金鐘三大十全十美自助餐之一，港麗酒店 Garden Cafe

自拍老牛 · 發表於 2015-6-12 11:49:52

金鐘三大酒店自助餐，老牛排名嘅話，第一萬豪，第二香格里拉，第三港麗。
港麗嘅好處系環境一流，景觀好，樓底高。需然野食比較少，但係精。位置多，但係地方夠大。
客人多，但係冇會員優惠，冇團購，比較企裡。座位有一百四十左右，如果開埋外面，加多100個座位。
外面花園環境甚佳，有一面可以睇到游水池，夏天去，即係口食眼都食，如果見到三點式鬼妹就賺大啦。
外面夜晚仲有 BBQ，有人幫你燒埋，真係唔錯。
老牛嚟呢度，主打食海鮮，龍蝦，蟹類，蝦類等等，呢次去（五月中）龍蝦有兩種，美國
波斯頓龍蝦，同香港青龍，兩種都好食。蟹就有加菲蟹，有時有麵包蟹，鮮蝦都會有超過一種。
經理話，呢度嘅蝦蟹全部都係新鮮，自己煮熟嘅，唔會用急凍貨式，所以要視乎市場供應，但係
就保證新鮮。生蠔就欠奉啦，因為五六七八月，北半球唔食生蠔。不過，萬豪一向少供應生蠔，因為
試過食出問題呀。呢度仲有少量印度同中東菜，不過老牛冇興趣。
擺出黎嘅食品份量好似好少，但係補充夠快，食極都有，唔會斷纜。
午餐收費每位 448大洋，匯豐白金卡有85折，以食物嘅質素，算系好低食。

今次帖出黎嘅相片，有D系以前影嘅，老牛一年最少去三四次架。

環境優美，客人比較少（時間尚早呀12.15分左右）