐洲揾死，   至於歐沖都係番香港啦，不過我記得佢同智誠簽三年約喎 ！

man36951

港超列強「最後救兵」及時駕到！亞協盃8強止步的南華外借3名球員「減磅」，「愈借愈強」的理文流浪將獲曾出戰歐聯外圍賽的白俄羅斯猛料新鋒加盟，劍指「Big4」目標。去季雙冠王香港飛馬則極速覓得澳洲「大隻佬」查維斯代替膝傷長抖的沙華，齊齊洗牌Upgrade戰鬥力，聯賽長路仲有得追！

港超轉會窗剛在周一關閉，本有人滿之患的南華外借3名本地球員「減磅」，當中重返理文流浪的張健峰及黎耀昌已於周日對東方龍獅的聯賽後備亮相顯功架，「GPS峰」移師左翼幾乎勁射破網，「扭扭昌」更逼得東方中場悍將迪高「兩黃一紅」被逐。

理文流浪新箭來自巴迪

至於另一獲南華外借的「通天老倌」車潤秋，也重投和富大埔訓練，相隔3年再回歸，「萬能車」不時與新、舊隊友言談甚歡，期望在熟悉故地重新出發：「明白到在大球會只要一場犯錯，下場便隨時失去機會，來到大埔首要是操起狀態爭取上陣，雖然隊友換了不少，但地區球隊的人情味仍在，有信心可盡快融入。」和富大埔教練李志堅坦言陣中後衞較少，期望位置多變的「萬能車」可增添防線選擇。

相比起南華放人「減磅」，「愈借愈強」的理文流浪則完成最後拼圖，來自白俄羅斯的新鋒莫素利夫斯基（Dmitri Mozolevski）將於日內報到。此子自2012年起效力家鄉勁旅巴迪，7月才在歐聯外圍賽登場，可望在前線分擔佐迪工作。

「大隻佬」查維斯有態唔使點操

有別理文流浪最後關頭「發力」，香港飛馬增鋒來得逼不得已。西班牙射手沙華於對理文流浪的銀牌初賽勇戰傷膝，需要養傷最少3個月，幸而當時轉會窗尚未關閉，令會方可在數日內極速覓得替身查維斯加盟。香港飛馬董事許家銓直言當中過程難度十足：「歐洲轉會窗已在這段時間關閉，市場上可供選擇不多，幸而我們一直與相熟經紀保持聯絡，當沙華受傷後便立即睇片物色合適人選。查維斯上周才為效力球隊出戰澳洲足總盃，教練加倫相信他不用再花時間操起狀態。」隨着澳門前鋒梁嘉恆11月轉為本地球員，將可騰出亞援名額，令沙華即使於下半季復出，前線仍可雙劍合壁。



增兵仲有計
搵失業球員！

港超轉會窗剛於周一關閉，不過列強如要增兵仍有妙法───向失業球員埋手！根據國際足協指引，球員合約如在轉會窗關閉前已屆滿，期間又未在任何當地足總球會註冊，便可以失業球員身份於非轉會窗另覓新東家。國際足協轉會窗的灰色地帶過去曾遭外國球會非議，有財力不足的小球會擔心球員在轉會窗關閉期間受傷失預算，直至前澳洲國腳域馬於2002年轉會窗關閉後，以自由身加盟米杜士堡，失業球員定義才變得清晰。

像流浪今年2月簽入韓援池慶訓，由於他來港前效力的真人騷節目球隊未有向南韓足總註冊，故亦符合失業球員資格。外借球員亦需於轉會窗期間完成註冊手續，部分聯賽如英超規定外借球員不得倒戈仍持擁有權的原有球會，盃賽卻例外；港超則視乎球會之間的合約協議，如傑志今季借將皆可悉數倒戈。

woodsandhills

回復 man36951 #542 的帖子

其實敢多隊增援係好事代表大家加大資源，不過有Ｄ又表示其人力資源管理有問題就似南華。

man36951

【港超Moment – R&F富力 曾健晃: 珍惜眼前機會】

曾健晃，細細過已經踢過唔同級別嘅青少年代表隊，本地頂級聯賽佢亦都唔陌生，過往效力過沙田、傑志、港菁同埋晨曦，但係2014年之後佢就曾經告別香港球壇，去左澳洲體驗生活，今次再度亮相頂級聯賽，已經係R&F富力球員身份，銀牌第一圈對標準灝天佢就踢足全場，係港超嚟講，一個本地前鋒可以正選踢晒成場其實都幾難得。

環顧本地球圈，中鋒位置從來都係外援既天下，但因為R&F富力受參賽條例限制唔用得外援，曾健晃反而有更多機會落場，當然一個本地前鋒要同各隊嘅外援後衛抗衡都唔易，但佢就認為有好處：「冇外援，我就要靠自己同對手既外援後衛硬碰，想用波都好辛苦，但若果適應左而將來有機會代表香港隊比賽，都對我地同外隊嘅球員對抗會有幫助。」

「阿晃」就話R&F富力嘅戰術唔係將重點放係中鋒果度，而係倚靠戰術性走位，再打落兩邊底線，最後用傳中波創造埋門機會，所以佢踢起黎冇以前效力港菁果時咁辛苦，而且隊入面有幾個有中超經驗嘅球員帶住，只要踢多幾場實戰表現一定會改善。

-R&F富力 第四週賽程-
香港飛馬 vs R&F富力
9月30日 晚上8點 香港大球場

man36951

【賽後報告　港超聯第4週聯賽：香港飛馬 1：2 R&F富力】

香港飛馬今週面對R&F富力，上半場初段先開紀錄，可惜被對手反超前，末段圍攻不果，最終以1比2敗陣。

澳洲新援查維斯今場先任後備，利馬和迪亞高繼續在前線拍檔，陳柏衡則代替受傷的安基斯擔任左翼。17分鐘，陳柏衡左路傳中，利馬心口控定後，左腳篤射卻中柱彈出。2分鐘後，我隊截得對方門將誤傳，迪亞高施展笠射建功，連續兩場取得入球。可惜在30分鐘，對手以一記十二碼追成平手。臨完半場前，迪亞高接應利馬傳中後，力壓對手射門被撲出底線，半場賽和1比1。

下半場52分鐘，對手把握一記快速反擊反超前2比1。主教練加倫隨即換入查維斯加強攻力，63分鐘，後者接應利馬的角球，壓過對方後衛頭槌攻門被沒收。83分鐘，利馬再度開出罰球，但艾華度的頭槌同樣無功而還。由於對方多次受傷倒地，下半場補時長達八分鐘，但黃俊皓、利馬和查維斯先後埋門都未竟全功，我隊遺憾以1比2落敗。

加倫賽後坦言對賽果失望，但不會怪責球員：「對手把握了僅有的機會，己隊落後下換出基斯贊以騰出外援名額，末段再把艾華度推前，都未能平反敗局，我們必須承認表現比預期差。」

香港飛馬下場比賽將會在10月14日舉行，對手為港會，加倫表示會把握國際賽的空檔提升球隊表現：「查維斯來港只有兩日，但今場已表現到應有的速度、身位和埋門能力，未來兩個星期除了改善防守，亦會加強查維斯和其他進攻球員的配合，希望他提升狀態後可為球隊帶來勝利。」

雖然賽果令人失望，但我們不會就此氣餒，我們定必會愈戰愈強，再一次感謝各位入場球迷的支持。

man36951

「負皮」中啟航--16歲小將林衍廷
小編寫呢篇賽後報告，真係需要好大勇氣，因為相信唔少朋友唔睇內文齋係見到「R&F富力」呢4個字，已經不假思索畀個嬲先。
富力成軍以嚟掀起嘅爭議，各位自有判斷，而呢晚富力以2:1反勝香港飛馬，賽果認真估佢唔到，但係估得到嘅係，噓聲應該會多過掌聲.......姑勿論大家有幾dislike呢隊波，又或者質疑係咪大球場啲青苔搞到班球員跌完之後搞咗陣先起得番身，但以波論波無可否認，富力2個入球都係沿自美妙組織，劏穿晒香港飛馬防線，包括逼得門將基斯贊犯天條嘅12碼，一個直線就放咗入禁區，唔怪得香港飛馬教練加倫賽前都話富力打法有啲似車路士青年軍，唔夠膽睇低對手，結果仲喺佢哋身上全失3分。
好喇，各位可能又會話，唓，入波個兩位又唔係香港球員，有乜好畀like? 稍安毋躁，都係同大家介紹番喺呢一陣陣「負皮」聲中默默打拚嘅本土代表吧。
梁家希、卓耀國、張國明，呢幾位相信都唔洗小編多介紹，荊騰同曾健晃早年都踢過頂級聯賽，而林雲傑同劉德仁上季就喺甲組球會落班，剩番嘅一位林衍廷，相對下比較陌生。望望出場名單，呢位15號仔只得16歲，係今季港超開波以嚟，落場最年輕嘅小朋友，喺之前銀牌同聯賽接連對住標準灝天，「廷仔」都有後備落場，而今場更因原本司職右閘嘅巴西仔家希有少少受傷，得以首次正選上陣，即使下半場不時同香港飛馬扭得之人迪亞高正面交鋒，依然冇怯場。
第一次踢正選球隊就贏波，「廷仔」都算係好腳頭，但畢竟只係16歲仔，賽後不禁緊張到有少少口震震:「其實練波個時都知自己有機會打正選，緊張咗好幾日，多得阿國等經驗較豐富嘅隊友不斷鼓勵我，叫我放鬆啲。」廷仔口中嘅阿國，冇錯就係大家熟悉嘅卓耀國。阿國自從加盟富力專心北上集訓後，自言「脫胎換骨」，而家仲學識埋照顧小師弟，似乎冇講錯。幾位加盟富力嘅香港球員，都曾經有過失意經歷，放棄香港多姿多采生活北上集訓，只因尚未心息，希望繼續再圓未了足球夢。由零開始嘅廷仔，相比下就掙扎得多:「始終我先係得16歲，擔心過唔適應大陸球隊文化同生活，多得同房嘅林雲傑、劉德仁好似大哥哥咁照顧我，喺生活上幫咗我好多。」
廷仔細個時曾經喺巴塞香港足球學校學師，與現任富力領隊梁志榮結緣，近年就為南華青年軍效力。唔少香港小將喺呢個年紀，都會遇上學業同足球之間掙扎，不過林爸爸就非常支持囝囝踢出彩虹，前排仲曾經外闖歐洲，畀一支葡萄牙球隊睇中，可惜因為工作證等唔同問題而擱置，輾轉下加盟富力，停學一年專心訓練。廷仔12月先至滿17歲，仲有少少baby fat嘅佢畀隊友起咗個花名叫「fat gor」，細榮仲踢爆廷仔最初北上報到時，因為肥仔底而被質疑能力，不過踢法簡單直接嘅佢，好快就以積極態度同淡定表現說服教練團。正所謂少壯不努力，老來_______(自行填充)，從學生哥投身職業球員，廷仔都花咗唔少時間適應，以前每個禮拜1至3課，而家每日晨操晚練，當隊友去晒午睡休息，佢就繼續做gym加強肌肉力量。
廷仔選擇咗富力作為職業生涯起點，少不免比起同齡球員承受更大壓力與閒言閒語，但亦換嚟珍貴出場機會。廷仔爸爸媽媽呢晚都有入場打氣，就算幾多難聽聲音迎面而來，慶幸仍有屋企人遮風擋雨，學會勇敢成長。
(介紹番，林衍廷，富力15號仔，亦即係圖中綠色背心的小朋友。）

man36951

[Matchday -主教練鄭兆聰訪問]

冠忠南區今午將會作客和富大埔，已經超過一個月未有正式比賽，主教練鄭兆聰當然希望球季開始後，比賽可以按賽程進行，但天氣問題令到上月中對理文流浪的聯賽而改期，或多或少都會影響球員狀態進度，但還好球員在過去數星期在操練上表現積極，相信球員都期待對和富大埔賽事的來臨。

和富大埔上場聯賽不敵南華，Ricky認為他們表現不俗，最後未能取得分數實屬欠運，始終大埔陣內一眾華人球員已經夾慣夾熟，踢出水準絕不為奇，因此今場必需要踢得小心謹慎，找尋機會。

中堅杜馬思今場停賽，Ricky不太擔心對防線有所影響，即使少了一位外援球員，但今季得到比圖加盟，其實與上季分別不大，而且亦有劉學銘可以擔任中堅位置。

Matchday
港超聯第四週：和富大埔 對 冠忠南區
地點：大埔運動場
時間：下午2:30

man36951

特稿：一億鋪草地　一年變青苔

今季續以香港大球場為主場的香港飛馬，上周六首次在地頭出擊，只是球場草地未如理想，鬆散之餘更長滿青苔（圖），足總已就事件向大球場反映。
香港大球場去年獲馬會出資一億港元，進行重鋪草地及去水系統等工程，希望能解決困擾多年的大球場草地問題。有關工程去年九月完成，場地其後曾上演足總盃決賽及國際七人欖球賽，今夏亦舉辦南華對祖雲達斯的表演賽，到上周六進行今季首場港超聯；不過，在這場飛馬與元朗賽和2:2的賽事中，球場草地長滿青苔，成為一大焦點。
飛馬總監許家銓表示從該仗所見，大球場草地除了長滿青苔，草亦不夠濃密，有球員在比賽期間滑倒：「之前影全家福時，已察覺草地有青苔，初時以為只因早幾天多雨影響，但上周比賽時差不多全場草地底部都佈滿青苔。球員指場地容易跣倒，場地亦很鬆散，但未嚴重至影響球賽進行。」

足總已反映大球場未跟進
足總昨晚回應指，上場比賽後已向香港大球場反映，但對方暫未正式跟進；足總補充指，未來會密切留意大球場草地狀況，如情況持續不理想，會再向大球場要求跟進。

man36951

［Matchday -和富大埔 對 冠忠南區］

賽後報告

今天（10月1日）假大埔運動場舉行的中銀人壽香港超級聯賽，和富大埔與冠忠南區經過90分鐘激戰後，只能以0：0打成平手，雙方各得一分，和氣收場。

8分鐘，禾達左路推順施射，可惜無功而回。9分鐘，杜度左輔位起腳勁射，可惜貼門楣高出。12分鐘，黃耀富罰球斬中造成禁區一陣混亂，呂志興衝前撞戰被對手閂出。15分鐘，許宏鋒左邊禁區角射地波近柱出界。23分鐘，蘇沙左路突破然後施射，可惜乏力被保羅輕鬆接住。34分鐘，呂志興左路罰球交橫，杜度順勢勁射省中對手出界。39分鐘，陳俊樂右邊傳中，黃威近門接應快射，被謝德謙單手擋出。43分鐘，黃耀富禁區邊緣罰球直射卻告高出。44分鐘，基奧右邊將球入中路，蘇沙禁區頂窩利抽射高出。半場休息，兩隊暫時以0：0打成平手。

47分鐘，李嘉耀大腳送前，中村祐人控定回後，陳俊樂一記撞射被謝德謙飛身撲出底線。56分鐘，蘇沙邊路一記遠射，可惜未能逃過保羅十指關。61分鐘，蘇沙直線交前，基奧壓過對方起腳貼柱出界。71分鐘，劉學銘遠射攻門，被保羅擋出底線。82分鐘，沈國輝禁區頂左腳一記遠程炮僅僅未中目標。

全場比賽最終以0：0比數結束，和富大埔與冠忠南區握手言和，各得一分。

man36951

辛祖又建奇功！傑志破「浪」4連勝辛祖復任正選即建功，協助傑志於「中銀人壽香港超級聯賽」以1比0險勝理文流浪，4連勝高踞榜首。理文流浪首次盡用4個外援名額，兩位借將張健峰及黎耀昌均正選上陣，傷愈復出的列斯奧則與同屬傑志借將的隊長佐迪雙雙倒戈。傑志方面收起上場連番失機的馬高斯，由辛祖與羅勳奴合作功堅。

傑志今季8個入球有5個是85分鐘取得，今仗一改慢熱作風，11分鐘便幾乎先開紀錄，林恩許半車身抽射遭流浪門將邱于銘擋出，羅勳奴補射又未能命中目標。戰至15分鐘，主導攻勢的傑志打破缺口，辛祖混戰之中射成1比0。落後的理文流浪雖傾力反撲，但中場誤傳頻頻，直至完上半場前，倒戈的佐迪在2名傑志守衞夾擊下施頂高出。

理文流浪易邊後將基頓推前加強高空優勢，許嘉樂於禁區邊勁射遭回防的丹尼擋出。賽事在最後10分鐘進入高潮，傑志先後有費蘭度及辛祖射門破網，卻也被判越位在先，理文流浪也有基頓近頂中柱，倒戈的列斯奧完場前幾乎扳平，接應罰球後近射卻過不到傑志門將郭劍橋的十指關，結果傑志得以小勝1比0，4連勝高踞榜首。

傑志總教練朱志光笑言青衣向是球隊「凶地」，故特別提醒球員要提前入局。復任正選的辛祖認為球隊表現已有改善:「今仗我們製造了不少埋門良機，未能取得第2球有點可惜。無論正選還是後備，我也準備就緒，距離對南華雖有國際賽期相隔，但我深信以球隊逐漸進步的狀態，正是大戰合適時機。」理文流浪的白俄羅斯新援莫素利夫斯基將於周日(2日)早報到，主教練馮凱文期望經過季初接連硬撼勁旅的「地獄賽程」後，能夠及時調整打開勝門:「球隊在落後下才精神過來，失波後的70分鐘表現尚算收貨，下場對標準灝天一定要贏，希望屆時可以將攻勢轉化入球。」

man36951

東南大戰 旺角爆發

港超開鑼至今，強隊成績不俗，3大勁旅都保持全勝，在隊數更多，變數不少情況下，爭標形勢更加微炒。
撰文：陳葦如｜Now足球評述員

東方龍獅除了聯賽全勝外，亦擊敗傑志捧起社區盃，但兩場港超都贏得不容易，整體配合及狀態仍待提升。入球能力亦顯得比較分散，今季6個入球分別由5名球員攻入，前線進攻組合可以有不同變化，但未完全發揮威力。今仗最大隱憂在於迪高停賽，這名巴西防中自3年前加盟後，能攻擅守作用極大，去季中就缺陣一段時間，亦是東方戰績最低迷的日子，足見他影響力。

南華今夏正式比賽較多，聯賽全勝，但亞協盃8強出局，亦引發「減磅」決定，張健峰、車潤秋及黎耀昌先後被放走，但個別位置仍然人才過剩，如門將位置就多達4人，中後場球員比例亦比進攻球員多，需要尋求平衡。但南華仍有相當進攻力，尤其是新援高美斯表現對辦，拚勁及技術都不俗，配合快馬艾華有相當殺傷力。

論人腳各有千秋，狀態也不相上下，但考慮到迪高的重要程度，個人認為南華勝望較濃。

【南華VS東方】2/10 17:30 旺角大球場

man36951

補時6分鐘入波 南華戲劇逼和東方龍獅

南華今日在旺角場上演的港超聯前列大戰，憑後備上陣的羅港威補時6分鐘建功，以2:2逼和衛冕的東方龍獅，各得1分。

南華與東方在3,283名球迷面前作季內首度交鋒，兩隊開賽便全力搶攻，僅5分鐘，南華隊長陳偉豪助攻頭槌攻門被東方門將葉鴻輝出。兩分鐘後，東方翼鋒徐德帥主射球被南華門將陳文輝托出底線。32分鐘，倒戈的東方中場梁振邦接應李康廉回傳施射被曾文輝擋出，東方前鋒洛迪古斯補中，東方領先1:0完半場。

易邊後，東方中場完全失勢，56分鐘，陳肇麒中場直線交其好拍檔艾華右路線傳中，高美斯門前撞入追成1:1，開季五場每場都有入球。東方後備陣的美路士拿域在88分鐘中場搶得來球，右路爆破傳中，曾文輝托出不遠，麥基施射被救空門，但李康廉在遠柱頭槌補中頂入成2:1；當東方以為三分在望，補時6分鐘，防守走漏羅港威，被這名季前重返南華的翼鋒接應艾華右路傳中第一時間撞射成2:2完場。

開季場場有波入的南華前鋒高美斯賽後表示，入球令自己更有信心，今場機會不多，但繼續取得入球。他說：「南華今場表現是較佳一隊，下場再對東方有信心可以取勝。」羅港威對臨完場入波追平感高興，而他賽後還獲專程到場觀戰的其因師，現和富大埔教練李志堅祝賀。

東方隊長葉鴻輝賽後指出，和波對雙方都不是一個太差的結果，他說：「尾段領先後防線退得太後是和波的因之一，但整體表現不差，和波是可接受賽果」；而此果相信最高興是榜首的傑志，可繼續以全勝領放。

man36951

業餘港會入三粒 作客反勝標準灝天

業餘隊港會今日在斧山道運動場上演的港超聯靠前鋒米高堪士尾段連入兩球，以3:2反勝標準灝天，取得在升上港超的首場勝仗，而標準灝天高層不滿球隊表現，擬向教練招重文等教練團「開刀」。

標準灝天開賽僅7分鐘便由隊長楊賜麟攻破賽前三連敗包尾的港會大門，領先1：0。港會前鋒羅賓士高在32分鐘左路傳中皮球彈中柱角，羅比高門前頂成1:1完半場。換邊後，標準圍攻港會，但組織進攻能力有限，戰到77分鐘始由後備入替的劉志堅傳入楔的楊賜麟射成2:1。標準以為可以穩勝體力不繼的港會之際，球員踢來有點放鬆，加上防守失誤，結果要出代價。82分鐘，港會米高堪士把握門前機會撞入追成2:2；7分鐘後，港會左路得罰球機會，米高堪士遠柱接應頂入成3:2。港會取得升上港超首捷後，與標準灝天同是四戰得三分分列第七及八位。

三歲隨家人移居香港，現於國際學校任職體育徰行政工作的米高堪士賽後表示，要好好享受這場勝仗，而球隊開季便很努力，亦值得取得三分。這位十年前曾效力東方甲組隊的攻擊球員對自己開季已攻入四球，在射手榜領先感到高興，但笑言無意效法麥基等前港會球員改戰職業隊，甚至為香港隊出戰。至於標準灝天高層賽後開會認為難以接球隊表現，並初步決定撤換教練招重文及助教潘文俊所組成的教練團，惟是否落實仍有待等待該會公佈。

man36951

這個「殺手」好專業--米高堪士(港會前鋒)

香港足球呢兩日傳嚟咗一啲壞消息，好多人口裏說支持，身體卻很誠實，作為球迷，可以做嘅就係入場撐到底；作為球員，自然係要爭一口氣踢好波，證明香港足球仍然有價值。

喺星期日上演嘅兩場港超聯賽都相當精采，南華對東方呢場傳統大戰你來我往，東方又又又係憑呢期當弗嘅康廉喺89分鐘入波，以為3分已袋之際，冷不防畀後備入替嘅羅港威喺補時6分鐘為南華建奇功，兩軍最終打成2:2平手。兩邊嘅9號仔--高美斯同洛迪古斯繼續保持開季以嚟場場有波入腳風，不過高踞港超神射手首位嘅就另有其人，佢就係效力港會嘅米高堪士。

而你不知米高堪士是誰? 小編再次冒住引嬲危機都要同大家介紹一下。講到今季港超最多爭議球隊，除咗富力，就輪到港會。港會會方早喺季前已經承認，陣中所有球員都有正職在身，踢波，只為興趣，而且對陣中份屬專業人士、金融才俊嘅洋將主力嚟講，亦唔會志在個少少車馬費。有唔少球迷都質疑，點解港會咁都可以攞到港超牌照?根據小編認知，國際足協規章下嘅「職業」同「業餘」球員分別，係取決於合約精神，只要球員同球會有白紙黑字簽約，而球員喺足球活動上嘅收入多過支出，就可定義為「職業球員」(A professional is a player who has a written contract with a club and is paid more for his footballing activity than the expenses he effectively incurs. All other players are considered to be amateurs.) 當然，申請港超牌照仲包括其他門檻，情況比較複雜，有機會容後再談，都係將焦點集中番喺今日主角米高堪士身上先。

相比起南東大戰，頭場標準灝天對港會嘅戲碼相對確係冇咁吸引，不過講到峰迴路轉程度，就一啲都唔輸蝕。「爸B」隊長楊賜麟繼續當旺幫標準灝天連省2粒，但係一班港會洋將打日波都冇被太陽曬親，作客以3:2反勝開齋，當中喺落後1:2時，正正係憑住10號仔米高堪士喺最後8分鐘梅開二度。港會今季4場聯賽，除咗對住「一哥」傑志冇波入，其他3場入咗7球，當中有4粒都係由米高堪士包辦，而家仲喺射手榜力壓一眾大會前鋒，難怪賽後極風騷嘅港會領隊伊華特講笑咁話呢晚Office電話有排接，很肯定有唔少球會向米高問價!

同其他港會洋將一樣，米高堪士亦有正職在身，喺香港國際學校任職體育教師兼行政主任，但原來喺10年前，只得18歲嘅佢已經喺香港頂級聯賽(即係當時港甲)亮相，效力嘅係當年(2007至08年)贏得銀牌錦標嘅東方，佢仲喺季尾對大埔嘅聯賽出過1場，不過之後就因為返番去鄉下曼徹斯特升讀大學，放棄咗職業球員夢。直至4年前學成歸來加入港會，一邊教書一邊享受足球樂，曾經擱置咗嘅夢想，竟然無心插柳浮番上嚟!

港會近年出產過唔少港腳，麥基、夏志明、積施利、羅素........領隊伊華特仲話Michael雖然冇麥基嘅速度，但係把握力喇喎......嘿嘿，大家入場捧下港會場咪知囉! 講講下，日搏夜搏嘅你同我可能又會葡萄呢班港會洋將，可以喺生活同夢想、興趣之間平衡，就算月入冇6位數都有6呎高，公平咩?

喺而家呢個香港地，公平呢兩隻字仲難聽過粗口。不過，有時安份守己之餘，都要肯付出，先至會有收穫，Michael亦唔例外:「相比起以前每周只操一課，我哋而家每周訓練3至4課，比起以前的確係辛苦咗，但要挑戰職業聯賽，亦係必須要去做。我哋嘅訓練量比起其他港超球隊仲有距離，唯有好好調整作息，就算冇波練都要去做gym，注意飲食同休息，好似今日就算天氣較熱，我哋體能依然頂得住，而且落後之下亦無放棄，希望可以證明畀大家睇，就算我哋唔係全職球員，亦絕對唔係玩玩下!」

Michael細細個已經隨父母移居香港，同「小明」、肥Jack一樣，只要申請特區護照，就有代表香港隊資格，但係Michael就話唔諗住喇:「我都成27歲，呢個年紀要入選港隊好似有啲難度，今季我嘅目標好簡單，就係enjoy足球，其他嘢就隨遇而安啦!」「Enjoy」兩個字，幾多香港人窮一生也未會學懂箇中真締..........
(p.s. 又係長氣千字文，唔好再話小編好日唔寫賽後報告一寫就幫xx隊寫咁大篇喇!)

yamamoto

man36951 發表於 2016-10-2 22:52
補時6分鐘入波 南華戲劇逼和東方龍獅

南華今日在旺角場上演的港超聯前列大戰，憑後備上陣的羅港威補時6 ...

我有入場睇呢場波
真係好睇

man36951

香港隊　再贏！「雙蛋」贈柬埔寨

繼上月主場以4比2獲勝，港隊周四（6日）晚作客再一次擊敗柬埔寨，憑高梵和艾力士的入球，以2比0取得國際熱身賽兩連勝。We are Hong Kong！

為備戰下月的東亞盃外圍賽，香港隊趁本月的國際賽賽期，約戰了兩支東南亞對手，分別為昨仗作客柬埔寨，以及下周二主場迎戰新加坡。昨仗賽前因傾盆大雨，賽會特延遲15分鐘開賽，慶幸港隊演出並未受天雨影響，開賽7分鐘便先開紀錄。

當時伊達右路開出角球，法圖斯禁區內化身飛將軍，銅頭一搖，伏兵門前的高梵一腳入網，港隊領先1比0。領先下港隊得勢不撓人，伊達、盧均宜和羅拔圖在中場線不斷鑽營，為隊友製造機會。32分鐘，羅拔圖後上助攻，妙傳於禁區邊的艾力士，該名歸化兵「轉身射個1分波」，替港隊將紀錄改寫成2比0。

易邊後，港隊原陣應戰，面對落後下反而愈踢愈縮的主隊，防守未有受壓同時，進攻卻顯得有點老鼠拉龜，無碇埋手。站在後備席廂前渾身濕透的港隊主帥金判坤，眼見戰情陷於膠着，在62分鐘決定作出調動，先後以黃洋入替羅拔圖，以及麥基入替盧均宜。其後再以鄭璟昊代積施利、李康廉替艾力士、黃威入替伊達，以及林嘉緯入替方栢倫，惟始終未克增添入球，只能以2比0擊敗對手。

港隊主帥金判坤於賽後記者會上表示滿意賽果，畢竟作客面對主場5萬球迷絕不易適應，賽前刻意加強防守部署，喜見成效，是役防線表現有進步，力保Clean sheet，希望能以一場勝仗為香港市民打打氣。

man36951

yamamoto 發表於 2016-10-5 02:04
我有入場睇呢場波
真係好睇

可惜只有3200多人入場，這數字應較預期低了。

woodsandhills

回復 man36951 #556 的帖子

歐沖冇上，５Ｇ佢乜料囉 ？！

man36951

【港隊Moment賽後訪問 - Kim Sir：滿意香港隊演出！】

踢完尋晚對柬埔寨嘅友賽，一向要求好高嘅Kim Sir，對於大軍嘅表現就覺得幾滿意：「我哋賽前刻意埋首苦練，希望可以改善主場贏柬埔寨時所出現嘅錯誤，球隊今場演出好好，可以首先攞到入波，不過更加令我高興嘅係，後防整體表現好穩定，比上場波有好大進步！」

雖然港隊前鋒入到波，而後防又保持「清白之身」，不過最令Kim Sir覺得高興嘅，就係球隊今仗表現出，有能力克服作客嘅不利環境：「今場波唔係容易應付，有成5萬幾柬埔寨球迷支持主隊，而且臨場仲要落埋大雨，所以可以見到球隊迎難而上成功贏波，我都戥球員感到高興！」

滿意絕不等於滿足，Kim Sir同埋所有嘅港隊球員，下星期會回師主場出擊，奮力迎戰新加坡！

賽事詳情:
國際友誼賽
10月11日晚上8時 - 香港 對 新加坡 - 旺角大球場


-港澳青年埠際賽- (10月8日)
上午11點 澳門U15 vs 香港U15
下午1點 澳門U18 vs 香港U18
澳門蓮峰球場 賽事免費入場

-第72屆港澳埠際賽- (10月8日)
下午5點 澳門 vs 香港
澳門科技大學運動場 賽事免費入場

man36951

woodsandhills 發表於 2016-10-7 09:03
回復 man36951 #556 的帖子

歐沖冇上，５Ｇ佢乜料囉 ？！

穩贏兩球都冇派佢出場。寄望下周二那一場如何安排了。