34C陳芷尤感激網民捧做咪神

man36951 · 發表於 2015-9-2 11:03:12

「的骰版舒淇」陳芷尤（Apple）憑劇集《愛．回家》中侍應「小雲」一角成功上位，拍攝豐胸廣告大騷34C驕人上圍後，更加令人關注，力捧她為「新一代無綫咪神」，對此Apple表示十分感激：「首先多謝啦！咪唔咪神都冇所謂，都開心嘅，起碼個稱呼就多咗人關注、多咗人識。（介意？）都唔會，做得藝人，有人注意其實都係一件好事，人哋叫唔叫你做咪神，又唔係做錯啲咩事，又唔係咩壞事，所以都OK。（出活動要性感得唔得？）要有個底線，要睇情況係咩，如果出席活動唔需要，就唔會性感，如果係好健康都OK嘅。（睇好其他咪神？）全部都好好，好有實力。」

廣東話差失機會
Apple坦言多得《愛》劇幫助，令她現時無論在街上或公司，都被人叫小雲，她說：「喺街人哋叫我做小雲，就算公司啲人都係咁叫我。劇入面同事，全部都好Nice、好溫馨，雖然我哋暫時唔使再拍《愛》，不過我哋都成立咗個義工隊，特登會去探訪老人院。」在新加坡長大的Apple，表示過去因廣東話不夠好而錯失了機會：「我廣東話未夠好，有時睇番自己演出，會覺得自己講嘢唔清晰，有啲觀眾會好注重咬字，驚觀眾睇到唔開心。」

為白雲做伴娘
講到好姊妹白雲即將結婚，屆時會做伴娘的她，暫時仍未有結婚的憧憬，她說：「依家都想專心工作，又唔會特別話想結婚，預到啱嘅都係順其自然啦！（做白雲伴娘？）佢係我好姊妹，佢都一早同我講咗。（減肥？）會呀，一路都有Keep住，我都會鼓勵佢，同佢一齊Keep Fit！（一齊做瑜伽？）有呀，佢成日都問我，不過我哋太鍾意食嘢，所以一見面就係食，佢肥咗就怪我。」

Profile
姓名：陳芷尤（Apple）
年齡：26歲
身高：1米62
三圍：34C、24、34
入行經過：在香港出世，新加坡長大的Apple，在無綫綜藝節目《五覺大戰》擔任神獸天使，早前在《愛‧回家》中擔任小雲一角而為人熟悉。