518 發哥60大歲 生日快樂

F1D1S1

請各位讀者一同說聲：「Happy Birthday！」因為5．18對香港而言是個特別日子，一個屬於我們的巨星於60年前誕生－周潤發！《東網巨星》特別邀得25位歌影視偶像紅星齊聲高呼：「我愛發哥！」並細說愛上發哥的理由。

5月18日是一個特別的日子，因為60年前，一個屬於我們香港的巨星誕生－周潤發！在發哥60歲大壽的這個日子，《東網巨星》特別邀得25位80、90後的歌影視偶像紅星，包括容祖兒、謝安琪、周秀娜、蔡卓妍、鍾欣潼、佘詩曼、吳若希、陳嘉桓、周柏豪、薛凱琪、任賢齊、張繼聰及黃翠如等齊聲高呼：「我愛發哥！」細說出25個他們心愛發哥的理由。

容祖兒
「我愛發哥……夠靚仔，鍾意發哥心地好，又親切，有求必應！」
蔡卓妍
「鍾意發哥嘅幽默感，好鍾意睇佢做訪問，全部都好好笑，佢嘅演技我亦非常鍾意，真係做乜似乜！」
鍾欣潼
「有次我搭的士準備落車時，等的士嘅咁啱就係發哥，佢幫我開車門，好禮貌又對住我笑。我又鍾意睇佢嘅戲，所以好鍾意發哥！」
張繼聰
「問過好多老前輩，打探發哥當年拍劇嘅往事，得到嘅係一致讚美，佢可以令拍攝氣氛好開心，每個人喺冇壓力下發揮，果然係一級演員。另外佢喺《秋天的童話》演船頭尺有句對白係我座右銘，就係『自己Happy咪得，使乜理人？』」
謝安琪
「好鍾意發哥嘅《秋天的童話》，嗰種浪漫影響我一生，一個麻甩佬都可以同紅姑（鍾楚紅）咁嘅靚女發生感情，為我嘅戀愛觀帶嚟新視野。」
Heidi@SuperGirls
「我鍾意發哥和藹可親，有次行街撞到佢，我望住佢，佢笑住望番我，見到途人搵佢影相都一一應承！」
佘詩曼
「發哥演咩角色都入型入格，好細緻嘅位都做得好好！真係好難！我覺得發哥好勁！」
張兆輝
「發哥曾經教我影相，教我點捕捉景物，仲會講出我嘅優點同缺點。」
吳若希
「我鍾意發哥冇乜架子，見咩人都會自拍，我都想試吓野生捕獲佢！」
陳嘉桓
「發哥你好！我都好想見到你，好想同你瘋狂自拍呀！我細細個就睇你嘅戲，我好鍾意《秋天的童話》你個角色㗎！」
黃心穎
「好欣賞發哥好錫老婆，佢係Super Star，但依然好親民，對我哋後輩係好榜樣。」
薛凱琪
「發哥演文藝片又得，演笑片都得！笑片難拿捏好多，佢係好出色嘅演員，同埋好Nice，好親民！」
張敬軒
「我鍾意發哥嘅瀟灑、霸氣、生活中嘅親和力，私底下同發哥相處最鍾意佢嘅智慧，亦好博學。」
鍾嘉欣
「睇過發哥訪問，當中話過佢會將所有遺產送畀慈善機構，好佩服你！」
周秀娜
「我愛發哥型英帥靚正！我鍾意發哥會去買餸，好親民，同埋會搭地鐵！」
Janice Man
「好鍾意發哥親民，唔理會其他人目光，好有自己獨特個性，好值得我哋後輩學習。」
鄧麗欣
「我愛發哥因為佢對老婆專一，咁多年都冇咩緋聞！佢又好有毅力，無論事業上、人生、生活上都係。」
黃翠如
「最鍾意發哥，任何造型都鍾意，就算隨便喺屋企行出嚟都咁型仔！」
岑麗香
「發哥我鍾意你成日搭地鐵，又去街市買餸，呢啲係真人會做嘅嘢！」
黃美棋
「發哥咁得人鍾意因為佢親民，我細個開始拍戲儲咗好多相，就係差發哥未儲到！」
李思捷
「最鍾意發哥演喜劇嘅Timing，好準！佢好睇之處係靚仔，演追女仔戲特別好睇，加埋佢演喜劇嘅方法，成件事好自然！」
周柏豪
「鍾意發哥，首先因為同性三分親！由細到大都睇佢嘅電影，感覺親切！」
鄭俊弘
「記得有次喺銅鑼灣食飯撞到發哥，我O住嘴望佢，但佢笑容親切，仲指住我好似識我咁打招呼，令我個心好甜！」
許廷鏗
「好欣賞發哥親民，冇架子，佢身為天王巨星，都可以咁親民，好難得！」
任賢齊
「發哥係我偶像，佢演嘅好多角色我都好鍾意，個人又Nice！」

furama

最記得發哥叫政府返過來，袋住先市民的真普選方案，真係好正義，祝佢生日快樂！我都希望捕獲發哥！

Topvision

以前成日去西貢, 見好多明星....  但係發哥味力同其他人唔同.....  任何明星又或者小演員, 當發覺給人發現, 會即刻黑面, 又或者木起面... 保持一個明星樣.  發哥唔同, 係完全無自高自大....  完全係好親善

補充內容 (2015-5-18 11:48):
生日快樂

小得少

發哥生日快樂 !

JoUtemy

回復 F1D1S1 #1 的帖子

60大壽生日快樂

CHUNGi020

六十大壽
生日快樂

iambig9

發哥，生日快樂 !

ryankkw

發哥為人好值得其他以為好紅既學習

太空翔

回復 Alantang1 #7 的帖子

假使,
公眾人物,對政府說三道四,即是不負責任,
請教,
何種人物,對政府說三道四,纔算善盡責任?

Topvision

Alantang1 發表於 2015-5-19 21:21
身为公众人物，对政府说三道四，这样的一个不負责任的人，有乜野值得为伛高兴？

師兄會咁講, 即係未見過發哥

公眾人物 !?   當遇上發哥, 你咪知問題係你, 而唔係發哥身上.

你加有色眼鏡, 見會見佢係公眾人物

佢一向當自己係個普通市民,

onenine91

發哥生日快樂

kinsoncc

太空翔 發表於 2015-5-22 02:10
回復 Alantang1 #7 的帖子

假使,

我估成龍應該係佢偶像

太空翔

回復 Alantang1 #15 的帖子

"任何人都可以對政府說三道四,包括公眾人物",
此論對照7樓之論,前言不對後語.

何者話其夠膽色?
何種政治環境,人民發表異見必須要夠膽色?

見風轉舵,
順民之心隨風飄流,何來自主之舵?

太空翔

回復 Alantang1 #18 的帖子

自己所言,猶須大家評論?
是自由評論還是事先篩選?

看頭看尾? 斷章取義?
回頭再審視自己之帖吧.

超能仔

成60嵗人。，都未知自已是中国人，不爱国不愛港。反而去夂持暴民，我不会欣賞他。

F1D1S1

Alantang1 發表於 2015-5-23 17:52
689是我偶像，只因唐唐的笑容令我毛骨悚然。

689係你偶像冇問題。

但你都叫他689，我真係有點意外了。

我都忍唔住用番689一句話。
《有時真係會忍唔住笑出黎。》

F1D1S1

太空翔 發表於 2015-5-22 02:10
回復 Alantang1 #7 的帖子

假使,

689就係最鐘意說三道四，
及講野不負責任的人。

超能仔

Alantang1 發表於 2015-5-24 00:35
班人只识他点样亲民，我看见他在街上的感觉，作狀多D.

個個公衆人物都会扮嘢。人前人後兩個樣。

Topvision

Alantang1 發表於 2015-5-23 17:44
我觉得系你对我戴上有色眼镜，当你成为公众人物，一言一行都要小心，他自己说是普通市民，可能吗？竟然会去撑个D摆明反中乱港的暴民，搅乱香港，不是香港上福。

想知發哥想法, 去玩吓捕捉發哥先啦...... 親身去感受一吓, 發哥為人, 似公眾人物..... 定係似普通市民....

Topvision

Alantang1 發表於 2015-5-24 20:00
呢种星吾值得我去星。

緊係唔係叫你追星啦.....基本上住係香港, 以經好易遇上....  

有機會咻黎香港玩吓囉.... 只要唔係去遊客區, 就真係好易見發哥