你要知：慎入！小強殺不死　幾招輕易K.O.

F1D1S1 · 發表於 2016-4-25 15:44:29

踏入春夏季，天氣溫暖潮濕，蛇蟲鼠蟻紛紛出動搵食，頑強的蟑螂更是殺極都有，女士們大叫怕怕。其實要杜絕曱甴方法簡單，「唔使用劍嘅」，連殺蟲水都慳番，專家教路善用番梘可以殺滅和捕捉曱甴，要長遠隔絕小強，仲要認清種類，對症下藥，就萬無一失！

曱甴瘋狂出沒令人煩爆，除了用日常的滅蟲產品，番梘亦是一個好幫手。「番梘水有漿力，可以封閉蟑螂嘅氣孔，將佢殺死。」自然脈絡自然教育主任丁先生教路，將五份之一個番梘，放進約1公升的水中，製成番梘水，就可當作殺蟲水用。另外，亦可將番梘水加糖倒入杯，並放置於曱甴出沒的地方，就能夠捕捉。

不過，要治標又要治本，仲要認清小強的種類。香港蟲害管埋學會主席陳澤森指，家居曱甴主要有德國曱甴及美國曱甴兩種。德國曱甴身長1至1.5厘米，數量多，繁殖速度快，主要於廚房出沒。至於美國曱甴，「有一隻手指公咁大」，夜間才由渠道爬出，主要於洗手間出沒。

陳強調，食物、水及安全藏身地方是曱甴的3大生存條件，曱甴是由室外帶入屋，例如經超市送貨的紙箱入屋，所以紙箱要在屋外棄置。針對美國曱甴，可將殺蟲水倒入渠道或於渠口設網，避免曱甴從渠口入屋。

曱甴最喜歡匿藏於廚櫃及雪櫃後面，亦愛於膠袋及紙袋藏身，切記儲存太多，亦不要用報紙包裹廚具。垃圾埇一定要有蓋，睡前需要將垃圾扔出屋外。食物要放入密實罐，「用夾夾，食物嘅氣味都有機會留出，吸引曱甴」。做好攻防準備，定期清潔家居，甲甴就無處可逃啦。

將番梘水加糖倒入杯，並放置於曱甴出沒的地方，可有效捕捉。