夕陽無限好 (9) ―― 二人世界

馬後砲 · 發表於 2015-5-24 09:16:24

由那一晚開始，我就這樣在大宅出入了。

當初還有的不好意思，但當芸清楚告訴我，錢是她賺回來，屋也是，不是她父母剩落，心理上覺得好的。開始也不是每晚回大宅，但隨著日子過去，也越來越愛芸，收工不回去也打幾次電話問芸怎樣，倒不如回大宅算了，免得心掛掛。

大宅一切開支芸搞定，出街食飯飲茶都是我付款。財政大家獨立。芸曾經問過我公司要不要她投資點做大，我是婉拒了，她也沒有堅持。

芸是溫柔的，但也不是很隨和，有些事她認定是對的，也很難改變她主意。至於港女港老虎心態，一半是看電視劇集學，一半是女人天性吧。有時明知她扮，也就陪她扮，跟她撐到底，然後讓她贏最後一著，那她就有幾天高興了。

馬後砲 · 發表於 2015-5-24 09:18:05

芸回來時是冬末，還很涼，轉眼已是夏天了。

芸嚷了好幾天要吃紅豆冰，菠蘿冰，以前豪華戲院隔離天橋底那間專招呼學生的冰室早已拆了，那裡還找到？幸好有朋友做工廠的，從大陸帶了一台刨冰機回來，也就在大宅開檔，冒充下梁启超 ( 註：梁启超，五四運動人物，別號飲冰室主人)

寶姨幫忙預備好材料，在花園仔擺好枱，我刨了一大碗冰拿出來，裝在高杯中，居然似模似樣。

馬後砲 · 發表於 2015-5-24 09:19:51

一邊喝，一邊閒談，也是寫意的。閒談提到之前一齊玩琴的問題，芸說
“ 點解你同我彈嗰首鋼琴二重奏，去到 45小節，你手掙總系ar 過來既？又系衰鹹濕？”

“ 冇呀…嗰度五連音扒成 12 度，手梗系 ar 過來啦…
“ 有的習慣好難改，就好似你坐上我車一定走一走光咁！ ”

“ 哈哈！我點會走光，系見你鹹濕，專登flash俾你架 ……
“ 唔信？來，睇真的，轉左，轉右，轉左，起身，坐低，睇唔睇到？想唔走一定唔走！”

馬後砲 · 發表於 2015-5-24 09:21:33

“ 哈！呃左我幾十年添！系啦，邊個教你架？”
“ 以前鬼妹仔囉！”
“佢？”
“ 就系佢，佢話十個男人十個都鍾意睇，可以挷住個心咁交關。”
“ 以為自己一世英明，原來全在你掌握中……”
“ 其實我真系冇咁既機心，當初好奇，試下你反應，原來真系有，咁咪一直玩落去囉……
“ 系啦…你有冇乜野過鬼妹仔？你地香港人點講？ dup ?”
" 系 dap! "
“ 哈！終於認 dap 過鬼妹仔啦！”
“ 冇呀！邊有？”
“ 仲想反口？啱啱先認左dap !”
"我…… ”
“埋來，賠償我損失呀！”
“ 唔賠！一你屈我，二個時你同第個結左婚，邊可能同我算賬？”
“ 一系你自認冇屈你，二我而家同佢離左婚，咪可以同你算賬囉！”
“ 屈小姐，唔賠！”
“ 呢，波哥哥呀，行埋來，賠的的吖！”
說時遲，那時快，俾佢成碗刨冰倒晒落我條褲度。
“ 嘩！你變態架！”
“ 哈哈哈！ ”