|
|
樓主 |
發表於 2015-11-25 00:53:46
|
顯示全部樓層
「野獸」梁國威唔做怪獸家長
「野獸」中堅拒做「怪獸爸爸」！香港教育制度常為人詬病，「全港性系統評估（TSA）」及龐大功課壓力，令「港孩」小小年紀承受的就比天高，為人父母者亦要在遵從制度或讓孩子過快樂童年間抉擇；夢想駿其中堅梁國威「孖指」與太太Fiona「阿Fi」半年前迎來囝囝「Bean仔」出世，令外表粗獷的「孖指」搖身變成「Sweet爆爸爸」，除獲「阿Fi」大讚是湊B好幫手，他更斷言「唔主張讀書」，只要「Bean仔」品行俱佳已心足。
梁國威與Fiona初相識時，女方一度被其外型嚇怕，但兩人排除萬難到今天組織了三人家庭，「孖指」在「阿Fi」眼中已變身「溫柔爸爸」，這位靚女媽媽邊甜笑邊「爆料」：「他比以前善良了，你看他現在粗聲粗氣，但一回家就會變了個人，聲音高八度，又好多疊字，好難頂⋯⋯又會亂唱改詞版的英文兒歌，不過BB會好開心！」
現今香港小朋友被迫變成「周身刀」，除學校功課、引起全港激辯的TSA外，各種為考上名校而參加的興趣班更是多得數不完，年紀小小已可能比全職上班族更忙碌。抱着僅半歲大的「Bean仔」，梁國威談到囝囝未來時亦感憂心：「對呢個政府好失望！有好多內地人來港讀書，文化上始終有差別，對囝囝可能會有影響⋯⋯不過我唔主張讀書㗎，讀書幾時都有得讀，玩唔係可以成日玩，依家我都可以返去讀書啦，學一定要返，但唔使太刻意追求成績！我們自己在家教好他，做人最重要是有品。」那兩夫妻又會否要求小孩參加課外活動？「孖指」笑言無錢讓囝囝學非洲鼓，Fiona亦表示：「我們可以將自己的專長教給他，我就可以教跳舞。」婚前任職舞蹈導師的「阿Fi」笑謂。
梁國威及「阿Fi」均是高人一族，半歲的「Bean仔」身高、體重亦超出同齡BB一大截，似乎有潛質成為如爸爸般的職業足球員，但「孖指」卻不諱言除非是「Bean仔」意願，否則希望他不會如自己一樣走上足球路，反而寄望他成為網球員。雖然一路強調希望讓孩子無壓力成長，但望子成龍之心父母皆有，梁國威就笑言希望囝囝成為「拿度接班人」：「我很想他打網球，因為自己做不到的事就想他做。我最喜歡拿度，力量型嘛，自己很羡慕技術型球員，但自知不是！囝囝應該同樣是力量型，好大隻！」慈父一提愛兒又露出甜笑了。
靠打機同年青隊友溝通
現年29歲的梁國威，今季由東方轉投港超新軍夢想駿其，成為實踐球隊「以老帶新」理念的重要元素，不過「孖指」在指導年輕球員之餘，自己亦因而「受惠」，場內場外與90後小將打成一片，令他心態上變得更年輕。
在家為人父、在場上則是前輩，惟「孖指」卻認為今季感覺自己變得年輕不少：「球隊大部份都是90後，與他們打成一片，心態上都會年輕一點，其實我都好細個，只係大幾年啫！哈！哈！」他透露平日回家，也會與隊友上網連線打機：「他們仍很年輕，唔通講政治咩，梗係打機啦，『BB』（即黎洛賢）、『Lali』（即李嘉進）及基頓都會一齊玩！」「孖指」強調，因大家目標一致，自自然然會視隊友如好是兄弟。
梁國威雖表示自己未有指導年輕球員的本事，但亦坦言現今年輕球員鬥志不及前輩：「自己那個年代，無球技不要緊，但不可以輸鬥心；以前多人踢波，踢街場要跟隊，一輸就乾等一、兩小時，又無電話玩，所以心態上絕不認輸。」幸季前的泰國集訓，令一班駿其小將心態有所改變，「孖指」亦樂見一眾初戰港超的小將重拾鬥心：「季前去泰國集訓，面對實力較高的對手，令他們明白到不可輕易放棄，心態上有所調整；我當然覺得安慰啦，作為後衞，輸得多會肉酸嘛！」 |
|
樓主: man36951
在線雷達
發表於 2015-11-24 01:21:52
