【女人50】羅霖「胸」誘全球　狂迷約上床

超人Tiga · 發表於 2015-10-4 18:24:46

升呢「全球美魔女」的羅霖，今年年頭遠赴韓國為其首本寫真取景，早前寫真於書展推出，羅霖以半百之齡及三子之母成為賣點，擊敗一眾o靚模，成為寫真天后，最巴閉是世界各地均有報道，包括英國、墨西哥、日本及泰國等。
接怪信件送毛
羅霖寫真大賣兼人氣急升，粉絲隨之激增，同時亦惹來狂迷示愛，她說：「好多粉絲喺社交網向我示愛，唔同國籍都有，大部分用簡單英文同我講好鍾意我。當中有啲好露骨嘅說話，例如話唔介意我年紀，想同我上床，有啲又話買咗我本寫真，對住嚟打手槍。仲有人話如果做我個仔就發達，可以成日攬住我，想同我發展母子戀。我全部冇覆，全部舉報同封鎖晒佢哋。（會唔會報警？）唔會，反正佢哋接觸唔到我，總之唔覆佢哋就得。」羅霖續說，早年互聯網未太發達時，亦有收過狂迷寄來的信件：「打開個信封，裏面係啲毛，都幾得人驚！」

對於一下子吸引狂迷注意，羅霖認為主要是大家意想不到一個50歲兼有三子的女人，還可以保養得宜，她笑說：「或者大家睇完我本寫真，多咗幻想，有時出席活動，會有人行埋嚟問，可唔可以活動完同我食餐飯。佢哋冇惡意，好有禮貌，我就笑一笑咪行開囉。」

除了狂迷，亦有不少人向羅霖開價，她稱：「好多人叫我開個價，話想同我見吓面，我當然冇理。」問是否富家子弟？她表示不知情，因為對方只有一張相，她亦從來沒回覆。

多數讚夠正面
雖然如此，但羅霖表示也有很多真心支持她的人：「以上嘅人都係小部分，大部分都好有鼓勵性，讚我保養得好，叫我繼續努力。又話我嘅故事正面，散發好多正能量。呢個就係我出寫真嘅最大目的，總之女人不論咩年紀，都可以做自己想做嘅事，即使遇到逆境，都不要放棄，夢想一定可以實踐。」羅霖的確成為不少女性的偶像，年齡不再是女人的禁忌！

http://hk.on.cc/hk/bkn/cnt/entertainment/20150819/bkn-20150819233429667-0819_00862_001.html?fb_ref=Default&eventsection=hk_entertainment&eventid=4028828d4d7616ee014d956b06725d3d