國泰珀斯線餐飲縮水　乘客捱餓斥衰過廉航

kkklam · 發表於 2015-11-25 23:01:15

醜聞不絕、管理不善的國泰航空被指愈來愈「縮骨」！國泰來往澳洲珀斯至本港的航班，餐飲服務近期突然「大縮水」，八小時的航程中原本有午餐及晚餐供應，卻改為只於午膳時間提供正餐，晚餐只供應三文治及小食。有乘客批評國泰縮減「飛機餐」的份量非常離譜，因為由本港飛往珀斯的航班，抵步時已是當地深夜時分，乘客根本難以在當地再找食肆補吃晚餐，直斥「真係廉航都好過佢（國泰）！」

市民廖小姐表示，每年均會乘搭國泰航機來往珀斯及本港兩、三次，航班一般於下午約3時於本港起飛，當地時間晚上11時許抵達珀斯，連同辦理出入境手續及領回行李，往往已超過凌晨零時。她指，以往國泰飛珀斯航班會「包兩餐」，但今年3月及9月兩次來往珀斯，機艙服務員均表示只能在午餐時間提供正餐，而晚餐則只供應三文治及小食。

她質疑，「國泰機票咁貴，有兩餐供應先合理。就算係都要減餐，安排都應該係掉轉，午餐當成下午茶，供應三文治、小食；晚餐就俾番正餐啲乘客啦！落機搞掂晒都11點幾12點啦，要人餓住肚咁過一晚，正常人都會諗到有問題！」

廖小姐曾就餐飲問題向國泰投訴，但對方敷衍了事，令她更為氣憤，「我email(發電郵)俾國泰，佢成個禮拜先覆，仲要只係回應話會聽意見，結果有無聽呢？咪又係繼續做得咁差！佢（國泰）咁巴閉，我梗係轉搭其他航空公司啦，又唔係無得揀！」