國產XXX, 叉電即爆 !?

巴魯坦星人

來自太陽報專訊
原標題為 : 國產踏板車 叉電即爆
=====================
一名香港少女一周前在深圳羅湖以一千八百港元購入時下潮玩的兩輪電動踏板車，昨凌晨首次在黃大仙彩虹邨寓所充電，兩小時後踏板車突冒煙，少女偕母親兄長一家三口拔掉插頭慌忙逃生，踏板車隨後發生連環爆炸及起火燒着附近雜物，踏板車最後燒剩支架，懷疑其短路起火，全屋付諸一炬，三口家獲房署安排暫住另一單位。少女事後大呻：「中國嘅會爆炸！」火警中有二百名居民疏散，無人受傷。

現場為彩虹邨金華樓七樓一單位，女戶主（五十餘歲）和姓歐兒子（三十一歲）及女兒（二十歲）同住，就讀高級文憑課程的歐女稱，見不少人玩兩輪電動踏板車覺得好潮，故一周前經朋友介紹到羅湖選購，以一千八百港元買入一部銀色電動踏板車，前日第一次試玩該車，並耗盡電池。

昨凌晨三時許，歐女首次為踏板車充電，因該車原裝電線附有的火牛插頭為雙腳，她用旅行用的三腳轉插駁腳，將踏板車放在近大門的地板上充電。至凌晨五時許，歐女突然聽到踏板車傳出「啪」一聲，驚見踏板車的電池位置冒煙。她連忙喚醒熟睡的母親及兄長，並拔除插頭及報警，三人迅速逃離單位。踏板車隨即發出數下爆炸聲並起火。消防員出動一條喉及一隊煙帽隊灌救，並架起升降台射水。期間，大廈二百名住客疏散到樓下，當中有七名住客由消防員破門救出。火警於二十五分鐘後大致被救熄，無人受傷。消防員初步懷疑是該部踏板車充電期間短路引起火警。

起火單位嚴重焚毀，踏板車燒熔僅剩支架，外牆及走廊天花均被火舌熏黑。歐女對一夜之間失去住所感徬徨，她指家中經濟不算好，擔心母親和兄長無力負擔重置家具的支出。她稱與家人逃出家門的一刻「背後見到有火光」。歐女對此大叫「好彩」：「走遲半步就會受傷。」而家中養有的兩隻巴西龜，火警時在一盆水中，幸並無被殃及。她直言家裏一向使用日產電器，首次買國產貨便出事，「我跟足說明書，叉兩個鐘電都出事。」她無奈嘆稱：「中國嘅會爆炸！」

歐兄亦大感錯愕，「無諗過會爆」。他對事件影響到街坊感抱歉，「心入面唔舒服，想同街坊道歉，但未有機會」。昨午四時許，他陪同房屋署人員返回單位視察損毀情況。房屋署發言人表示，收到起火單位住戶求助，已安排邨內一個單位供他們暫住，亦已安排工程人員搶修，希望盡快完成復修工程。

電動踏板車爆炸起火在香港罕見，十一月初英國一名男子以約四千一百港元價錢購入一部電動踏板車，準備給孫兒作聖誕禮物，他在廚房為踏板車充電，約一小時後，踏板車爆炸起火，整個廚房損毀嚴重，爐頭、牆壁及地板都被熏黑，損失慘重。

自己都有用國產, 睇完當再要叉電都有少少擔心

巴魯坦星人

題外話啦....
彩虹邨金華樓只係有8-12人單位
三口家點解會係住係8-12人單位 ???  
而唔係3-5人單位 ???

三口家獲房署安排暫住另一單位,
房署再安排
又會係3-5人單位呀,
5-8人單位,
定係原本8-12人單位呢 ???

powertvb

使用國產守則：
不可睡叉
沒人在家，不可叉
安全叉法：
望住對人叉
插頭有斷路灰士

sunlikwong

回復 powertvb #3 的帖子

師兄講得啱!  跟足師兄所講去做, 應該都幾安全.

小弟係大陸鄉下有屋, 出事嗰隻細兩輪車, 大兩輪車, 三輪車, 四輪車我都有, 四部電動車中, 有三部說明書都有提及, 電池义滿後若干時間後就要停. 如果冇記錯, 我買嗰部細兩輪車o既說明書係有提o既.

可能香港人都要習慣下睇說明書.  當然有d國產電器o既說明書係比較簡單, 冇咩講點樣安全使用該產品.  

當然, 最根本o既解決方法就係改善產品o既設計同埋用料, 但價錢就可能貴d, 咁安全d, 貴d都應該o既!

巴魯坦星人

回復 sunlikwong #4 的帖子

師兄都講出國產電器 VS 進口電器分別

國產電器好多都無放電功能

所以要睇說明書之餘, 最好係要計一計數.  要識睇電池储電量,
同時要識睇火牛功率, 除一除, 去計出最盡叉幾多個鐘

歐女: 「我跟足說明書，叉兩個鐘電都出事。」

自己計多次, 買個保障都好呀....

sunlikwong

回復 巴魯坦星人 #5 的帖子

師兄o既建議就比較專業, 不過學多一樣都係好o既.

如果事主跟足說明書都出事(唔好意思, 因為之前喺其他綱上新聞睇過呢單野o既簡單報道, 冇詳細睇師兄o既全文), 咁佢部兩輪車塊電池可能係出廠時就有問題.  我果部义左好多次都冇事(touch wood).

HKOXSEX

電池可能有問題
第一次充電.
充電時每15分鐘後檢視火牛、電池及其他組件等有否發熱，若出現過熱便應即時切斷電源

巴魯坦星人

回復 sunlikwong #6 的帖子

我試過係"黃金"買部收音機, 唔夠十日就死.  因為過咗7日, 店方講無責任.  轉個頭去鴨記街邊買同款, 平一半之餘, 用咗幾年都未香.   我都覺得用國產, 有時係撞手神.

日本係令人中國人討厭.  

不過佢地係設計/用料/手工/檢測都做得好好.  "日本制造"已經係一個品牌/Goodwill..

國產真係要學.  唔好只係想搵快錢....  商譽係好重要.

沈陽海哥

國際大明星 成龍說過 他如果要買電視機，一定會買日本製的，因為中國大陸製的電視機會爆炸

gath

大陸d火牛真係好危險
電線鬼咁幼，好易過熱溶皮，跟住就短路著火

twiggy666

回復 巴魯坦星人 #1 的帖子

國產野都係信吾過

超能仔

充电用品，充滿冇自動停嘅，唔好買！

simontonysoup

真係唔知點回應，
不過國產叉電式電器，都係日間有人看住先好叉，
我就算i phone，i pad 都唔會瞓緊叉㗎，
呢個無知港女，害街坊囉。

champman

國產電池質素真係參差不齊, 但偏偏好多國產貨都係用充電式電池
次次充親國產鋰電都唔敢行開