絕對不平靜的六月份

mastertim · 發表於 2016-5-30 10:35:42

眨吓眼,2016年5月又到尾聲,回望5月份,世界經濟金融界都算較為平靜, 但展望6月份,數數手指,
發覺可能發生的大事件,真係唔少,睇來,6月份注定係一個不平靜的月份,適逢半年結,老友們,打
醒十二分精神啦. 以下就係本人覺得嘅可能發生的重要事件:

1. 美聯儲有可能在六月份決定加息具體時間表,七月份加息可能性大於62%
上周五,耶倫大媽在哈佛大學表示,如果數據改善,未來數月加息可能是適合的. 阿媽講到咁白,
雖然次次狼來了,但我發覺市場警愓性漸漸減低,所以,今次,阿媽再次提醒市場注意隨時加息
的可能性. 今次連PMICO大佬EL-ERIAN都對7月份加息的預期睇得好高.

2. 英國是否退出歐盟公投
6月23日係英國人的大日子,決定自己前途的方向,摶彩公司暫時以不退出為較大概率開盤,但
在55% : 40%的情況下公投,最終結果會係點,公佈結果前真係無人可以有信心估到.如果英國
公投退歐, 英國央行好可能在之後18個月內加息至3.5%,對英國經濟無疑係雪上加霜.英磅對美
元己跌至七年低位啦老友.

3. MSCI評估是否A股納入
MSCI明晟公司將在6月15日就是否將A股納入新興市場指數作出決定,一旦獲準納入,正式執行日
期為2017年6月.中金公司粗略估計,即使A股以5%比例納入,潛在資金流入數為210億美元.呢批
錢在未來一年將經滬港通,QFII流入A股.

4. 第八輪中美戰略與經濟對話
6月初將在北京舉行,呢次對話相信會為9月份G20杭州峰會定調並做準備,內容含盖經濟金融合作,
貿易投資,金融穏定性,金融行業改革及美國佬例行公事都要一提嘅匯率問題. 另外,中美雙邊投資
協定 (BIT) 傾咗24輪都未搞掂,相信今次也不例外,目前進展到負面清單談判,能否有結果,天知曉.
我反而有興趣知道耶倫大媽會唔會出席,上兩輪佢都有參加.

5. 最後就係普京將於6月訪華
聽講今年又係唔知俄中麽麽友好合作條約簽署15周年,所以,普京未到,中國己經送上大禮包:中國同
意為莫斯科至喀山高速鐵路項目提供62億美元貸款,仲係無需俄羅斯政府財政擔保,中央政府有錢
係咪應該先支持吓香港港珠澳大橋及京港高鐵香港段嘅超支金額補貼呀.

以上五件事或多或少都對6月份的市場產生唔同規模的影響,希望大家留意一下.