拍片唱衰大陸人　劉馬車廣州遇襲

kkklam · 發表於 2015-12-22 22:22:30

在網上自稱「劉馬車」的男子，在廣州遇襲受傷。原名劉駿軒的「劉馬車」，聲稱今日凌晨被友人相約到廣州太平沙消夜，惟抵達時，才發現已有十多名年約十多至二十歲的男子埋伏在場，當中更有非洲籍人士，期間有人大叫：「劉馬車，你仲敢返嚟大陸，你唔係鬧我哋咩！」隨即向他拳打腳踢。

「佢哋集中打頭同面！」劉形容對方施襲期間，路邊亦有不少人走出「加多一腳」，由於他全無反抗能力，最終要待對方打夠才停手。傍晚帶傷返港的劉馬車接受東網記者訪問，展示其傷勢，可見他左額腫起，面部亦有不少傷痕。他懷疑事件與他早前曾拍片「唱衰」內地人有關。「中國人就係唔鍾意畀人話，不過我唔驚，繼續會返大陸。」

事發後劉馬車一度到內地醫院檢查，初步發現他腦部有輕微震盪，由於至今仍覺得呼吸困難，回港後他已馬上求診。

不過劉馬車遇襲卻得不到網友同情，由於他遇襲後隨即拍照上載網上，更聲稱遭四、五十個襲擊，其留言一出，惹來網友批評，甚至諷刺他傷勢輕微。

網民有話說：
Edward Gsang：流鼻血扮比人打搏上位？
Fung Lam：比50人打?又吹大，比5歲小朋友打才真
Joshura Mok：嚴懲兇手，一定要佢知道，咁輕手係唔得
Harry Wo：仲識自拍，都唔係好傷姐

jj99 · 發表於 2015-12-23 06:35:17

比50人開名點相打你? 咁都唔死？
生活在網上！打機咩，白痴！

Gold007 · 發表於 2015-12-23 07:26:03

Really interesting

koyoaa · 發表於 2015-12-23 08:07:02

好心佢做左野就未返大陸啦，以為安全咩

build.gates · 發表於 2015-12-23 11:24:19

本帖最後由 build.gates 於 2015-12-23 11:28 編輯

聲稱今日凌晨被友人相約到廣州太平沙消夜
咁佢果個所謂 "友人" 又去左邊??

當中更有非洲籍人士
如果真係為左被佢批評而去打佢, 應該只有國內人, 點會有其他國家人士出現??

「佢哋集中打頭同面！」劉形容對方施襲期間，路邊亦有不少人走出「加多一腳」
佢地有咁多人集中打佢頭同面佢重有閒情留意倒路邊有冇人加一腳??

最終要待對方打夠才停手
佢話有成40-50人打佢, 如果打到夠先停手, 佢應該變肉醬啦~

傍晚帶傷返港的劉馬車接受東網記者訪問
被40-50個人打到夠之後都重可以接受記者訪問, 即係話佢一個可以頂40-50人啦~

事發後劉馬車一度到內地醫院檢查，初步發現他腦部有輕微震盪，由於至今仍覺得呼吸困難
佢講到上面D人咁差, 被40-50個人打到夠之後重唔第一時間返香港去醫院, 竟然係去內地醫院檢查??

由於他遇襲後隨即拍照上載網上，更聲稱遭四、五十個襲擊
想打你嘅國內人加加埋埋都40-50人啦, 點會有非洲籍人士呀?? 驚佢地分薄左添啦~
被40-50個人打到夠停手後重可以隨即拍照上載網上, 黃百鳴應該搵佢拍葉問4 啦, 就算佢個樣太衰難登大雅之堂都可以收埋歸其下, 佢一個人都頂幾十人喎~

成段野根本九唔搭八~