上海溝女聖地，穹六人間型仔餐廳

老牛食嫩草 · 發表於 2016-1-7 16:57:43

本帖最後由老牛食嫩草於 2016-1-7 17:19 編輯

老牛上月去上海過聖誕食左七餐，順便充電，一下一段借用兩年前出過嘅字眼，改左幾個字，
其它嘅餐廳一間一間慢慢介紹，大家唔好急，呢次帶左新買嘅 Sony A7II連狗頭鏡，加 Sony NEX 7， 10-18鏡頭。

有臺灣人在許多連鎖餐廳,分別以「人間」命名,「竹一」、「雲二」、「硯三」、「龍四」、「泉五」、「穹六」、「螢七」。一三四五都在臺灣,二六七在上海。上海的摩登人群喜歡這「老六」「老七」,因為它們是「極簡主義」的代表, 很怪異。今次去午餐嘅系是穹六人間。

餐廳位置系徐匯區前法租界永嘉路同岳陽路口，因為老房子系同政府租用若干年（20-25年）外牆基本結構歸還時要還原，所以日本建築大師三浦榮在內部用工字鐵建左一個（內框架），风格極度簡約，聽講當時設計靈感來自蘇軾嘅（水調歌頭）整個餐廳營造出無主題嘅水泥、不銹鋼、玻璃。基本上連顏色都冇。
大門招牌甚小，要用盡眼力先見到，大門好似監獄嘅鐵閘，要用少少心思先可以開門。鐵閘打開後，有一條小徑，兩邊種滿竹林，水泥路上卻用不銹鋼做左一個“跳飛機”。
餐桌前也能表現陰晴圓缺，没有缺口的完整的圆碟，寓意盈月；每枱有必定有带缺口的月盤，寓意缺月，充满趣致。
晚上系媾女聖地，每張枱只有一盞小射燈，全個餐廳完全冇其他光線干擾談情。聖誕節就會換上紅色綠色椅墊，就聖誕兩日用。情人節仲巴弊，只限兩人訂座，而且規定一男一女，所有椅墊都會換上紅色嘅心形，呢個椅墊全年就用一日，（平常日子系用深藍色椅墊）。

呢個十字路口都好巴弊，四個角，一角系宋子文嘅舊宅，一角系以前桐油大王嘅舊屋，另一角就好似系什麼海關關長嘅屋企，最後就係呢間“穹六人間”。
呢度嘅伙計有機會出國考察，主要係去日本，參考人地個服務態度。一般都好斯文，服務好到位，佬牛兩年冇去，一推門，前台立即細細聲， “佬牛先生好久不見了，樓上的corner 位啦。” 樓上食完飯，落樓下lounge 坐大沙發飲野，呢度嘅凍咖啡肯定系佬牛去過嘅上海舖頭排第一，今次好耐冇黎，有桂花嘅紅豆糖水一兜，靚女細細聲話， “相思豆呀”。
兩個人，套餐RMB 58蚊一位，包沙律，餐湯，菜牌上點兩個餸，鐵鋤牛排，細細粒，真正超夾值好味，人間豆腐，類似麻婆豆腐，有小爐加熱，用紙兜上，今次加左一碟奶油蘆筍 RMB 88，包白飯，包飲料。，埋單人仔 200，真係抵食到爛呀，兩年都冇漲價。

外面嘅岳陽路，梧桐參天，全部都有八九十年歷史啦

餐廳外圍種左少量竹樹型造氣氛

招牌差D睇唔到，鋼門內藏乾坤，唔知嘅都比佢玩死

開左大門，曲徑通幽，兩邊竹林

仲有個跳飛機

老牛食嫩草 · 發表於 2016-1-7 16:58:10

本帖最後由老牛食嫩草於 2016-1-7 17:15 編輯

餐廳內部環境十分有品味，入門櫃檯有靚擺設，後門有小庭院，仲有果樹，從裡面向外，
竹影婆娑，甚有情調，樓下嘅 Lounge ，沙發夠大張，坐落好舒服，你會有足夠時間溝
條女跟你去。。。。。。。。。。。老牛今次去系聖誕正日， Cushion 系紅配綠，應節。

老牛食嫩草 · 發表於 2016-1-7 16:58:30

本帖最後由老牛食嫩草於 2016-1-7 17:14 編輯

檯面餐紙都低調到。。。。。

套餐頭盤沙律，睇見都靚，加上一片 Parmesan Cheese, 色香味美

人間豆腐

青豆蝦仁，（走焦啦）顏色甚靚

主打菜，鐵鋤牛排，每人一份，真係好好食呀

例湯系。。。唔知乜野，好似蝦丸湯

奶油蘆筍，奶油麵粉味太重

餐啡，呢杯系老牛上海最滿意嘅凍咖啡，隔離系靚女送嘅（相思豆），裡面有幾粒桂花，正。

完全滿意嘅一餐呀，每人消費不過人仔一百咋。