【港超聯】 2015-16 LET'S GO CRAZY

man36951

港超聯　宅男葉鴻輝教狗鍛鍊EQ

「我唔係英雄！」無論不厭其煩回帶多少次，「英雄輝」的名字，已與葉鴻輝畫上等號，但原來在隊友玩笑間，這位港足大門守護神，還有另一別號───「精神輝」。如同「癡線」的認真態度，他由初入球壇僅得5000元月薪，到如今已是全港頂薪華將之一，從未變改。只是橡根拉得太緊也會拉斷，阿輝全靠「百厭狗」Geoffery鍛鍊EQ，哪怕對手使出「九狗久」口術，一於繼續冷靜接招！
「英雄輝呢個名，我唔鍾意咗好幾年，我只係做番自己責任，足球要靠全隊努力，洗衫、執波都有付出.......」由9月「中港大戰」紅爆全城以來，葉鴻輝把以上對話重複又重複，就連傳媒訪問也推卻不少，不欲將光芒獨攬。「英雄」光環背後，阿輝笑言只是平凡宅男，懶得出街獨愛煲劇，這一年生活變熱鬧，全因多了活潑佻皮的積羅素犬「Geoffery」相伴。
「收養佢之前特別上網資蒐集資料，雖然好多人都話積羅素犬好百厭，但我就喜歡向高難度挑戰。」球場上屢救險球，偏偏教導小狗即考起阿輝，家中護脛、波砵，不時變成Geoffery口中玩具。「教狗好似教細路，唔可以同佢哋角力，適當時候就要鬧，真係要好有耐性，一定唔可以躁。」看着Geoffery搖頭擺尾撒嬌，威風八面的「英雄輝」也難得柔情：「我平時好正常，只是一踢波就癡線!」
一「狗」字，令阿輝成為新聞人物，他無悔敢言作風：「我既然寫得上facebook，就要承擔後果。不過相比起以前，依家處事冇咁衝動，鬧球證都鬧少咗，因為鬧嚟都冇用。」自上季於東方戴上隊長臂章後，阿輝收斂躁火，即使港隊首席門神位置穩如泰山，自我要求依舊一絲不苟。「Hea」字？唔識寫喎！
「運動員對自己冇要求就好快玩完！年輕球員容易被吹捧幾句就放鬆心態。或者係好勝嘅性格驅動我要好好保住位置，其他人都會進步，更加唔可以偷懶。」心態決定命運，回想17歲初登港甲僅得月薪5000元，到今日薪酬十幾級跳，源於刻苦堅持：「我啲錢只用嚟食嘢，嗰時食個下午茶唔使20蚊。當初決定投身職業足球員，就要認真對待，定下目標20歲踢球會正選，23歲為港隊把關，估唔到條timeline全部早咗好幾年。」
港足早年在廣州亞運、亞洲盃外圍賽虎頭蛇尾，聽得最多的是「請給港足時間」。近期港足氣勢如虹，阿輝認為最大進步是心態：「Kim Sir（金判坤）喺呢3年嚟，要求我們每場首要零失球，我們都不自覺也被洗腦，就算贏唔到也要追和，唔可以輸少當贏。」心態改變，就連外界尊重亦是前所未見。「以前個個話踢波冇前途，依家出街會有fans鼓勵，坐滿西環街頭睇波，點會諗得到？」無奈聯賽入座率未見大幅提升，阿輝慨嘆：「明白到若非與國足同組，港足未必會備受關注。不少球會努力經營，像東方每場比賽花盡心思宣傳，希望大家支持港足的同時，球會賽事亦多多捧場。」
葉鴻輝場外Q&A
「英雄輝」平時喺球場左飛右撲，決斷力慢少少都唔得，究竟球場外嘅選擇題，阿輝又會點揀？
Q：保方Vs卡斯拿斯
A：我鍾意保方多啲。保方除咗反應夠快，位置感亦係冇得頂，所以就算依家年紀大咗，表現依然咁穩定。不過我偶像其實係舒米高同雲達沙，佢兩個同保方一樣都係龍門長青樹，希望到我三十幾歲嗰陣，仲可以Keep到咁勁。
Q：李健和Vs金判坤
A：「全盛時期」可以話係嚴厲得不相伯仲。不過近年兩位教練都收咗唔少火，Kim sir經常鼓勵我哋唔好怕輸，李sir教青年軍亦唔似得以前喪鬧，依家班後生仔真係幸福好多。
Q：陳偉豪Vs李志豪
A：一定要揀一個做隊友？可唔可以兩個都要晒？呢幾年我哋幾個一齊經歷得太多，由東亞運金牌、廣州亞運、南華，我哋3個都喺後防配合得天衣無縫。雖然依家喺球會分道揚鑣，絕無影響我哋友情同默契。
Q：東方Vs南華
A：南華係令我成長踏腳石，畢竟踢南華嘅壓力同其他球隊係唔可以比較。至於我同東方則係特別嘅緣份，當年我喺東方只得18歲，依家雖然亦差唔多係全隊最年輕，但多咗隊長身分帶來嘅責任感。
Q：黃翠如Vs唐詩詠
A：我又唔係洪永城？叫我點揀！其實我鍾意煲美劇多過睇港劇，不過兩個揀一個嘅，我會揀「翠如BB」，點解？因為笑得夠甜囉!

man36951

man36951

香港隊　叻豬！世界排名升8位殺上145位！

國際足協剛公布最新世界排名，香港隊上升8位，成功殺上第145位，係今年最高排名。港隊全年低位係喺5月，當時跌至169位，短短半年內升咗超過20位，確係好叻仔。香港喺10月打過兩場賽事，先同泰國拍跳輸0:1，之後喺世盃外作客不丹險勝1:0，呢場勝仗為球隊增添唔少分數。
港隊將於世盃外鬥馬爾代夫同中國，馬爾代夫現時位列166，而中國就排喺84位。

man36951

woodsandhills 發表於 2015-11-6 00:48
回復 man36951 #1 的帖子

中鋒泥講七十年代港隊至八六年就可以話得鐘楚維（８０年退休）尹志強同張家平（ ...

其實上二年的前鋒已算不錯了, 始終佢地經常可以面對高大高質的外援, 變相可以令他們的技術及體能容易提升.
相反, 到2000年, 來港的外援一般只賣體能, 技術上已不能提升港球員及帶領作用.
夏志明, 還要多一點出場機會, 進步塵會加快, 但他不算中鋒的球員. 相信做影子前鍛會效果更佳

man36951

woodsandhills 發表於 2015-11-6 00:52
回復 man36951 #576 的帖子

弱國無外交，相信冇行

一個痴線的決定?

馬爾代夫進入緊急狀態，偏偏港隊下星期四要作客當地。上次馬代主場對中國以場爛為理由，將賽事搬咗去瀋陽踢；反觀今次政變都要係馬爾代夫踢，國際足協究竟係以咩為準則？

man36951

「馬港戰」按原定日期在馬爾代夫舉行

馬爾代夫足總在Twitter上表示，國際足協已經告訴他們馬爾代夫對香港的世盃外賽事將會維持在11月12日於馬累進行。香港足總CEO薜基輔亦確認國際足協的決定，這場賽事將不會延期或更換場地。

由於馬爾代夫現時正值緊急狀態，港隊希望在下周四（12日）作客馬爾代夫一戰可以轉到中立場，甚至是改為在香港進行，早前已經就此去信國際足協。

woodsandhills

回復 man36951 #1 的帖子

就算對住有體能但技術一般外援都可以提升自己體能及對抗能力，可惜本土前鋒只會投訴人工前途冇提升自己，但你５多睇得起的非援人地都升呢，越打越好，反而香港前鋒係出左好多，但冇一個上到果高層次可以打出威脅性，唯一希望夏志明不過兩年內佢冇起色敢華人球員呢五七年都出５賭一個出色前鋒。

woodsandhills

回復 man36951 #585 的帖子

敢未印正我句説話囉    弱國無外交

man36951

woodsandhills 發表於 2015-11-6 22:24
回復 man36951 #585 的帖子

敢未印正我句説話囉    弱國無外交

整件事太政治化了。

man36951

woodsandhills 發表於 2015-11-6 22:22
回復 man36951 #1 的帖子

就算對住有體能但技術一般外援都可以提升自己體能及對抗能力，可惜本土前鋒只會 ...

都唔止夏志明一個，卓耀國，林學㬢，飞馬那個陳xx都不錯。不止這幾個，但有部分唔記得名，都相當有潛質。
但真正可以上到位有幾個呢？

亦有可能係為左正選，越打越後，就等於郭建邦，盧均怡。

woodsandhills

連羅港威同黄威我都覺得佢兩個未可能達到果個層次更可况卓同林，羅同黃沖撃力和對抗能力都比卓和林強但比夏弱，論技術五個差不多，而射門可以話羅港威係５個中最好，不過綜合所有條件我都話夏志明最強因為佢有速度和爆炸力呢兩個先天性冇得練，而射術同經驗夏志明可以學習吸收，其實流浪有個後生叫鄭兆均18才都幾好不過對抗差Ｄ身材差Ｄ，陳俊樂打中場５係前鋒19才５錯不過要練大隻Ｄ氣力好Ｄ佢係英國有四年有好大進步空間希望佢真惜，香港Ｄ兩閘５Ｇ做乜完全５掂凈番Ｄ老鬼，好似郭建邦28才應該最好時候點Ｇ呢三四年越打越差，５出張健峰都５Ｇ出誰？

man36951

港超聯　流浪許氏孖寶踢出彩虹！

入籍援兵漸成港足新勢力，本地土炮欲一爭高下，必須發奮圖強。21歲的「許氏孖寶」許嘉樂及許宏鋒深明時光不留人，今季加盟有「港超兵工廠」美譽的標準流浪，各施妙法挑戰外援鋒將，實行以青春做武器，望可在港超聯佔一席位。

「新香港人」成為港足近期焦點，惟土炮小將備受冷落令球圈中人議論紛紛。被「Out」走的許嘉樂今午代表「港B」出戰港澳埠際賽，他卻未感「降呢」:「當初能夠入選已覺幸運，最重要是這份榮耀感鼓勵我繼續努力。」與「嘉樂仔」一齊加盟流浪的許宏鋒，同樣入選香港B隊，「阿鋒」自信地表示：「只要在B隊交到表現，一樣可爭取上A隊，相信Kim Sir會睇到！」

阿鋒到大哨隊跟操學到嘢

去季未獲港超球隊招手，「阿鋒」曾當上地產經紀，早晚則隨元朗及公民跟操。曾經失去，他更懂珍惜：「大熱天時着住套西裝確是難頂！有誰不想將興趣當成職業，在流浪機會多過其他球隊好多，與其到大會被人遺忘，不如趁後生搏盡！」

司職前鋒的阿鋒去季曾赴「大哨」朗拿度旗下的NASL球隊勞德代爾堡跟操3周，雖未能簽下一紙長約，亦有所得着：「那時每日都有一班人來試腳，『唔啱就叮走』，我能去到最後一場友賽兼入球，也算不錯了。他們練波絕不錫力，那種『走多步』的態度值得學習。」有說外闖趁年輕，嘉樂則腳踏實地：「自己基礎未穩，還在踢『細路波』，仍需時間磨練，夢想？當然是將來變得更好更強！」

嘉樂仔畀和哥鞭策助成長

決心踢出彩虹的「嘉樂仔」同樣識諗：「流浪一向是成功球員搖籃。錢，固然重要，但行近目標更緊要！」身材「細粒」的嘉樂在鋒線上需面對外援激烈競爭，惟盼發揮靈活特點走位入楔：「在東方青年軍年代，我是和哥（李健和）重點鞭策對象，試過練波不達標被趕出球場。以前細個唔識諗，覺得點解又鬧我？不過和哥事後同我傾番，令我明白他是想為我好。」

man36951

man36951

man36951

池田：3年內體能可比南韓

先是作客守和國足，後於主場尾段連追卡塔爾兩球，再在高原小勝不丹，港足近期後勁凌厲，功臣首推體能教練池田誠剛。

54歲的池田教練於今年五月底正式加盟港足。這位猛料之人報到後，為港腳抽血以收集數據，分析出部份球員脂肪比例超標。轉眼將近半年，池田回憶與港足「邂逅」的情境亦不禁失笑：「當時我拿出南韓和巴西球員的脂肪及肌肉比例等數據，與港足球員作比較，他們看過後也嚇了一跳！」

周二的港中大戰逼在眉睫，池田對比兩個月前作客國足，對港腳們更有信心：「那時我們正值休季，很難提升球員的體能，但開季後他們狀態提升了很多，加上有不少新入籍兵加盟，我也很期待球隊的表現。當然，中國是一支強隊，但我很渴望從中看到港將的進步。」

woodsandhills

回復 man36951 #595 的帖子

三年內體能追及南韓！！！如果池田生真係敢話，就吹得太大，凈係睇上場對馬代人地體能氣力明顯佔優十幾個巴仙啦。到四個月後打卡仔港隊體能達到馬代級數就上上大吉。

man36951

港B贏澳門兩粒 埠際賽香港四連霸

香港B隊今午以2:0輕取澳門，贏得第71屆港澳埠際賽冠軍，實現了四連霸。

由於香港隊要應付世界盃外圍賽，今屆港澳埠際賽派出B隊出戰，雖然上半場與澳門互無紀錄，但許嘉樂於63分鐘破網助港隊取得領先優勢，而陳肇鈞在79分鐘頭槌建功，港隊終以兩球淨勝澳門，衛冕成功。

man36951

woodsandhills 發表於 2015-11-14 23:04
回復 man36951 #595 的帖子

三年內體能追及南韓！！！如果池田生真係敢話，就吹得太大，凈係睇上場對馬代人地體能氣力明顯佔優十幾個巴仙啦。到四個月後打卡仔港隊體能達到馬代級數就上上大吉。

呢個只係一個目標。雖然機會不大，但總好過冇。可惜這只有港隊球員受惠這體能訓練。

man36951

woodsandhills 發表於 2015-11-14 23:04
回復 man36951 #595 的帖子

三年內體能追及南韓！！！如果池田生真係敢話，就吹得太大，凈係睇上場對馬代人地體能氣力明顯佔優十幾個巴仙啦。到四個月後打卡仔港隊體能達到馬代級數就上上大吉。

那晚有事冇睇到，但從結果來看，卡仔，當日昨客馬，都係臨尾才入波，少勝一球。證明馬這個主埸都很地嶽的。中國則更加唔駛去添。而且卡仔那場打晚上，香港打3時，淨係呢點都蝕好多。當然 ，體能上要追上中國及卡，仍有一段日子。

woodsandhills

回復 man36951 #598 的帖子

我想  要南北韓Ｄ球員體能加強百分之五較香港球員體能加強百份之十五要困難好多，道理相信你明白，如果港隊加強賭15巴仙體能，敢也代表港隊密集更稳反擊更有力，對住強敵就算書都冇咁肉酸，如果香港呢Ｄ所謂職業球員連呢Ｄ最基本條件都５自我增值，你話叫人點支持你地。