Windows x Android 雙系統平板九百有找！

biwiz · 發表於 2015-2-21 10:13:37

係 2015 年都同大家介紹過唔少 Windows x Android 雙系統平板，對於大家黎講都應該唔係一件新鮮事吧？仲記得之前同大家講既時侯，雙系統平板最貴要去到接近 $3,000 既價位，不過去到今時今日真係跌價太多。最平幾錢？ $1,500？唔係！$1,000 ? 仲有再平！版主搵到一部賣 $899 既雙系統平板，煲劇、打機都用得著，你地又會唔會買部黎過年？

煲劇、玩 Game 都適用！Windows x Android 雙系統平板九百有找！

台電 X80h 雙系統平板定價 $899！有 32GB ROM + 可 HDMI 輸出！
邊部平板咁抵玩賣 $899？冇錯又係大陸出品（大家都知道大廠好少出雙系統），就係台電科技的 X80h 。呢部平板係福仁有鋪只賣 $899 ，係版主找到比較平價的 Android x Windows 雙系統平板。唔好以為雙系統就一定會比起單單 Android 平板性價比差，佢採用 8 吋 1280 x 800 解像度屏幕、Intel Z3735F 四核 1.8GHz 處理器、 2GB RAM ，內置 32GB 內置容量並可插卡，相機方面是 200 萬像素主鏡頭與 30 萬像素前鏡頭，內置 5000mAh 電池，規格方面和同價位的 Android 平板差不多（就是相機差了點…），而這是經過駿裕科技代理的行貨，包一年本地保養。

可能有網友問入手呢部平板黎做乜？版主 Lawrence 之前同大家試過過馳為 V89 既一個缺點就係冇 HDMI 輸出，而台電 X80h 本身就有 Micro-HDMI ，可以輸出大電視睇片，加上 Windows 的 Chrome 有一個很方便的插件叫 Unblock Youku ，翻一翻牆真是有太多影片源可以睇啦；而版主 Eddie 亦接手過幾部 Windows 平板，以 Z3735F 的速度可以勉強用 Lightroom 去做簡單執相，更不用說內置有 Microsoft Office 365 可以處理文書了。玩 Game 方面亦有無數的 Android Game 可以玩，識玩既話 Windows x Android 雙系統真係一機多用。

另外上次版主同大家提過既馳為 Vi8 場內價錢亦降到 $999 ，同台電 X80h 相比就差在冇 HDMI 輸出，規格可以說是接近完全相同的！價差 $100 但係馳為 Vi8 有幾間鋪都會送埋 Keyboard ，揀邊部就睇個人需要啦。係唔使 $900 既價位下， Android x Windows 雙系統平板係咪抵買呢？大家又講下意見，有使用上既問題都可以留言，因為版主用緊，可以解答http://m.eprice.com.hk/pad/talk/10/67945/