袁嘉敏出汗谷身材

閃電高達 · 發表於 2015-6-19 13:43:27

袁嘉敏（Candy）在電影《鴨王》作全裸演出，名利雙收。今個夏季Candy賣大包讓讀者眼睛吃冰淇淋，日前潮穿近似張馨予至愛的棉襖大花泳衣到赤柱影靚相，她說：「對我嚟講泳衣花紋好重要，鍾意熱情嘅巴西感覺，我要好多鮮艷顏色，好似紅色、綠色、紫色，感覺有氣氛啲。」

救生員𥄫實
Candy以前每到夏天都會去沙灘暢泳，但數年前一次經歷嚇怕了她，Candy解釋：「試過有個救生員一路追住我攞電話，跟我游出浮台，唔理佢就次次都跟，搞到我有陰影。」問如何保持弗爆身段？她說：「最肥時有130磅，之後勤力跑步做運動，要瘦就要流汗。」
Candy有份演出的《殺破狼II》最近上映，她希望繼續在電影方面發展，會否再次挑戰性感極限？她說：「睇吓對手係邊個啦，我唔想對手再係一個好young、我又冇乜感覺嘅男演員。」哪理想對手是誰？她笑說：「好羨慕阿Sa（蔡卓妍）可以有任達華做對手，華哥同我年紀差好遠，但佢係好有磁力、有魅力嘅男人。」