前線警員對管理層20項不滿及質問

獅子山下村

前線警員對管理層20項不滿及質問
1.喺旺角當晚係邊個做指揮？

2.佢有冇接受過PTU訓練？

3.點解唔使用相應嘅武力？

4.喺暴動嘅情況下點解唔使用IS Tactics（防暴戰術）？

5.點解要前線同事用血肉之軀抵擋磚頭？

6.究竟當時決定打定唔打？打就應使用相應武力，唔打就應該立即撤退。

7.磚頭係致命武器，點解唔可以用槍去保護生命？

8.新聞報道講：「警員俾暴徒追打！」，管理層作何感想？

9.有咁多同事受傷，亦有啲受重傷，管理層作何感想？

10.防暴裝備同IS Tactics（防暴戰術）如果唔係用嚟對付暴徒，咁係咪只用嚟擺房和用嚟表演用？

11.高層唔好再講強力譴責呢啲廢話，更加唔好講前線同事好克制，只會令同事越聽越㷫！

12.點解俾暴徒猛掟磚頭，嗰啲高層依然叫同事企響度做人肉盾？究竟係乜嘢戰術？如果要企，懇請所有高層同前線同事一齊企，俾暴徒用磚掟，睇下邊個唔好彩畀掟死！

13.掟磚頭係致命武器，高層是否同意？再有類似事件，前線必定會take covers（找掩護）同埋使用槍械去還擊，唔會再做人肉磚靶，因為已經受到生命威脅，高層是否同意？但如果仲有啲無理、無常識高層要前線再做磚靶，咁點？前線是否唔需要理會？定還是由得前線犧牲送死，因為前線生命係賤命，高層升職仲緊要過前線生命？

14.AR-15（半自動步槍）、布袋彈、橡膠彈、催淚煙、手榴催淚彈點解全部唔用？管理層只驚傳媒，市民點睇，就唔驚前線同事點睇！難道咁激烈嘅暴行都唔應該用上述武器？如果適用但冇畀指示叫前線用，很明顯不配做呢個階級，所有高層是否要責任承擔及徹查事件？會有乜罰則？

15.前線同事冒生命危險去對抗暴徒，維護法紀，但CP（警務處長）喺記招居然回應會徹查前線有否不恰當使用其他武器，知否已經傷透所有前線同事嘅心同士氣，很悲哀！警隊果然係一將功成萬骨枯！

16.如果所有武器同戰術都係唔用，只係擺房，可否罷免再去training（訓練），因為係嘥時間同多餘，警隊自從佔中燒催淚煙後已經有啲龜縮唔敢再用催淚煙！更遑論橡膠彈、布袋彈、AR15等等！

17.今次事件係管理層作出錯誤決定，導致好多前線同事受傷，是否同意？點同前線交代？經常講責任承擔，管理層有否勇氣承擔責任？點承擔？

18.今次暴徒暴行，前線同事應該可以開100槍以上，同埋應該係遠距離作戰，點解仲要推前線同事去送死，用人肉擋磚？而家前線同事已經冇士氣呢個係因果，亦好難修復，管理層點回應？

19.請唔好打算用讚賞去畀受傷同事去覆蓋同事嘅不滿，前線同事係有尊嚴，不要當我們係儍仔！

20.前線同事呢幾日嘅憤怒情緒係冇停過！

資料來源：前線警員WhatsApp群組

做兵打生打死, 做官的不聞不問

超能仔

做决定的瞓晒覺！

谷村富郎

超能仔 發表於 2016-2-12 22:30
做决定的瞓晒覺！

我衷心為前綫英勇擋頭和捱木棍而受傷的警員致崇高敬意!
我亦衷心為那些龟縮在幕後怕癢又怕痛的高層指揮官感到羞恥!
如果什麼武器都不能用，那警員日後巡邏連配槍也不用帶了，赤手空拳捉賊或抗暴徒可也。
前綫警員是普通人，他們和我們一樣有血有肉，有妻兒家庭和高堂，他們维持香港治安是有職責去為市民除暴安良，但道義上市民亦應諒解他们的處境和工作，在執行法律庫于的任務和權力，去使用合理適當的裝備和武器來保護市民和自己的生命財產，觀察今次暴徒使用的(裝備和武器)和警員使用的相比就知為何警員會有近9O人受傷，希望有關當局會受到此次暴乱惨痛的(教訓)，而對日後可能再發生的事故作出最適當的安排，否則警員的傷亡數字絕對會不下於此次，古訓有云:乱世用重典是也，以收阻嚇之效。

超能仔

谷村富郎 發表於 2016-2-12 23:31
我衷心為前綫英勇擋頭和捱木棍而受傷的警員致崇高敬意!
我亦衷心為那些龟縮在幕後怕癢又怕痛的高層指揮 ...

十分同意，另法庭要加重刑罰！

peterchanhkpk

前線警員夾在中間，唉

vincen_k

Just FW

http://blog.martinoei.com/2016/0 ... %e4%b9%9c%e5%98%a2/

好少好似旺角之戰咁，警察打膠咗，警察內部就互相指責，前線警員提咗一堆問題，其中有幾個問題，可以一併考慮：

1. 點解要前線同事用血肉之軀抵擋磚頭？
2. 究竟當時決定打定唔打？打，就應使用相應武力；唔打，就應該立即撤退。
3. 磚頭係致命武器，點解唔可以用槍去保護生命？
4. AR 15(半自動步槍)、布袋彈、橡膠彈、催淚煙、手榴催淚彈點解全部唔用？

我以戰術考量，我可以講，一個擦慣鞋嘅指揮官亂咁指揮，就會出現以上問題

首先，當出磚嘅時候，第一時間就係take cover，至少take cover直至有長形盾牌支援為止。當時唔俾人take cover，一定係白痴。

AR 15一定唔適合，一出AR 15就血腥年初一，勁過228，以後唔駛過農曆新年。布袋彈、橡膠彈都好易傷及無辜。如果根據1989年北京大屠殺後，同一戰場發生嘅事故，喺適當距離下施放催淚彈驅散群眾，但唔好拉人，係可以考慮。但絕對唔係金鐘一役咁亂放一通，反而激起事端。

以上影片乃youtube提供,與本站無關; 若無法觀看,可查看原網址。

簡單嚟講，只要你一用槍，我唔理乜嘢槍，之後就係228。警察只要記住一個戰術目標，白衫啲仆街要升官發財，係唔關你地事，你唯一要做係驅散群眾，that's all，亂咁拉人，亂咁用警棍只係令你自己陷入危險之中，但升官唔會有你份。而且一亂用武力，只會令更多人加入或有藉口升級武力，直到變228為止。變咗228，警察基本上日常都唔駛做落去，呢個就係個戰略現實。

由一個只識同土共飲茶食飯嘅人領導旺角警區，相信係香港警察最大不幸，日後有排你受。如果警察係醒，保持政治中立，果啲喺facebook嘅藍絲同埋部分違反《警察通例》發表政治言論嘅警員，唔係幫你地，係害你地嚟幫自己攞著數，何必做人踏腳石呢？

巴魯坦星人

回復 vincen_k #6 的帖子

FYI
以前DIAMOND HILL開路清拆, 又唔係打黎打去, 連火水石油氣都出, 都搞咗好長時間, 都唔係暴動... 何解, 就因為港英年代.

以前拉小販, 市政/差人被圍, 又點解唔係出防暴搞大佢, 而係留幾個車頭係現場, 黑腳就閃曬, 第二日就去拉人...

facelessvm

做兵打生打死, 做官的不聞不問
制度唔變, 好自然會係咁

vincen_k

巴魯坦星人 發表於 2016-2-16 07:49
回復 vincen_k #6 的帖子

FYI

咁就回到老問題：點解英國人可以平息到，但中国人治下就做唔到？
類似說話陶傑以前好鍾意講，但整整吓懶得講。