30H運動女神話你知：胸太大7宗罪！

man36951 · 發表於 2016-3-27 12:33:45

好多絲打，都投訴身邊隻死佬，話佢哋周時偷望身材好嘅女仔，大聲喺度鬧：「咁大個胸有咩用啫，着衫唔靚囉！」不過心入面，有冇羨慕人哋擁有超勁上圍，就只有佢哋先知喇。其實唔使羨慕呀，因為美國30H運動女神Lindsey Pelas，就話你知其實大胸勁慘，真係有苦自己知呀，陰公！
Lindsey 係前《花花公子》雜誌Model，依家就從事運動事業，周時做Gym幫各大公司做宣傳。佢勁靚之餘，仲要擁有H Cup上圍，唔單止引到全球巴打流晒口水，女粉絲都覺得佢夠健康，所以喺Instagram，就有340萬粉絲，勁堅。
近期佢接受傳媒訪問，話查實胸大，唔係想像中咁好：「無論你着咩衫，普通Tee又好，晚禮服都好，出嚟效果都好庸俗囉。同埋無論你係買衫定係買bra，都好難搵到啱size，好令人頭痛。同埋呢，當你做運動時，你就知有幾麻煩，好似乜都做唔到咁，因為你稍為郁吓，胸前就會勁拋！另外，無論你去到邊，啲男人就會望住你心口，有人直接問我，係咪拍AV㗎囉。女仔就會問，點解我要整到咁大，但係其實，我根本就冇整，我天生就係咁。」
「仲有，胸大會產生好多衞生問題，我一年四季都要帶止汗劑，因為佢哋好大汗！而當我坐車戴安全帶，或孭斜孭袋嘅時候，都令我勁唔舒服囉！」
但最後，原來胸大都有好處：「當我雙手唔得閒時，就可以擺唇膏呀、電話呀又或太陽眼鏡上我胸上面，好方便的。」其實絲打們睇完，會唔會覺得Lindsey講嘅嘢，難聽過粗口呢？