這就是港女！分享給你, 快來看看吧！

fatli505d_Baby · 發表於 2016-1-5 22:08:01

名稱: 已下線廣告

地址:

電話:

類型: 不清楚

網址:

不喜歡睇文章的可以睇片先，睇完有興趣的可以再睇以下兩篇文章。
你哋睇完後又會有什麼看法呢? ^-^
分享給你, 快來看看吧！
http://archive1.rthk.hk/mp4/tv/2015/HKTWCT2015M00700004_h.mp4
http://archive1.rthk.hk/mp4/tv/2015/HKTWCT2015M00700004_h.mp4

這就是港女！

05/01/2016 (文雋)

【晴報專欄】沒有哪個測試更能表現出港女真面目。我說的當然是港台節目《我係乜乜乜》上星期播出的那輯節目，游學修Vs劉鳴煒，結果在露出原形真面目之後，游學修逆轉敗，現場幾乎一半的港女臨時轉軚，改站到劉鳴煒身邊！
轉軚的港女們當然遭受非議，但我卻覺得她們率直、可愛、真性情，不矯飾、不虛偽，識時務且懂得現實的殘酷。
這年頭，絕對是麵包重要過愛情，現實比夢想更實際！你可以憧憬游學修將來會大有前途，是未經雕琢的「好嘢」，但此時此刻，生勾勾站在你面前讓你選擇的，一個是富二代兼有型有款的劉鳴煒；另一個，是只剛拍了一部電影當主角卻乜都冇揸手的游學修，而你居然仍會選擇游學修，只證明你非常純情，可能是仍然喜歡看亦舒、張小嫻小說的文藝少女，又或者，未知米貴不懂得生活艱難的乖乖女！而可以肯定，你不具備成為港女的資格！
對港女，我從來沒有貶意！

港女講咁多，咪又係為……
(moyinday:)

　　尋晚睇完好多人講嘅果集我係乜乜乜，終於見識到乜叫港女應該具備嘅條件。

　　事先聲明，我都覺得唔睇樣之下搵男神係一個比較無理嘅行為。但係經過第一回合發言之後，有一位著住杏色外套白色津領嘅小姐一直讚緊游學修有幾真有幾幽默，然後話另一位講野太老練，言下之意即係佢識講野，呃女多嘅機會更大。就咁睇，佢應該係更著重內在美果類人（當然我相信要喺兩位外觀都唔錯之下）。點知一見到劉鳴煒真人之後，佢就係其中一位秒速跑過去，然後仲要大讚佢點成熟隻眼點正。但之前你唔係話佢講野好老練咩？你唔係「應該」睇重內在美咩？點解轉軚之後嘅讚美詞全部都淨係關樣事？到底正嘅係隻眼定係佢份身家我真係唔肯定，只係依位女士好完美咁表達出女人嘅假可以去到一個乜野地步。

　　點解女人可以咁假？有另一位女人可以答到你。當游學修問佢點解問乜都係關錢事嘅時候，佢就講左一句「因為我地而家講緊價值觀吖嘛」。價值觀依個詞本身當然唔單單係講錢咁簡單，但對香港人黎講好似真係只有錢先會有佢嘅價值。大部份香港人做所有野都係為左錢，藍絲為左三百蚊出黎遊行、老野為左有野食而投票、上班族為左返工搵錢對社會不聞不問。佢地唔知道自己為左利益而做嘅事對政治有幾大影響，甚至佢地連政治係乜都唔會去理，因為佢地嘅人生只有一個價值觀，就係錢。好多女人話要慢慢理解下先，其實唔係真係理解下你為人咁簡單，而係要諗下同你一齊可唔可以衣食無憂。睇完依個節目你就會明。

　　係節目裡面有兩個女人我好欣賞，一個係話政見不同就會分手果位女士，佢問嘅問題比我見到佢著重意識形態上嘅價值觀，亦都係關心香港政治時事。係香港要搵到一個咁嘅女仔唔易，特別係好多口講自己係黃絲，但講多兩句政治話題就覺得悶然後轉話題問你今晚食乜好。當一個人知道佢要關心嘅唔單止係自己生活，仲有自己生活緊嘅果一個地方，我覺得咁樣先可以叫做係一個港人而唔係一隻港豬。另一個我欣賞嘅係一直企中間冇表態到最後見樣先企埋劉鳴煒果邊嘅果位白臉紅唇。佢話劉鳴煒個PACKAGE好正，其實我明佢講乜喎，萬一有幸做佢老婆，唔單些有個靚仔老公，仲做埋主席太太出入上流社會，手執黑卡買野有人找數，咁完美嘅富婆生活，仲唔係對女人黎講最優惠嘅「PACKAGE」咩？

　　最後我想提下話劉鳴煒唔離地果一位女士，劉鳴煒就係話係香港買樓只要唔去日本唔去玩儲多啲錢就搞得掂果位。如果咁樣都唔係離地，我諗你真係住緊天空之城，係萬二呎高空都仲可以腳踏實地。擦鞋唔係問題，但係節目上面擦錯鞋，真係會柒一世的。