梁特涉濫權 逼機管局幫幼女送行李入禁區

F1D1S1

香港第一家庭又惹是非！本報接獲投訴指，特首梁振英幼女梁頌昕於上月準備由香港飛往美國三藩市，但入閘後才發現手提行李遺留在機場禁區外，以特殊人員身份陪同幼女入閘送機的特首夫人梁唐青儀，即時要求航空公司職員將行李送入禁區。職員起初拒絕，梁頌昕遂致電父親求救，梁振英以「叫我梁特首」向職員施壓，最終機管局「特事特辦」，在違反機場保安規定下，將行李直送入禁區給梁頌昕。
記者：謝明明　王家文

知情人士向本報確認有關投訴，指梁頌昕原定於上月28日凌晨乘坐國泰CX872由香港機場往美國三藩市，入閘後等候上機期間，才發現手提行李遺留在機場禁區外。梁唐青儀當時以特殊人員身份陪同幼女入閘送機，她隨即要求航空公司職員協助，將幼女行李送到禁區內。職員解釋基於機場既定保安規定，乘客必須親身到禁區外認領行李及重新辦理出境手續，惟梁太堅持對方協助。

更正職員「叫我梁特首」

據稱，其間梁頌昕曾致電父親梁振英求助，並把電話交給國泰職員，該名職員接聽電話向梁振英說：「梁生，你好！」梁振英卻立即指正說：「叫我梁特首」，並要求職員盡快協助其女兒取回該件行李。

事件驚動機管局高層，一名經理級人員到場了解，經多番商議，最終決定不按正規安檢程序，由職員將該件行李送入禁區。相關職員向梁太表明今次是「特事特辦」，重申正常的認領行李程序。據悉，該行李有經過機場保安的檢查。

香港空勤人員總工會總幹事吳敏兒直言事件不可思議，「唔應該有人有任何特權可以越過晒所有安全同保安檢測，而物主係唔需要在場就搵人拎入去（禁區）畀佢，對於保安同埋反恐角度，係非常令人不安」。她指無論事件主角有任何背景身份，都不應挑戰安檢底線，促特首辦必須交代事件，「如果咁樣都做得，咁任何乘客都可以咁做，安全同保安原則就徹底被破壞」。

議員：行使特權令人憤怒

新民主同盟立法會議員范國威亦批評梁振英夫婦在今次事件中屢用特權，「作為第一家庭行使特權，令小市民覺得憤怒」。他引述美國前副總統戈爾於2002年美國「911」後，先後兩次在美國機場被「抽中」，要進行詳細安檢脫下鞋襪，「戈爾第一反應是：『I am happy to do so』，即係『我好樂意配合咁做』，政治人物、公眾人物應該係要咁，唔單止唔應該違規，仲要做到加零一，以身作則，要有足夠嘅敏感程度」。

機管局發言人回應稱，正了解事件。特首辦及國泰航空至截稿前，仍未回覆本報查詢。

今年23歲的梁頌昕是梁振英3名子女中排行最小，於2014年畢業於英國著名學府劍橋大學經濟學系，曾任「劍橋大學香港及中國事務會」司庫。梁振英去年曾透露梁頌昕在非洲實習，體驗生活。 

F1D1S1

呢家人特點，法律於無物，
但係最鐘意用＂法律＂屈小市民

F1D1S1

唔過安檢入禁區
行內人：不可思議

特首涉嫌以特權助其女兒把遺失的行李繞過正規安檢，直送至機場禁區。現身處英國倫敦出席國際會議的香港空勤人員總工會總幹事吳敏兒表示，澳洲空勤人員工會代表聽過事件後，直言類似事件不可能在澳洲機場發生，「冇人可以拎嘢入去而唔係由物主帶住」；英國工會代表更稱，英國安檢程度更嚴謹，「絕不容許搵人攞入去」。

吳敏兒引述一同出席會議的英國航空空中服務員工會兼國際工會ITF代表稱，基於提防恐襲，當地安檢程序更嚴謹，若行李物主不在旁，即使通報地勤，先保留行李，待回程再領回也不容許，因為當地對於不明物品是極度敏感，「唔容許搵人拎人去」，乘客必須先返出禁區領回遺失行李，再經通關重返禁區，「咁樣仲有可能，但前提係要有足夠時間」。

國泰空中服務員工會主席黎玉嬋表示，一般情況下，乘客遺失行李在禁區外，通知機場職員後，必須親自返出禁區外認領行李，並重新經過通關手續及安檢，才可再進入禁區登機，「由於家航機安全都好嚴謹，我相信每一個機場都唔會有例外」。若乘客曾遺留行李在機場禁區外，即有段真空期行李並非跟身，「有機會畀啲人唔知擺咗啲乜嘢入件行李裏面，係一個好嚴重嘅風險」。

她又指，若乘客返出禁區認領遺失的行李後，趕不及登機，航機是不會等候，「因為係每個乘客必須負嘅責任」，乘客需改搭下一班航機，但視乎航班情況。因此，她指一般會建議乘客回程後才認領失物，「避免乘客錯過咗班機」。

kinsoncc

老豆咁叻, 生個女咁廢, 唔識學李剛個仔咁喝班機場職員仔咩, 係都要老豆出口.

PKIP11

觀點與角度問題啫, 張曉明早就話特首地位超然, 凌駕行政立法司法之上啦 !

simontonysoup

梁頌圻係個正常女仔，俾D私人空間佢，當做件好事吧。

hk3937

有興趣明白吓英國點處理既睇下: https://www.justlanded.com/engli ... sas-Permits/Customs

唔好乜都唔識剩識媽
People Moving or Returning to the UK

If you’re moving or returning to the UK (including British subjects) from outside the EU, you can import your belongings free of duty and tax provided you’ve lived at least 12 months outside the EU. Your possessions must have been used for at least six months outside the EU before being imported. Tax and duty must have been paid on all items being imported (this isn’t applicable to diplomats, members of officially recognised international organisations, members of NATO or British forces and their spouses, and any civilian staff accompanying them). Articles must be for your personal use, must be declared to customs, and you mustn’t sell, lend, hire out, or otherwise dispose of them in the UK (or elsewhere in the EU) within 12 months, without customs authorisation.

F1D1S1

唔好乜都唔識就去護航


特首梁振英再爆涉嫌濫權事件，《蘋果》踢爆梁特疑迫機場職員幫幼女梁頌昕送行李入禁區登機。記者今早上約7時44分，在特首辦閘外等候梁振英上班，當其座駕駛回特首辦時，記者在閘外高聲提問有關涉疑濫權問題，惟他沒有理會，甫下車便直接行入特首辦。

運輸及房屋局局長張炳良今早到立法會出席特別財委會前，亦被問到梁振英幼女是否有特權可以不按正常安檢程序將行李入機場禁區時，張炳良只稱「機管局了解緊」，其身旁的助理搶著回答「問機管局啦」。

立法會交通事務委員會委員、民主黨議員胡志偉指，梁振英應交代幼女涉嫌濫權一事，因為事件涉及重要航空安全問題，如梁太和女兒可以用特殊身份濫權，「呢個已經唔係特殊人物，係特權人物」。胡志偉又質疑，梁振英今早仍拒作回應，「其實已默認咗件事」，是想透過時間淡化事件，認為做法只會對政府管治造成嚴重打擊，「令佢嘅管治團隊更不被市民信任」。

建制派亦認為梁振英處理今次事件有問題。自由黨議員田北俊批評，梁振英今次做法不恰當，「如果我接到個女咁嘅電話，咪叫佢快快趣趣行返出去，經安檢後再返番入去囉」，認為梁振英女兒今次做法，應預計外界會知道，「個女又唔識做，個老豆又唔識做」。田北俊又指，梁振英女兒並非在政府做事，難明有何緊急之處，要不惜違規取回物件，認為事件影響市民對政府觀感，梁振英應公開回應事件。

交通事務委員會副主席、工聯會議員鄧家彪則稱：「今次都唔係交唔交通事件啦，我只可咁講，不以正已，何以正人呢？ 」

hk3937

你知唔知果d英文講乜q野呀？　　　英國法律呀，　香港既法律基礎呀！　哈哈，　仲未答，　唔通唔識英文？　可以用 google translate 試下

nestse

F1D1S1 發表於 2016-4-7 08:13
呢家人特點，法律於無物，
但係最鐘意用＂法律＂屈小市民

68狗有特權點可以唔濫用？

iamboyboy

F1D1S1 發表於 2016-4-7 08:10
香港第一家庭又惹是非！本報接獲投訴指，特首梁振英幼女梁頌昕於上月準備由香港飛往美國三藩市，但入閘後才 ...

物似主人形！走狗難免承襲了主人的胡作非為。

iamboyboy

PKIP11 發表於 2016-4-7 09:48
觀點與角度問題啫, 張曉明早就話特首地位超然, 凌駕行政立法司法之上啦 !

身體力行話俾市民聽，家陣就係咁樣。

iamboyboy

simontonysoup 發表於 2016-4-7 10:30
梁頌圻係個正常女仔，俾D私人空間佢，當做件好事吧。

家陣係對事不對人，你呢類人永遠唔明白。

行為出錯就要俾人批評嫁啦！

F1D1S1

譚文豪今早在商台節目表示，在一般程序下，乘客要親自去認領遺留在禁區外的行李，因行李在禁區外，沒有人開守，不知會否被人碰過或放東西進去，需要物件主人去檢查。他又提到，國家元首及使節受維也納公約保障，行李不須經過安檢程序就可以上機，而這次事件應要釐清梁頌昕是否以VIP身分上機，若是，她可以親自帶行李不經安檢上機，但由於行李沒有跟身，需要她親自去領取遺留了的行李並檢查。

譚又說，民航處長有斟情權處理、改變機場內的程序，但若因為特首的職位高於民航處長，就可以有民航處長的特權，是很危險的事。他反問是否日後遊行示威申請可以不經警務處長批准，由特首決定便可以？他認為機管局及政府都要向公眾文代事件。

其他報道：台灣修法　護照貼「台灣國」今起不違法

若事件屬實，譚文豪認為情況嚴重，質疑為何機管局沒有跟隨既有程序做安檢、為機場把關，這會為乘客安全帶來風險，亦可能令不法分子有樣學樣，以VIP身分作危險行動。他批評梁振英漠視機場安全檢查程序，若因覺得職位高於民航處長而可以代理其酌情權，是濫權行為。

F1D1S1

nestse 發表於 2016-4-7 11:18
68狗有特權點可以唔濫用？

狐假虎威現代版，係香港就吔文吔武，返到大陸咪成隻狗。

無賴階級專政

F1D1S1 發表於 2016-4-7 11:27
狐假虎威現代版，係香港就吔文吔武，返到大陸咪成隻狗。

佢個女都係響外國留過學的，點解一啲文明作風都唔識？自細家教出問題啦！

駱家輝前美國駐華大使，佢只不過做返啲人應該有的行為，已經獲得大陸人的掌聲。

以上影片乃youtube提供,與本站無關; 若無法觀看,可查看原網址。

nestse

F1D1S1 發表於 2016-4-7 11:27
狐假虎威現代版，係香港就吔文吔武，返到大陸咪成隻狗。

68狗係香港見到小明同d大陸駐港高官都盡顯狗樣

kinsoncc

PKIP11 發表於 2016-4-7 09:48
觀點與角度問題啫, 張曉明早就話特首地位超然, 凌駕行政立法司法之上啦 !

又幾合理喎

hk3937

kinsoncc 發表於 2016-4-7 11:49
又幾合理喎

你古 omama 個女ｄ行李又洗唔洗 check 呢？　根本 dipomat 既 family member 係 uk 就免，　有 artical 講．　不過好多人唔識睇

kinsoncc

simontonysoup 發表於 2016-4-7 10:30
梁頌圻係個正常女仔，俾D私人空間佢，當做件好事吧。

如果係正常女仔, 遇到呢種情況, 你估個女仔會唔會叫機場職員接個電話同佢老豆講呢?