零名氣缺資源無政黨支持 徐子見用6周拔21年「根」

F1D1S1

【2015區議會選舉】
【本報訊】今屆區選多位無名素人擊倒建制巨人，包括9名在雨傘運動後冒起的「傘兵」，其中48歲的徐子見更將漁灣區扎根21年的鍾樹根「連根拔起」。徐子見自言贏在勤力，一周7日在區內宣傳，並家訪逾2,000戶。有居民昨稱10年難得一見鍾樹根，對其落選大快人心。徐則寄語選民多參與政治，「一個小市民都可以打倒歌利亞，冇嘢係冇可能，咁嘅情況下大家點解唔參與多啲呢？」
記者：潘柏林　梁佩珊　白琳

柴灣的漁灣區是傳統建制派控制區域，自1994年起民主黨、社民連屢次挑戰仍落敗，鍾樹根更曾兩度自動當選。曾任「傘下爸媽」義工的徐子見在柴灣長大，他希望居民有選擇，在區議會選舉提名期最後一日報名，只有不足6星期時間籌備選舉工程，硬撼建制「大佬」。政治素人挑戰民建聯雙料議員，徐的父親起初都罵他「黐線」，主流傳媒亦甚少關注這場大衞與巨人歌利亞的決戰。

F1D1S1

外界以為大樹盤根難以擊倒，腳傷在身的徐子見一周擺足7日街站，每朝7時半至9時半；下午5時至7時擺街站；晚上7時至10時家訪，整場選戰家訪逾2,000戶居民。最辛苦一星期只睡了9小時，又試過夜晚躺在床上雙腳輪流抽筋。他直言靠勤力彌補，「我係一個寂寂無聞市民，佢係雙料議員，銜頭多到掟都掟死我」。
徐子見家訪時發現很多居民不滿鍾樹根長年不在社區，辦事處開放時間極短，僅由下午2時至晚上7時，一天只工作5小時。徐子見說，首兩星期選戰只見過鍾樹根兩次，連居民見鍾樹根亦追罵「你出納稅人嘅糧又唔見人！」他認為，若對方地區工作紮實，自己不易突破，當選後優先解決地區鼠患等問題，「唔係我好，係鍾議員以前做得差，擺落地區時間太少」。
勝選後媒體蜂擁追訪，7間傳媒約徐子見做專訪，包括路透社。他最想講小市民可以參與政治，「意義不在贏或輸，意義在於係咪小市民真係得靜坐、遊行呢？係咪可以進一步？如果大家可以點解唔出嚟呢？」他略帶沉重稱，中年一代只顧掙錢，沒好好守護香港核心價值，「尤其我哋呢代人，如果我哋嗰個年代守得住……」
同一傘下，當選傘兵還有56歲的杜嘉倫，他參選元朗錦綉花園選區，以1,826票壓倒當區做了27年的現任區議員邱帶娣，高出230票。他參選前，既沒往績也沒地區工作，參選猶如「爬上一個高山」，街坊求變心切促成登頂，「證明選民如果願意出嚟，民主聲音就會強」。杜和徐子見都積極參與雨傘運動，不會刻意掩飾經歷，杜嘉倫說：「我會好大方咁話畀大家聽，佔中期間我每晚都喺金鐘教牧站。有個別街坊話唔要建制派，渴望民主聲音。」

271lee

回復 F1D1S1 #1 的帖子

人心思變, 其實每種因素都有 !

巴魯坦星人

有居民昨稱10年難得一見鍾樹根 嘩, 依位居民真係有口德啦....
如果問我, 我一定講接近二十年都未見過鍾樹根真人一面.

同區呀王國興呢, 都見過一面, 只係一面, 選舉前見.  
譚志全呢就見過兩面,
都係選前先見, 再早之前就從來未見過佢地係黎...  

HKOXSEX

巴魯坦星人 發表於 2015-11-24 14:57
有居民昨稱10年難得一見鍾樹根  嘩, 依位居民真係有口德啦....
如果問我, 我一定講接近二十年都未見 ...

咁陳啟遠就好好多,
D 蛇齋餅粽, 做到足,
區民旅行又有去.
交通燈壞左又有去追

pk12345001

只拿對方失敗做文章，卻不敢面對己方的失敗。
這樣的人永遠都會是失敗者。

再說tree gun什麼時候成了建制巨人?
對比AV仁，Gay Gay, 總陀主這些人物。
tree gun又算得咩呢?

巴魯坦星人

HKOXSEX 發表於 2015-11-24 15:32
咁陳啟遠就好好多,
D 蛇齋餅粽, 做到足,
區民旅行又有去.

陳啟遠 !? 唔多清楚, 但係至少未聽過人嘈佢.

tree根就唔同.  依幾年都好多人唔滿意佢. 嘈到出口.

根本建制出問題係放錯人.  將大字王放去漁湾,
tree根去小西灣村出選, 一定得.  
兩個村都係老人區, 大部份都係鐵票黎....

build.gates

"其中48歲的徐子見更將漁灣區扎根21年的鍾樹根「連根拔起」"
一個活左48年嘅人因為唔滿意柴灣漁灣區只得一個後選人鍾樹根自動當選,
而喺鍾樹根做左20年之後, 因為有人攪佔中而去開始關心政治,
一個自己話從來唔關心政治嘅48歲男子, 用左一年時間去攪政治,
重要鬼鼠到喺提名期最後一日先去報名, 唔比時間敵對政黨作出準備,
完全純粹只係為左比柴灣漁灣區嘅市民有選擇, 之後走去一選就當選喇....
咁佢除左比倒柴灣漁灣區市民由一個變成兩個, 唔係投鍾樹根就係投佢嘅結果之外,
投票之前佢有冇誠諾佢會幫柴灣漁灣區市民做D乜野??

佢嘅政綱大約係如下:
"要求重新分配區議會億元撥款
建議設立東區牙科保健基金
打破建制派壟斷區議會
監察議政質素及公帑運用
提升交通道路、環境衛生水平、增設長者康體設施
開展兒童義務補習計劃
將多元聲音帶入議會，促進公民參與"

呢D廢話唔駛一個鐘都諗倒啦, 有邊個選區唔啱駛架??
完全冇切實題及同關注現時柴灣漁灣區市民所需要解決嘅問題~
對於唔係投佢就係投你嘅競賽入面贏左我真係唔知點解佢會咁開心~
係唔係因為喺臨選舉提名期最後一日先去參選,
令敵對政黨冇時間作出準備去搵人一齊競爭所以打敗左一個老弱殘兵就已經開心成咁呢??

有陣時真係比呢班做棋子嘅笑死...
但係一諗到比一個完全冇牙力嘅廢柴當選有真係有可悲...
柴灣漁灣區嘅市民以後嘅意願將會變成<忘國奴>嘅籌碼~

巴魯坦星人

build.gates 發表於 2015-11-24 18:31
"其中48歲的徐子見更將漁灣區扎根21年的鍾樹根「連根拔起」"
一個活左48年嘅人因為唔滿意柴灣漁灣區只得一 ...

想知, 自己親身去當區行行先啦....
你又唔係街坊, 又唔理街坊感受.
你了解漁灣村幾多,
一個星期有無去一次,
一個月有無去一次,
一年又有無去一次 ???

如果師兄係一年有去一次, 都唔會咁多問號啦....

你又知居民因為咩唔滿意依位區議員 ?
你又知唔知點解一句"比個機會徐仔", 吸到咁多票呢....

如果我係當區居民, 我都投徐仔啦....  
一個係已知 : 唔做嘢, 有辦事處, 但係成日唔開門, 而議員更加係唔會出現.  
另一個係未知: 以後先知...

HKOXSEX

巴魯坦星人 發表於 2015-11-24 18:26
陳啟遠 !? 唔多清楚, 但係至少未聽過人嘈佢.

tree根就唔同.  依幾年都好多人唔滿意佢. 嘈到出口.

陳啟遠係公民黨.
5好睇小D老人家.
如果 蛇齋餅粽 做5足,
一樣5俾面.
民主黨同公民黨D後生一代都好勤力.
政治明星, 5做野一様死

巴魯坦星人

HKOXSEX 發表於 2015-11-24 19:17
陳啟遠係公民黨.
5好睇小D老人家.
如果 蛇齋餅粽 做5足,

佢蛇齋餅粽做足嫁啦...  

不過都有街坊唔多滿意 :  
(吊), 又未開門呀.  
係囉.  
以前都無咁衰.... (街坊對話)

sunlikwong

另一批街坊o既對話:

A:  唉! 柴灣漁灣區o既市民以後o既意願會變成 "忘國奴" o既籌碼!
B:  挑! 咁以前漁灣區 D 鐵票, 咪又係將漁灣區市民o既意願變成 "建制國奴" o既籌碼
C:  係咯, 都係國奴啫! .......如果真係將我地街坊意願變成籌碼都好, 最斃係唔知佢地知唔知我地o既意願?
D:  我都係咁話喇! 變一變, 好過繼續俾佢騙......

(以上純設計對白)

build.gates

回復 巴魯坦星人 #9 的帖子

你⋯ 真係⋯唔係好知道我講緊乜野喎？

HKOXSEX

巴魯坦星人 發表於 2015-11-24 19:46
佢蛇齋餅粽做足嫁啦...  

不過都有街坊唔多滿意 :  

成日5開門, 又點做足蛇齋餅粽(地區工作)

巴魯坦星人

HKOXSEX 發表於 2015-11-25 06:53
成日5開門, 又點做足蛇齋餅粽(地區工作)

不滿多都係公公..... 太早起身, 飲完荼無地方落腳.....

至於蛇齋餅粽係做足....  主要係食品多....

巴魯坦星人

回復 build.gates #13 的帖子

我只係感覺你係唔了解當區居民, 但係又要批評佢地.....  佢地只不過係公公婆婆

build.gates

回復 巴魯坦星人 #16 的帖子

所以我話你唔知道我講緊乜野, 我由頭到尾都唔係講緊當地居民...

我係講緊果個用左一年時間去攪政治就當選左嘅當選者能夠會為當地居民做D乜野,
而喺佢嘅參選政綱入面只係用左一堆任何選區都啱用嘅官腔廢話...
而且既然唔係投佢就係投鍾樹根, 根本咁樣就唔可以叫做有選擇,
一個做得差, 一個做未做過, 淨係識得家訪拉票, 咁就叫比市民選擇??

如果係要比市民選擇就應該一早出話參選, 等其他對手都喺同一時間內做足準備一決高下,
咁樣贏就真係實至名歸, 光榮當選, 點解要喺提名期最後一日先去報名??
而家以呢種偷襲或者突襲式參選而且係二揀一嘅局面當選, 咁點算係比市民選擇呀??
而家比兩條女你揀, 一個冇身材, 冇樣貌, 冇SERVICE, 另外一個未見過身材, 未見過樣貌, 連做都未做過嘅,
兩個是但揀一個, 咁係唔係叫做有得你揀牙??
咁易明好多喇掛??   

漁灣區絕對唔係只係得公公婆婆, 如果當日其他政黨派出一個以上比佢有少少經驗嘅人參選, 佢唔可能當選...
係佢自己話架, 佔中前佢只不過係一隻完全唔關心政治嘅港豬黎咋~

simontonysoup

build.gates 發表於 2015-11-25 11:34
回復 巴魯坦星人 #16 的帖子

所以我話你唔知道我講緊乜野, 我由頭到尾都唔係講緊當地居民...

揀女既比喻好有趣，讚！

simontonysoup

所以我覺得「哥利亞」樹根係做得衰，輸了亦是應該，贏家當然值得高興，但是不必過度亢奮。

momomo1997

build.gates 發表於 2015-11-25 11:34
回復 巴魯坦星人 #16 的帖子

所以我話你唔知道我講緊乜野, 我由頭到尾都唔係講緊當地居民...

揀女比喻好！
正正就是如此，
一定唔會揀黐根！
因為唔知都好過明知係衰硬的！