【乜都贏晒】張秀文拋胸瀡梯無限Loop

man36951 · 發表於 2015-7-24 22:37:44

無綫遊戲節目《超強選擇1分鐘》昨日播出一集中，搵嚟三位靚女藝人樂瞳、松岡李那及張秀文大玩滑水梯競賽，三位嘉賓要快、狠、準撞向終點嘅巨型保齡球樽，最快而撞跌得最多保齡球樽嘅嘉賓為之勝利。三位嘉賓都搏到盡玩遊戲，當中最「搏」嘅就係前港姐張秀文，以Bra Top上陣，34D「Big」爆上圍呼之欲出！唔少網民一邊睇，都大讚佢原來禾稈掩冚珍珠，秒殺咗同場嘅「宅男女神」樂瞳及日本索模松岡李那！
比賽開始前，三位嘉賓率先介紹自己有咩強項，樂瞳就話會出絕招「滾地葫蘆」嚟撞跌保齡球樽，至於松岡就使盡渾身解數，手舞足蹈咁以唔鹹唔淡嘅廣東話，話自己身體好柔軟，做開瑜伽又跳開舞，滑水梯一定冇難度！

佢哋點落力sell自己都好，焦點全部落晒係唯一一個以Bra Top上陣嘅張秀文！「壓軸」介紹自己嘅張秀文，冇講太多嘢，淨係雙手握緊拳頭，再附上「又Pure又True」嘅笑容為自己打氣。無聲勝有聲，上圍「谷」到盡嘅佢，大騷深長嘅4吋事業線！呢一幕已經令網民翻睇再翻睇！
到比賽開始，張秀文仲烏低身跣落滑梯，身材更加「胸」湧澎湃，令到唔少宅男為之瘋狂。唔知係咪上圍太Big，重心向前所以喺水梯上瀡得快，最後獲得勝利。今次張秀文又贏身材又贏遊戲，仲獲得一班網民注意，真係Win Win Win三贏，冇得輸！