灣仔富士大廈奇街招發起禮貌叫雞運動

無．求 · 發表於 2015-10-21 21:40:47

本帖最後由無．求於 2015-10-21 21:41 編輯

灣仔富士大廈奇街招
發起禮貌叫雞運動
2015年10月20日．《壹週Plus》．撰文：程志康．攝影：王晴

有關視頻：
http://nextplus.nextmedia.com/news/spot/20151020/284368

是咁的，依家除咗日常生活要有禮貌，原來撳鐘仔搵鳳姐，都要講禮貌。堅定流呀？有讀者同《壹》仔講，早排見到灣仔鳳樓勝地富士大廈，一個署名「有種部隊」嘅組織，喺多個樓層走廊，貼咗張好特別嘅通告出來，標題寫住「有禮貌叫雞運動指引」，內容大致話就算姐姐仔外表唔靚唔係自己杯茶、收費過高超出預算、服務不似預期、又或交易途中有咩突發事等等，客人都要沉住氣，唔好講一啲令姐姐仔難受嘅說話，要以禮相待哦。而客人如果想「集郵」，影番張相留念，一定要問准姐姐仔先，千祈唔好靜雞雞偷影呀。仲話客人如果可以對姐姐仔多一啲關心，少一啲問候人娘親，世界就會更美好啦。

唔係吖嘛咁都得？所以好多嫖客見到張通告時，都覺得好好奇，圍埋一齊逐隻字慢慢推敲，其實係咪有新嘢玩呢？唔通要叫埋老師早晨？睇完之後各人估究竟貼通告嘅「有種部隊」係何方神聖，可能係班馬伕搞出來，唔想姐姐仔咁多投訴。不過亦有嫖客贊成禮貌尋歡，完事後要同姐姐仔握手多謝，因為佢好偉大，拯救一班慾海宅男，製造世界和平，社會和諧乜乜乜。

不過點都好，對人有禮貌，係應該，得閒笑一笑，世界更美妙。