張名雅嘆港姐光環阻緣份

閃電高達 · 發表於 2015-9-14 23:09:38

2012年香港小姐冠軍張名雅自言當選一刻恍如奇迹降臨，自此展開銀色旅途。天賦美貌與驕人身材，加上後天努力而得的智慧，令名雅在事業上事半功倍，早前更憑無綫劇《以和為貴》及《鬼同你OT》的性感演出掀起一時熱話！惟「性感」二字在名雅心目中只是「角色需要」，她自爆平日游水絕少穿三點式，更被母親稱作「古老石山」，真的嗎？

不堅尼不等於性感
穿比堅尼漫步淺水灣沙灘的張名雅（Carat），不論眼神或步姿，時刻都散發着美貌與智慧的氣息，不難想像她正是2012年的港姐冠軍！而在比堅尼與性感之間，觀眾往往會畫上一個等號，加上Carat天賦的美貌與驕人的身材，無疑是大多男士眼中的性感尤物甚或夢中情人！惟「性感」二字對Carat而言只屬工作的一部分，她笑說：「咪成日要性感好冇？其實我比較保守，就連我阿媽都經常話我係古老石山，平時游水都絕少着三點式！」

新劇「脫衣」再戰
基於工作需要，尤其作為一個演員，Carat明言可為角色降低底線，從她於無綫劇《以和為貴》及《鬼同你OT》的性感戲份已可見一斑，甚至在將開拍的新劇《城寨英雄》亦是飾演一名脫衣舞孃。

自願「同你OT」
不過，Carat希望觀眾將欣賞聚焦於其演技，而非形象上的性感：「我會為演戲豁出去，因為我真係好鍾意演戲，我同自己講如果要演得好，一定唔可以框住自己，就算演老人要剃頭我都接受到，都唔想規限自己喺一個類別，希望多方面咁去發展，我想演多啲唔同角色，可愛嘅又得，惡嘅又得，唔想畀人定型一定要演靚女角色。」好學不倦的Carat自爆拍《鬼》劇時經常自願性OT，觀察其他演員的演出，務求爭取每一個改進演技的機會。

唔貪靚懶護膚
Carat參選港姐期間表現出個人最力臻完美的一面，無論儀態或身形都在最佳狀態，最終成功摘取港姐后冠。然而，她卸任後不希望原地踏步，決心擺脫身上的港姐光環，忠於自我：「其實我唔多貪靚，而且保養皮膚比較懶，有時太攰洗完面連保濕都冇搽就瞓。另外，我鍾意比較健康嘅膚色，皮膚黑啲畀人感覺陽光啲、健康啲。香港女仔比較鍾意美白，我天生唔係白，咁我咪曬黑啲，等個感覺唔同啲。」她又想鍛煉肌肉，塑造健康的體態美。

等待「高」級愛情
風光背後，原來「港姐」之名令Carat的情路起了微妙變化，她笑言當選港姐後交友有難度：「香港小姐呢個稱號受到好多人關注，令到好多男仔未識我都知我係港姐，有時就算同好朋友出街都要保持距離，驚畀記者影到唔知寫咩，又驚影響到朋友。」惟Carat的理想生活必然包括結婚生子一環，幸而背負「港姐」頭銜的她深明緣分急不來，更心知只要在對的時候遇上對的人，就有機會展開人生另一階段。問到擇偶條件？她說：「我鍾意有責任感嘅男仔，有才華、上進心，一定要錫我同埋屋企人，而且一定要高，起碼高過我！才華方面呢，因為我鍾意唱歌，如果佢都識彈琴，能夠有共同興趣一定好開心！」

賜我力量：為雙親奮鬥
除了仍未出現的「另一半」之外，Carat最關心的當然離不開養育她成材的雙親，她早已將父母納入自己的理想生活當中，同時成為Carat努力、進取的原動力：「父母由細到大都照顧我好多，畀咗好多嘢我，好畀心機，所以我都想靠自己努力去做一啲成績出嚟，照顧番佢哋，呢個暫時係我最大嘅目標，最想快啲買到樓去孝順佢哋，好似好行貨咁，但呢個真係我最想做到嘅嘢。」

耿耿於懷：Sing戰被淘汰
加入無綫後，Carat深深體會到何謂學以致用，當年她在加拿大學習的舞蹈、外語及瑜伽﹐如今都經常應用在工作上，惟Carat對自己的歌藝未能充分發揮而耿耿於懷，更重提早前參加無綫節目《星夢傳奇》被淘汰一事：「之前參加《星夢傳奇》真係好難忘，我喺好早期已經畀人淘汰咗，可能我覺得自己係用港姐身份去比賽，所以太過緊張，畀咗好大壓力自己，如果依家再有機會畀我唱歌，我唔會當自己係一個港姐，會認為自己係一個藝人。」

後記：當冠軍遇上冠軍
無綫趁炎炎夏日，安排多位女藝員在節目上大派冰淇淋，讓她們有機會透過電視向觀眾展現Sexy Body，惟弗爆的Carat卻未有參與其中：「每個藝人都有佢哋自己嘅風格，如果覺得自己要行性感嘅，呢個係自己嘅選擇。」而在一眾成功吸睛的女藝人中，Carat最欣賞同屬港姐冠軍的師姐陳庭欣，除大讚對方身材正之外，亦藉此答謝在她成為港姐後一天回到將軍澳電視城時，庭欣對自己的親切關懷，令她無言感動！