【旺角騷亂】曾鈺成爆中央正探討騷動成因

無．求 · 發表於 2016-2-24 00:37:39

本帖最後由無．求於 2016-2-24 00:40 編輯

【旺角騷亂】
曾鈺成爆中央正探討騷動成因
蘋果即時新聞．建立時間 (HKT): 0223 20:17

[易仰民攝(蘋果日報)]

立法會主席曾鈺成稱，據了解旺角初二凌晨的警民衝突發生後，他聽到中央的判斷除了譴責有個別極端分離組織外，「同時我亦聽到，中央亦去探討點解發生呢件事。」他認為現時中央看法「仲好冷靜明智」，正研究香港社會出了甚麼問題。他稱明白政府暫不想成立獨立委員會調查旺角騷亂，估計是因為目前不想「轉移視線」，又稱港英政府都是在六七暴動平靜後才改變社會政策，「我相信有個階段」。

曾鈺成指出，相信明年特首選舉論壇上所有候選人都要回應今次騷亂和佔中事件，他認為候選人要取得1,200名選委會支持，選委亦要看民意，「如果候選人嘅表現係一出嚟，個個市民都柴佢台、個個都喝倒采，咁呢班人投票畀你都要諗，點向市民交代？」他又稱，2012年特首選舉時梁振英和唐英都重視市民支持，反映民調結果亦相當重要。

他指1,200名選委選特首時同樣亦視乎北京取態，質疑若候選人只懂譴責和嚴厲打擊暴徒，「係咪能夠解決個問題呢？」他稱「如果另外一個候選人佢譴責暴徒之餘，能夠指出一啲社會矛盾、甚至指出管治有邊啲地方可以改進，可以舒緩到呢啲問題，可以避免類似事件以後再發生，又或者就算有少數人喺度挑動，都唔會引起到任何人、後生仔支持，我諗呢個問題唔能夠唔諗」，故候選人除譴責暴動外，亦要解決社會的深層次問題。

他又反駁有人指他言論「前後不一」，他稱六七暴動時，「我指如果國泰民安、人人安居樂業、人人都對政府好感恩戴德，你要亂都唔亂唔起，呢段規律幾時都真過喎」，但他補充這不等於指採取暴亂方式值得支持。

對於中央是否欣賞梁振英處事手法「強硬」，曾鈺成認為最重要是「硬得嚟有效」，直指中央最關心是一國兩是否成功、繁榮穩定能否維持，「如果管治手法達唔到目的，唔係一個成功嘅標誌」。被問到梁振英現時是否達到中央「促和諧」的目標時，曾鈺成就指現時「不便評論」，笑言「我無咁多包袱後就可以亂講都得」。他稱中央政府負責香港事務的官員，對佔中和旺角事件，向本港不同各方面人士了解成因並不奇怪，暫無聽到中央指港府處理或管治有何問題，笑指「佔中嘅研究依家都未有結果啦」。

他認為應該將本土和分離主義分開，因為本土想香港好、不想大陸化是「好自然嘅事，係一國兩制要有嘅原因」，認為港府推動港人優先利益、維護本土利益是「無可厚非」。至於「分離」則是連「一國兩制」都反對，這類人只佔香港「一小撮人」，他希望中央能清楚將兩件事分開，不要打擊本土主義。