無殼蝸牛5大心態

肥叔叔

【on.cc東網專訊】 樓市下滑，市民心郁郁未知何時入市最好。有網民分析「等咗十幾年都未上車的人5大心態」，包括在樓價低時擔心失業希望留個錢旁身、谷底回升時又唔抵得，要再等好時機，結果遲遲都未買到樓。
香港自1997年金融風暴、03年沙士、2013年政府再加辣打擊樓市，樓價如「過山車」般上上落落，雖然是貴絕全球，但何時入市仍要「計過度過」。有網民列出「無殼蝸牛」的5種心態，如「樓價低殘(賤)時，份工朝不保夕，梗係留多個錢身邊，唔買」、「到個價回調，認為個價仲有得跌，又唔買」、「確認升勢，就認為政府會做嘢或水尾，又唔買」
貼文吸引多人討論，有人大吐苦水，指有親戚1997年摸頂(高價購入)，2005年因生意問題需要低價賣屋，租樓10多年後，至去年再買一間屋，擔心「又摸頂」。不過有網民就建議，買樓真係要有「吉士」(膽量)，世事無絕對的是和非，有需要就要買。
10多年來未買樓的5大心態，你中唔中？
1. 樓價低殘(賤)時，份工朝不保夕，梗係留多個錢身邊，唔買。
2. 谷底回升時，淨係回想谷底價，又唔買。
3. 到個價回調，認為個價仲有得跌，又唔買。
4. 個市牛皮，就認為市勢不明朗，無方向，又唔買。
5. 確認升勢，就認為政府會做嘢或水尾，又唔買。

網民有話說
sam299xxx：我有個親戚97年摸頂，05年因生意需要低價賣咗間屋蝕左一筆，租咗十年屋住，舊年買番間屋，睇黎（嚟）又摸頂
Wishsss：買樓真係要吉士，跌市又驚仲跌，升市又話唔抵，不斷repeat(重複)
bik1229：我識幾個朋友，2006至2007年左右賣左(咗)自住樓，交左(咗)8至9年租，上年頂唔住成日加租及搬屋，上返車，如果係頂就慘
jihai：其實仲有一大班個理由好簡單，幾時都係「沒有錢」。只能怪政府
chowchow2012：講到底，有需要就要買，邊等得到最低價…好多人只提沙士價，唔提下當時嘅大環境係幾咁差，人心惶惶…飯碗不保仲提買樓。


你買左未?  定係仲 睇下先 等下先 ?
係人心無厭足 ?  定係跟本首期都無, 就學人賴樓貴 ?

王重陽

八個單位係手
全部不用供

肥叔叔

王重陽 發表於 2016-2-16 14:33
八個單位係手
全部不用供

大富翁 ?   

王重陽

肥叔叔 發表於 2016-2-16 14:51
大富翁 ?

未計非住宅

NZS

自住0既,有能力就買
撫心自問,係咪投機?
車都未上,成日諗住樓換樓賺錢, 同D ON9青年想創業一鳩樣

肥叔叔

王重陽 發表於 2016-2-16 15:09
未計非住宅

原來你係大水塘,  即係由始至終,  一舊水都係你收埋直啦   

一班廁奴只係李連英   

jj99

我廿年前買左，同老虎自住細細地，話知你升跌！

谷村富郎

加多一條第六條:
6/…當樓價月月創高峯時，日日屌政府和地產商勾结揾笨7，又唔買。

四台國際CEO

肥叔叔 發表於 2016-2-16 13:54
【on.cc東網專訊】 樓市下滑，市民心郁郁未知何時入市最好。有網民分析「等咗十幾年都未上車的人5大心態」 ...

講來講去都係冇錢買, 但政府要起公屋話話盲搶地