喜萬年，四十幾年嘅老字號酒樓

自拍老牛 · 發表於 2015-2-26 19:31:11

本帖最後由自拍老牛於 2015-2-26 22:34 編輯

喜萬年酒樓開業於197幾年，當年中環開始漸漸東移，熙信樓入伙就於頂樓開業。面積甚大，面對無敵大海景，
夜晚有夜總會。當年老牛於太子行返工，打的去分域街啱啱唔跳表，一個月都會去兩三次。到左八十年代尾，
呢度有一種服務，老牛念念不忘嘅，就係幫你手機充電，當年嘅電話系大水壺，成隻插落去叉電。你去櫃檯
放低電話，話比收銀聽你個檯號，咁你個電話響佢就會叫‘咪“，例如 234枱陳生電話。真係服務大家，無微不至呀。
前年希信樓拆，喜萬年被逼停業，其實後期，喜萬年已經放棄頂樓，搬到樓下，縮細規模繼續。
停左一段段時期，佢地得到英皇 offer 靚價，舊年就搬左去重整旗鼓，重新開業之時，天天爆滿，尤其是當大家
知道良心老闆全部優先用舊人，大家就知道水準應該可以保持，佢地嘅燒臘乳豬尤其出色。上月老牛要安排團年飯，
就揀呢度，點知都係晚晚客滿，好彩大家同意九點後去，唔使逼，仲有折扣，結果食得開心，價錢公道。
新址地方同早期嘅喜萬年冇得比，以前幾萬尺，而家就十分之一，好彩地方雅潔，招呼周到。伙計嘅團隊精神良好，
我地食到十一點，佢地就先走一部分，前線服務員開開心心留後。唉，咁好嘅伙計，老牛唯有貼士重手D啦。

呢支意大利 Apulia 區嘅紅酒，價錢公道，味道唔錯，Apulia 屬於意大利比較窮嘅地方一直都係賣”酒種“，
而家自己出口，值得捧場，喜萬年有特價優惠。

自拍老牛 · 發表於 2015-2-26 19:31:33

本帖最後由自拍老牛於 2015-2-26 19:55 編輯

等人果陣，老牛偷雞叫一碟叉燒，半肥瘦，正。

今晚嘅主角就係呢隻乳豬全體，影多幾張啦，好味到。。又唔會太細隻，正呀。

呢個蝦多士屬於懷舊菜色，呢度做出懷舊味道

呢個系例湯渣，因為嚟得宴，冇叫鮑參翅肚，側魚例湯水準十分高。一人一碗，唔好意思，好飲到唔記得影相。

呢個髮菜蠔豉海參會鵝掌，好入味

西芹炒雙蚌，清新可口

鮮竹鮮菇上湯浸鮮蔬