34F蕊蕊惹火被問價 富商三十萬撩「私影」
以上影片乃youtube提供,與本站無關; 若無法觀看,可查看 原網址。
蕊蕊向來以34F「Big」爆身材見稱，去年挾着「寫真女王」名利雙收的她人氣急升，登台騷做到冇停手。風光背後，她自爆遭香港富商「F先生」親自開出30萬元「陪應酬」，直言是正經人家的她斷然拒絕，但對方仍窮追猛打，退而求其次變「私影價」，力邀她到「私竇」，要求她着性感三點式玩「私影」，最終事件纏擾一個月，要經理人調解才成功「甩身」！自言識朋友要了解清楚的她，對感情同樣執着，更直言：「有愛先會有Feel，更何況點會咁快同一個唔識嘅人發生感情？我份人好保守！」
入行六年的歌手蕊蕊樣靚身材正，由天使「柑桔」變成跳唱歌手，擁有34F「蜜瓜胸」的她，去年趁青春留倩影，推出寫真集，着上三點式大玩濕身，大騷34F「Big」爆上圍，更因反應熱烈而成為「寫真女王」。
直接對話嬲到爆
蕊蕊接受本報獨家專訪，驚爆推出寫真後，有「F姓富商」親自打電話開出30萬元「陪應酬」一晚，蕊蕊坦言「只賣唱不賣身」，即時向對方Say No，蕊蕊講起當日事發經過時，難掩怒火地說：「出完寫真集外間反應好好，公司都收到好多客戶電話，叫我去內地登台，但會要求我着得性感少少，我自己都覺得冇問題，因為係工作一部分。平時如果有Job都係直接搵我公司，不過有個男人自稱係『F姓富商』，直接打我私人電話搵我，我都覺得好奇怪，佢問30萬過一晚夜得唔得，我聽完就嬲到爆炸，直接同佢Say No，然後Cut線，再打畀公司備案！」
「佢之前問我過夜！」
自言身材太惹火的蕊蕊，自爆入行以來都收過不少「問價」電話，每次斷然拒絕就冇事，不過她坦言「F姓富商」仍屢敗屢戰，改變「策略」力邀她上門做私家模特兒，令她大感屈辱：「我入行成6年，都收過唔少呢啲電話，不過多數都係中介人搵我，每次我講完唔得就冇事。但呢個『F姓富商』見我過夜話唔得，就WhatsApp問我可唔可以上佢度，着泳衣影一輯相，話係私影模！有30萬喎！仲話欣賞我，其實佢之前問我過夜，我已經知道佢動機，所以一定唔會答應！最終經理人唔知用咩方法先搞掂冇事！」
蕊蕊坦言若動機不明的人，絕對不會與他做朋友：「我識朋友都了解清楚佢為人先，開頭會大家食個飯傾吓偈，如果講到上屋企就唔會，咁樣太危險，因為根本都未知人哋底細係乜。」問到對感情是否同樣有原則？蕊蕊堅決地說：「講到感情就梗係啦！一定要了解清楚對方，咁你有愛先會有Feel，更何況點會咁快同一個唔識嘅人發生感情？我份人係好保守！」
唔做不道德交易
娛樂圈有不少搵快錢的捷徑，問到蕊蕊可有一刻曾經心動過？她斬釘截鐵地說：「冇！從來都冇！一刻都冇！我係歌手，只係想好好咁做呢份工，我出寫真係想留倩影，並唔係吸引『客戶』，我雖然平時打扮可能係性感少少，但我絕對係正經人家，自小屋企人都教我要潔身自愛，唔可以做違背道德嘅事，搵錢係要靠自己努力，並唔係走捷徑而去搵呢啲快錢！」其後蕊蕊透露每次登台都盡可能即日來回，除了不想有任何誤會發生外，更只會到相熟中介公司轉介的場地登台，避免「危險性」。 | 
在線雷達
發表於 2015-6-19 11:07:04
廣播
置頂
超級提昇
強效提昇
推舊帖
收嗲鳥
油顏色
