韓國女團CLC新成員 原來係香港童星

GIRLAV

近年，越來越多韓國組合為咗打開海外市場都會加入外國人，繼王嘉爾Jackson加入GOT7後，童星出身嘅莊錠欣（Elkie）係第二個香港人加入韓國組合，加入韓國女團CLC嘅Elkie，係繼泰國成員SORN之後的第二位外籍成員。

佢係喺上年透過參加娛樂公司喺香港搞嘅試鏡，而被韓國娛樂公司睇中。喺預告片中，5位成員着住家居服拆大禮物，之後新成員Elkie就以公主造型企起身，對住鏡頭微笑。淨係講個名同呢兩張相大家可能未必認得佢，但係睇返佢喺無綫拍劇嗰時個樣，相信大家都會認得。

17歲嘅Elkie，年紀輕輕已經喺無綫拍過唔少劇集，例如《老表，你好hea！》、《好心作怪》及《On Call 36小時II》等等，最為人記得應該係佢喺《老表，你好hea！》中飾演少年萬綺雯，佢亦曾經擔任過兒童節目主持。唔講大家可能冇咩印象，原來Elkie曾經係家燕媽媽藝術中心旗下少女組合Honey Bees嘅成員。