夕陽無限好（10）―― 講錢也講感情

馬後砲 · 發表於 2015-5-24 23:48:07

芸的好主意，房間本來已有套裝浴室，芸在浴室一幅對外的牆壁，開了個小門可以通出花園一個不顯眼的角落，在這角落，加建了圓筒型玻璃屋，面積不大，只夠放一個小型jacuzzi. 這安排，有戶外溫泉感覺，也有點安全感，當然，變態一點體現一下暴露狂也無不可，有沒有人看就不得而知了。

馬後砲 · 發表於 2015-5-24 23:49:45

這夜，浸泡著按摩浴，看著星星，芸問我
“ 波，你對我地將來，有乜睇法？”
“ 芸，在妳未再出現之前，我沒有認真思考過將來，見日過日，
“ 你回來後這一年多，我覺得好似上左天堂，又似發夢，更由於一些當年的包袱，已經放下，使我更輕鬆，也更享受眼前每一刻，有陣時妳的公主病發作，都系甜美既。講真，冇諗過將來。”

“ 波，我唔系講呢的，我講過你點趕我，我都痴實你既啦！  我系講，錢呀，事業嗰的……”
“  你知道我一向都是隨遇而安，有賺錢的機會，我會抓住，賺一筆，又等另一次，但我亦不強求。自從上一次搞到大大鑊之後，我加左個條件，就系要生意冇乜風險先制，如果唔系寧願賺少的……系啦，你做乜又問我呢的？”

“ 冇，我只系諗，點樣可以幫到你，令你事業更上一層樓，，，不過，亦唔系白俾你，費事人地話你乜野 ”
“ 芸，上次咪講得好清楚，我唔會要囉？”
“ 哎…我就知你系硬頸既啦！不過，有日我走先，的錢咪都系俾晒你？”
“ 我同你以前系同班同學，即系同年我大月，話唔定我走先呢？ ”
“ 唔准講的咁唔吉利既野！ ”
“  咁我地咀啖先！ ”
“  唔…… 咁系唔系應承我呀？ ”
“  唔系，不過你等我諗下偈仔，睇下有乜方法 ”

馬後砲 · 發表於 2015-5-24 23:51:39

“ 波，唔講投資，我都系覺得你而家個劏房寫字樓唔系幾好，考慮下搬啦！”
“ 點解？ ”
“ 我唔鍾意隔離成日開……concert, 雖然話少客上來，但萬一有生客，見嗰度咁樣，都唔會有生意俾你啦！”

馬後砲 · 發表於 2015-5-24 23:53:20

一直都有意思搬，只是提不起勁，經芸一講，也就落實。先把劏房退租，再把住的也退掉，省下的錢，在灣仔的商業大廈租了個小小的辦公室，辦公室的大窗，居然還看到一點兒海景！

住房退租，本來不是太好，但想想每晚都陪伴著芸，個多月都未回過去，乾納租，也就把心一橫，被人叫“ 狼狗” 就 “ 狼狗” 啦！愛情沒有對與錯！

聽老婆話真的可能會發達，搬入新辦公室不久，就多了幾個新客戶，雖然熟朋友介紹，但都到辦公室談了好幾次才成事，生意多了，收入亦有增加，可以請些助手，不是 one man band 了。