援交妹話: 一個袋，實用就得，唔使買名牌!

leungping23 · 發表於 2015-8-13 15:39:06

日賺過萬賠了身體悔不當初

「如果有機會畀我從頭嚟過，我唔會援交」，今年踏入二十歲的小V（假名），十二歲開始吸毒，十四歲在朋友介紹下參與援交，一心只想搵錢買名牌。初時在娛樂場所陪飲陪坐，一年後全身投入性工作，每日接客三至四個，每個收三千元，一日可賺過萬元，但風光背後換來極大代價，她曾染上梅毒，亦曾墮胎，「依家諗番轉頭，一個袋，實用就得，唔使買名牌」。

曾墮胎染性病

小V跟其他少女一樣，援交是為搵錢吃喝玩樂買名牌，「初時都係落夜場陪啲客飲酒、猜枚同唱歌，佢哋（客人）都會抽吓水，畀佢哋摸吓大髀，攬吓，錫吓」，之後會約出街、拖手，一步一步至進行性交易。由於小V樣子稚嫩，又開朗活潑，深受一眾客人歡迎，當中大部分是中年男士，亦有黑社會人士。

「嗰陣真係搵到好多錢，好多人一個月先搵到萬幾蚊，但我一日就搵到，真係好睇唔起人，出街只會搭的士」，至十七歲的時候，小V意外懷孕，之後到深圳墮胎，身體變得虛弱，之後更從客人身上感染到梅毒，子宮發炎，經常頭暈、疲倦，需要常服藥，每年也要覆診。

直到十八歲那年，小V遇到現在的男朋友，「無一個男人會鍾意自己嘅女朋友做援交，佢好介意。」結果小V決定離開這個行列，現任職美容師學徒。

雖然每月收入跟從前不能相比，但得到了健康及快樂，「以前經常日夜顛倒，搞到身體好差，依家買一個袋，只需要幾百蚊，只要實用就得，唔需要買名牌」，她奉勸少女們切勿參與援交活動，否則會後悔一生。