絕對不要入行CPA會計師的5個原因

FromHeaven · 發表於 2015-3-17 13:30:13

警告：以下內容有關香港CPA會計師血淚生涯，涉及極不人道對待的直接描述。大學讀Account（例如HKU BBA A&F或中大 Professional Accountancy) 者請有心理準備。

註：本文並非針對根據SJ讀者提供，快樂指數只有3/10處於不合格水平的Deloitte

原因1. 食鐘－有得做但無糧出

一般如果big 4出一單唔係特別細Job，一條Team基本會有4個人。但基於呢一行turnover好快，好多人會喺peak season走哂，可能走淨兩個人，咁呢兩個人就要搞返同一隻上市公司嘅Audit，但出Job時間係冇因此延長到，結果大家就焗住通頂。

假如隻Job有啲難度，就會放多個初級經理落去，不過由於Manager嘅鐘係貴好多。所以啲細嘅，就算督鐘督唔多（督鐘即係填Time Sheet，紀錄返放工時間），基於隻Job嘅Recovery（即係要回本），所以班細可能分分鐘連OT都charge唔到。

即係你日日做到朝早三、四點，都係同亞視一樣，有汗出冇糧出，業內稱之為「食鐘」，食者，消失也。事實係，督足鐘呢種情況，只有喺柏拉圖理想國入面先見到。

當然亦有啲有良心少少嘅Manager，會留番啲鐘俾同事Charge OT。不過做好人係有代價，事關去到開會時，佢就會俾人質：點解你啲Capacity咁低。

唔好以為升咗做Manager就可以有好日子過，事實係可能仲wok（行內術語，好忙咁解）！如果你係做得嘢嘅Manager，一有大單野，例如IPO或者其他special，總會有老闆拍下膊頭，你就要死左入去做。有啲黑仔嘅Manager，可能幾隻大野喺手，慘在遇到個唔做嘢嘅Senior Manager，嘢又唔做，但係督晒隻Job嘅鐘，分得少少俾個Manager督，結果個Manager又俾人問：點解你啲Capacity咁低。

又有啲情況係，遇著隻Job無咩錢，佢就會逼人零晨12點前收工，逼你坐地鐵，唔使Claim的士錢。問題係，你啲未完成嘅工作就要你拎番屋企做到清晨，然後聽朝8點準時交Working（即係交功課啦）。

原因2. －凌晨5點放工，訓2個鐘，8點半準時返工

喺2012年嘅1月份，同樣係Big 4嘅德勤（DTT），有Partner（合伙人）喺Office門口貼出張memo，重申一次「公司上班時間係8點半，唔係9點、9點半、10點或10點半」明寸班細返工遲到。

話說一般嚟講，Audit嘅peak season，11點前放工叫「早放」，零晨12點至3點叫「正常」，清晨4點後甚至通頂，你可以話自己好Wok（即係忙咁解）。你可以話食得咸魚抵得渴，但面對管理層吓吓當老奉，扯火都係人之常情。如果你前一晚收5點半，朝早準時8點半返到，即係你只有3粒鐘返屋企連休息。

於是有位同事就忍唔住，貼多張Memo，回敬返呢位Partner，「我哋嘅收工時間係下午5點半，唔係零晨12點、朝早3點或6點。」下款係「謙卑的僕人」。

原因3. 無薪假返工是常識

做Audit嘅，一般都係要一路返工一路考試，咁考試前請No Pay Leave亦係大家慣常做法。咁放假時，大家當然係溫書啦，但個Auditor放完假返工，竟然俾老細鏟到上天，罪名係「唔覆Email」。如事者，呢位小小嘅Auditor，之後每次考試假，唔止要check email、仲要清Q（Queries，即係答老細嘅問題）

最慘係，呢位Auditor可能唔好彩，每次考final前都要出trip，結果要銷假。當本身都已經唔係請好多no pay（大佬無錢呀……），仲要做No Pay工作，已唔係好夠時間溫，再加埋銷假，根本搞唔掂。

後來呢位小小嘅Auditor頂唔住，決定破釜沈舟resign去考試，咁就Pass左。

原因4. 老闆教你釘書釘的規則

Peak Season為埋數，做到氣咳係必然，但當Partner喺班細做到散晒時，仲提出啲無謂要求，你都咪話唔火滾。有部份Auditor會稱之為「Partner強逼症」。

當一個Auditor做到朝早4、5點時，完成一個二百幾頁嘅File，正當以為交俾Partner就可以帶著疲憊嘅身軀，快快樂樂回家去時，呢位Partner竟然要求你將呢二百幾頁嘅File，每張紙個打窿位，貼上一個小小嘅水泡貼紙。

除左係貼水泡，仲有係釘書釘嘅方向要全部一致（例如全部打橫釘），同埋啲紙入完File，係唔可以有任何一張凸出黎，要好似D書咁要平。唔好忘記，好多時唔係得A4紙，仲有啲係A3嘅文件，你一定要摺到好齊唔係唔收貨。

又或當你Peak Season時，會有Partner行出嚟，命令班細嘅要執乾淨枱面先可以收工。你要知Peak Season時文件多到堆積如山，叫你執枱就等如叫你移走座山。好啦，等你朝早5點執好後收工，9點幾10點返到公司，請再拎返座山出嚟。

所以有時本來個客好哋哋冇乜野，啲料又齊，人又快手，但遇著麻煩嘅Manager或Partner，就令隻job由唔Wok都變到好Wok。（Wok，行內術語，好忙咁解）

原因5. 恐怖Job疊Job

Audit嘅生態係好得意，越做得嘢嘅人就越俾人Wok，佢哋嘅Booking會好Full，不論咩Grade，都係。咁問題就來啦，就係Job疊Job。

好多時，唔係話你完咗一單Job嘅Booking，就完全唔使理，好多嘢都要繼續Follow，例如清Q（Queries，即係答老細嘅問題) 同Account，但與此同時，你又要做新Job嘅Planning。

如果本身個人唔算好標青，你會有idle時間，就可以趁idle執。不過，你越做得嘢，你booking就越full。於是高grade又做得嘅Auditor，同一時間3至5隻job係常態。

唔好忘記，呢位Auditor會係12點打後先收得工，但收工後就要做上述嘅工作，結果做到5點。

當然，你可以話嫌辛苦咪唔好做囉！結果，當啲做得嘢嘅同事，佢哋Wok到盡，就會頂唔順決定「撳掣」，撳掣，唔撈也。

然後啲Job，就會推俾一啲都係好Wok（忙）但未「撳掣」嘅同事，如是者形成一個惡性循環。

（原文經修轉載自Next Media，如有版權問題請電郵本網我們將會盡快處理)

網友評論：

“我在水記的紀錄：一星期三晚在太子做到睇日出…淺睡二小時继續工作…” – Anonymous 23.2.2015

SJ結語

天之驕子HKU中大畢業，幾輪interview 又written tests 幾十人爭1個位考入Big 4

但入行的時薪好可能仲低過最低工資

難怪神科評級 A&F獲得慘不忍睹的極低評級

慘過做富士康啊大佬，富士康OT都可以補水，都可以搞個工會暴動下

做Audit 表面上個個著住套平價西裝扮野，出入Landmark 太子大廈外人以為感覺良好

實際上慘過大陸d煤礦工

（反觀警察散仔中5畢業，入職都2萬啦！ OT仲補水，要他們開多陣工又話壓力大，壓力大又可以打示威者，打完人仲可以什麼事都無。仲有班鞋王藍絲帶at their disposal 免費義助）

呢個世界公平咩？呢個世界公平咩？！

歡迎各Big 4 苦主或會計Audit同行在本文下留言分享辛酸，或電郵至 [email protected] 匿名分享（Big 4呢排風頭火勢，風聲鶴唳啊，大佬）

Baritone · 發表於 2015-3-17 23:51:21

本帖最後由 Baritone 於 2015-3-17 23:54 編輯

Big4 入面要生存，唔係要勤力，更重要條識埋堆，懂玩政治！而家裡面好多ABC同大陸海歸，又加上本地士炮，所以各地都有藩王，不同文化不同背景唔會走埋一堆。Teameork ? 係講唔係做。

基本上Project 少咗又無肉食，所以近月以Deloitte 同 EY 都風聲鶴涙，每個禮拜都有人走。

simontonysoup · 發表於 2015-3-20 22:43:45

看到了做audit 的不公平和辛酸，確實不足為外人道。
恕小弟一問，為何尾段要踩警察一腳呢?
警察和會計行業的不公義又有何關係?
作者不是面對示威者和傳媒，又焉知人家壓力有幾大呢?

FromHeaven · 發表於 2015-3-21 02:13:39

回復 simontonysoup #3 的帖子

作者冇否認佢地冇壓力
正正就係指出壓力大，audit只能打一兩篇文，搵人吹下水
但佢眼中既(部分)警察卻選擇使用過份暴力，以公報私

simontonysoup · 發表於 2015-3-21 08:44:31

FromHeaven 發表於 2015-3-21 02:13
回復 simontonysoup #3 的帖子

作者冇否認佢地冇壓力

可惜這樣便破壞了文章的說服力，
當作者力歇聲嘶地問「世界公平嗎」？
自己卻不想想有沒有公平地去評價別人的職業呢?

ofohkcom · 發表於 2015-3-30 04:28:09

好淆wor
好打擊啲細嘅係咪要揾定前後路=-=

jordanhoki · 發表於 2015-4-6 16:09:27

FromHeaven 發表於 2015-3-17 13:30
警告：以下內容有關香港CPA會計師血淚生涯，涉及極不人道對待的直接描述。大學讀Account（例如HKU BBA A&F ...

我自己都係會計人
不過我揀左Cmmercial
唔係風涼亦唔係串你
但每份工都有Dirty Work
係有D Task每個人都唔想做
到你要8000蚊人工去掃街洗廁所你又會有其他野呻架啦

huijoe · 發表於 2015-4-30 20:07:22

好有用,多謝分享

bigtung · 發表於 2015-5-21 11:04:01

慘過做奴隸

sllaw_eva · 發表於 2015-5-29 08:56:36

回復 FromHeaven #1 的帖子

內容好豐富喎!

kevinkac14 · 發表於 2015-6-2 23:21:27

FromHeaven 發表於 2015-3-17 13:30
警告：以下內容有關香港CPA會計師血淚生涯，涉及極不人道對待的直接描述。大學讀Account（例如HKU BBA A&F ...

世間財唔易搵啦

kevinkac14 · 發表於 2015-6-2 23:22:01

jordanhoki 發表於 2015-4-6 16:09
我自己都係會計人
不過我揀左Cmmercial
唔係風涼亦唔係串你

嗯, 講得有理, 凡事仲有好, 有差的

dicky51894939 · 發表於 2015-7-4 13:02:18

睇完...當中辛酸..當為外人的我不能評論

加油..我只能為你們加油..

sunlikwong · 發表於 2015-7-10 02:16:45

我對會計行業唔係好熟, 但係樓主篇文章都好多唔合情理o既地方:
1.  班富士康工人學歷唔高, 俾人剝削都識反抗, 班會計師身為大學職業專科畢業, 咁好相與, 任人魚肉, 我就唔係好信
2.  peak season 好多人走, 我就諗會唔會係有更好出路, 唔會係走頭無路掛, 佢地係professional 喎
3.  你呢間走左人, 唔係個世界就少左班會計師, 咁好可能係第二間會多左人, 走左人嗰間更係唷哂救命喇, 多左人嗰間人力充裕左, 接多d job, 有間賺, 有間蝕, 呢d只不過係行業之間競爭
4.  我係真係唔熟會計行業, 但我都識唔少會計師, 據佢地講, 呢行係好辛苦, 流動性大係因為佢地係人力市場好搶手, 有好路就更係走喇,
5. 呢個同世界公唔公平有咩關係?我真係au 哂頭

唔好意思, 無意冒犯, 只不過不吐不快!

wingkingwing · 發表於 2015-7-28 18:59:11

唔該哂分亨bro~!!!thx

pehys · 發表於 2015-8-23 02:03:56

回復 FromHeaven #1 的帖子

Good sharings。謝謝很用心的分享！

femalecock69 · 發表於 2015-9-11 08:59:37

your story is about a newbie in big 4, how about those in small firm, they are still the same, no exceptional, CPA = 無前途, 無希望

重炮手 · 發表於 2015-9-26 03:21:29

回復 FromHeaven #1 的帖子

雖然我都係打工仔, 又做過CPA Firm...不過冇能力入BIG 4
我有小小不同意見:
1. 0的人簡BIG 4入職, 主要係想攞佢果幾年經驗同名氣, 以後可以出黎教書, 又或者做銀行, 大公司Internal Auditor/或CFO;
2. 入得去一個願打, 一個願捱, 都冇咩好講.