調景嶺體育館

~VaDeR~ · 發表於 2015-5-3 19:31:18

夏天又來啦，除左戶外活動，上山下海之外，冷氣地方應該係你同小朋友其中一個歡聚既地方。咁啱係將軍澳，這個小朋友極多的地區，有一個新的遊戲室開放，所以我地立即同大家直擊報導一下佢既情況。

當然啦，體育館係剛開放的，所以當中仍有一些設施係未開放，或係未完成的。不過呢，作為一個家長，最重要的兒童遊戲室完成，就已經吸引到我去了！

調景嶺體育館的外貌，四月二十三日開放，新鮮熱辣。

其實調景嶺體育館唔大，入到去你好易就會搵到遊戲室。
睇一睇開放時間先。

開放時間無乜特別，其實同一般遊戲室差不多，頭尾兩節的時間多一點。有興趣又住得近的朋友仔可以留意一下。不過呢，呢張時間表只係顯示出佢定了的時間，實際運作上，係有另一個時間表要睇的。亦係我去過既政府遊戲室中較特別。

呢一張先係大家要睇的時間表。大家睇派籌時間就可以。簡單一點講，如果你想玩10:30AM那一場，一般遊戲室大家都係早半小時去排隊。不過呢個遊戲室呢，佢就係由9:05AM開始派籌，你可以攞左籌，去食個早餐，10:30AM前再返來。聽落好似無乜特別，但係當佢人一多呢……就好恐怖了。

~VaDeR~ · 發表於 2015-5-3 19:31:19

以我今天為例，我們09:45AM去到。嘩！可能因為係假日既原因，已經大排長龍。而職員同我地講，依家排隊的，係攞11:35AM那一輪籌的，而最終入場時間係12:30PM。你可以咁理解，如果你有整個早上的時間，又或者你係附近有事情做，你就可以先排一個半小時攞籌，再係一小時之後返來同你的小朋友玩了。我唔明白點解要咁做，好似其他遊戲室咁，排隊先到先得咪好囉。

不過，我亦問左職員，如果籌派唔晒，又或者有人無出現，你係可以候補的。

人山人海，右面那一條隊係排11:35AM攞籌的。不過當時係10:00AM……

好啦。係時候睇下設施，不過先道個歉，因為剛才提到既原因，所以我地係無入到去玩的。不過有主場之利的我們，會係下星期光臨一次，為大家補返一些清晰點的相片。現在先看看我在窗外拍攝的相吧。遊戲室的主題應該同坑口的比較似，係海底世界之類。

大潛艇一隻，中間係有潛望鏡的。無特別可以攀爬的部份。

有一些給嬰幼兒玩的設施。

有一組攀爬的設施，遠望發現內裡好像沒有光，有LED燈的。可以讓小朋友探險？

內裡還有小朋友手間，放鞋的設施等等。其他的嗎？其實已經影晒俾大家睇了，其實唔算好細，不過感覺上無乜特別的設施同賣點。單車館都有滑梯、這兒的潛艇真係唔吸引。不過等我地下星期再實地觀察，再為大家報告一下。

~VaDeR~ · 發表於 2015-5-3 19:31:20

不過如果你覺得這兒玩唔夠，其實體育館仍有不同的設施可以俾大家玩既。例如戶外有一組金屬的滑梯，更有不同的健身設施。

金屬滑梯，各位家長可以重溫夏天火燒屁股的經歷了。

這戶外設施的感覺較金屬，無平時遊樂場全都是膠設施的情況。個人而言，我較喜歡金屬的支架，因為係好爬一點的。

給較小朋友玩的設施。

小朋友，其實你俾空地佢跑，佢已經好滿足了。不過呢，這個位於體育館二樓戶外的係仍未開放的，對，係仍未開放的。預計完工日期係1.6.2015，大家可以再等一下。

~VaDeR~ · 發表於 2015-5-3 19:31:21

特別附錄，調景嶺體育館設施。
既然這兒今天一場到來，等我們帶大家參觀一下這個新的體育館吧。其實一點也不大，總共的設施只有，8個標準羽毛球場(2個籃球場、或者排球場)，一兩間活動室連乒乓球枱，一條大約200米的室內緩跑徑，一個未開放的健身室，最特別的是一個有3-4線的戶外攀石牆。沒有了，就是這樣。

場館四周都是坐位，是我所見中較多坐位的場館。

沿著緩跑徑走，可以欣賞一樓主場館的人練習和比賽。

累了可以坐下休息，其實應該用來欣賞賽事的。不過視點較差，你坐後是看不到自己較近下一層的景觀的，完全是阻礙欣賞。

緩跑徑。
受傷係阻礙唔到小朋友充滿活力的細胞。

2條跑道。

未開放的健身室。

如果你是自駕人仕，這個價錢應該相當吸引。

停車場亦相當寛闊，暫時見唔到有人泊車，不過我肯定係開放了的。

~VaDeR~ · 發表於 2015-5-3 19:31:22

其實體育館是連著圖書館的，不過只是開放了自修室。

雖然很多設施仍未開放，不過已經完成的就投入服務，未完成的繼續施工，總好過等全部完成才開放吧。言一點我是欣賞康文署的決定的。我們就等一等吧。

場館介紹：
康樂及文化事務署調景嶺體育館
(對不起，太新了，政府網頁仍未有介紹)
康文署新聞稿「調景嶺體育館四月二十三日啟用」

場館地址：將軍澳翠嶺路二號
查詢電話：2481 5033

交通資訊：
如果你係自駕的話，可以泊入體育館。不然附近彩明苑有時租。

公共交通呢，你可以乘港鐵係調景嶺站A出口步行過來，慢慢行大概五分鐘吧！相當之近的距離。