建造業無工開，是因為拉布？

FromHeaven

其實唔使聽梁振英呼籲，我都知係你地幾個拉布。事關拉布呢啲咁花精神時間既事，民主黨一定唔會做。而可以拉布既技倆，又係冇幾多招可以用，再減幾個毛孟靜之類覺得「唔好亂用拉布程序」既溫和理性派，重唔次次拉布都係你地幾個咩？

於是梁振英都可以點相，話認住你地幾個嘜頭。

不過講返轉頭，我堅唔知你地拉乜嘢布。其實我估大部分人連拉布係乜都唔知。一路食晏，一路睇住午間新聞，剩係睇到呀葉國謙聲色俱厲咁話你地浪費納稅人金錢，加埋幾個局長好委屈咁話你地阻住利民措施出臺，咁你地一定係拎住份人工，收咗外國錢嚟搞事既政棍。對大部分香港市民嚟講，冇嘢緊要得過有工返有糧出。香港人大部分都係信奉食玩訓屌既直線生物，要佢地思考上轉多兩個彎，佢地會即刻跟唔到。你地拉布，香港市民既0/1思考單元係唔識問點解你地要「拉 布」。你話俾佢地聽，因為小圈子選舉，因為功能組別，因為分組點票，所以你地否決唔到個議案，所以要拉布。



嘩，咁複雜，你講乜撚？其實都係，即係，搞事啦？

亦都係因為香港人只有單點既線性思考，香港人既因果邏輯一般都好混亂，亦都follow唔到歷史。就以小弟從事既建築業嚟做例子，而家由上到下都話要反拉布，因為拉布阻住工程撥款，撥款唔成功，於是冇工開，就係你地幾個政棍係到搞鬼！

其實又係唔係咁呢？香港既工程界同世界其他地方都相似，一樣係被政府政策牽住個鼻走。香港最旺既時代係九七年起赤鱲角機場的時候。當時英政府為咗用一單大工程嚟盡cap香港錢，就將赤鱲角機場工程搞到有宏偉得咁宏偉，工期有咁趕得咁趕，總之錢唔係問題。於是一時之間全香港建造業工人短缺，不但吸引一大班人入行，更對外開放英聯邦外籍傭工進入本港工作。新機場完工無耐，已經出現人員過剩既情況，建造業既人工於是就由九七年開始一路下滑。然後又嚟董伯伯既八萬五收皮，結果香港建造業既不正常供求去到沙士就一次過爆煲。當時，幾多中層人員被迫中年失業，幾多做左幾十年既老伙記日日去乞求工作，再加埋負資產收樓，成個建造業簡直哀鴻遍野。

好啦，衰足五六七年，仆街既仆街，挨唔住既人全部轉曬工，加埋澳門起賭場請走部分伙記，個行頭先至叫穩定落嚟。到零七年，紮鐵師傅仲窮到要罷工添，當時工聯會又出賣紮鐵工人，應該又冇乜人記得。成個行業流失曬啲青年同壯年，淨係得返啲老人家，完全成為夕陽行業。

吖，點知道差唔多到一零年，竟然搞條高鐵出來。你以為英國佬搞個赤鱲角已經好離譜，點知大陸搵你地香港人嚟起高鐵竟然仲狼死。好啦，到高鐵工程一上馬，香港由上至下，根本就唔夠工程人員。霎時之間，地鐵要由顧問公司手中搶人，承判商又再由地鐵手上搶人，人工當然節節上升，更加吸引一大班貪人工高既蛋散入行。挨咗咁多年鹹苦，建造業員工簡直一次過翻身。

咦？點解個故仔好似講返轉頭咁既？係呀，如是者過左幾年，高鐵起得七七八八，為令到洗大咗既頭唔好出事，政府跟手推出既好多個鐵路工程其實開始又接近尾聲。如果而家東北發展或者機場第三跑道叫停，建造業就會又再陷入之前一樣既低潮架喇。

其實部分工程界一直以來都有呼籲，希望政府有計劃咁推出工程，令業界不必盲目抬高價錢搶奪人才同資源，先至可以令工程有合理既造價，以及可以有足夠時間培訓人才。但係結果係點？咪好似其他功能組別對住政府咁樣：即刻跪低，然後叩頭咯。

咁而家你明未？對住一班淨係識得返工同出糧，冇工返就哭喪，有工返就囂張既建造業工人，你唔係諗住同佢地講返呢啲耶穌同歷史吓話？你唔係諗住同佢講，如果要個行業穩定，就唔應該亂咁撥款批工程吓話？就算係管理層，都只係著眼於出面街有冇生意。庫房越洗越多，犧牲地區工程嚟做大白象工程？Who’s fucking care！？？

嗰幾個拉布的議員聽住，你地而家真係阻鳩住做生意。拉布同佔領都係一樣，社會要有一定的公民「素質」，市民先至會理解。對於啲只求有冇飯食有冇閪屌既蟻民講拉布？你不如講乜係布拉腸粉重比較容易明白。今日我搵少咗就已經屌你啦，政府用咗我交既稅嚟亂fing？我唔撚知，亦都唔撚理囉。

呢個香港，無人會感謝你既理性。大聲話比其他人聽隻船就嚟沈既係搞屎棍，趁隻船未沈，擸得就擸既先係叻仔。我係你，就快啲投共去攞多啲jet so好過啦。乜嘢拉布乜嘢佔領，都冇撚用既，唔興架喇！



作者Facebook專頁，標題為編輯所擬，原題為〈喂， 嗰幾個議員聽住：我反拉布！〉

anklebreaker

FromHeaven 發表於 2015-2-24 00:58
其實唔使聽梁振英呼籲，我都知係你地幾個拉布。事關拉布呢啲咁花精神時間既事，民主黨一定唔會做。而可以 ...

港豬咪就係咁黎囉
起第3跑咪又係用納稅人錢

Mr.TT

FromHeaven 發表於 2015-2-24 00:58
其實唔使聽梁振英呼籲，我都知係你地幾個拉布。事關拉布呢啲咁花精神時間既事，民主黨一定唔會做。而可以 ...

完全同意，港豬只在乎歌舞昇平，吾林吓點解吾可以分開嚟起，令市道穩步上陽好過，
無飛想使晒你地D錢，第日咪無交閙，個個返大X做狗好地地

ara03kw

等三跑開工時入去做，哈。

tung666

關拉布咩事? 建制派佔咗大多數, 根本唔會理會香港人意見.

vagas

摆狗人是王海生

ACM1899

FromHeaven 發表於 2015-2-24 00:58
其實唔使聽梁振英呼籲，我都知係你地幾個拉布。事關拉布呢啲咁花精神時間既事，民主黨一定唔會做。而可以 ...

關乜拉布事吖！多咗南亞人爭食就真！

Mr.TT

回復 Mr.TT #3 的帖子

完全同意，到時無人又話輸入外勞，佢理得你死

Juven

Mr.TT 發表於 2015-11-2 07:32
回復 Mr.TT #3 的帖子

完全同意，到時無人又話輸入外勞，佢理得你死

完全同意什麼 ?

nn1010

你有料又有師傅牌，點會冇工開！

愛小西

唔好成日話受拉布影響 工程一向有高低潮, 要旺時候 擋都擋唔住 , 議員又係市民選出來 專重自己選出來既議員既決定吧,PS. 自動當選 功能組D仆街除外

bbmail128

大家都好清醒, 但係好多人唔明

zero83

政府工程開始前已經批了錢，而個工程開支已計算時間，人工同物價增長。
而工程費用超資時就向政府囉錢，我都係納稅人同地盤佬，要我比錢比D狗商cap錢好難。
我有D師兄弟在高鐵地盤做扎鐵，正常1條12米鐵3至4人搬，佢公司要成11至14人搬又話唔夠人要輸入外勞，你知唔知，唔知唔好話人拉布，你話英國佬cap了好多錢，起赤鱲角時用幾多同現在用幾多，中國北京條新跑道100多億就可以，香港要成千幾億你會否覺得堅尼地，以前冇中x建築，現在幾單大工程都有佢份，又多問題事故鉛水佢有份港珠澳大橋下沉短椿有份，佢cap得狼過英國佬多多聲。

manhung

zero83 發表於 2016-6-6 04:16
政府工程開始前已經批了錢，而個工程開支已計算時間，人工同物價增長。
而工程費用超資時就向政府囉錢，我 ...

大家都好清醒, 但係好多人唔明x2

samxyz

建造業開始走下坡了😔

宝石蓝

samxyz 發表於 2016-7-21 09:34
建造業開始走下坡了😔

何以見得？

shidi62

当然是港督带来的鬼

宝石蓝

shidi62 發表於 2016-7-25 22:47
当然是港督带来的鬼

師兄想講乜？

宝石蓝

其實冰封三尺、非一日之寒！拉布祇是其中一個原因！但被別有用心的人無限擴大！

Freeman2007

工程界一直以來都有呼籲