坐巴士, 真係唔好坐後輪位....

Topvision

自從有冷氣巴之後, 我就唔坐樓下...... 以前熱九, 咩都係金屬做, 爆呔係對好小事.  依家換咗玻璃纖維....  真係自己小心
https://hk.news.yahoo.com/%E5%9F ... 5%B3-224011397.html
城巴爆胎炸斷女客腳
==============
城巴罕見爆胎炸穿車底轟爛座椅事故，一對母女被炸傷。腳板炸開六吋長傷口、腳骨骨折的女兒朱小姐昨憶述「彈射座椅」驚險經歷，「成個人炸到彈起跌咗喺地！」「好恐怖！好似炸彈爆炸咁！」朱小姐和母親周日出九龍區辦年貨，詎料回程經東涌時遭遇罕有的「爆車底」事故，她稱其他乘客只顧逃生及不斷猛撞她，無人伸出援手，她擔心最少要半年才可康復，恐對家庭收入造成影響，其受傷母親則表示：「以後寧願企都唔坐車轆位！」

任職文員的朱小姐（三十八歲）與丈夫育有一個五歲女兒，居於逸東邨。本周日，朱與姓潘（六十八歲）母親、女兒出旺角辦年貨及買新衣，晚上七時許乘E21A線城巴返家，她們坐在下層尾部的「四人卡位」，朱母及女兒坐於向車頭方向座位，她則獨自坐巴士後輪正上方、近通道的「倒頭位」。

「以後唔坐車轆位」

朱稱，當巴士駛至映灣園對開時，車底突發出「呯」一聲巨響，地板炸出一個大窿，座椅被氣浪掀起，她被彈飛到車廂通道。當時情況混亂，朱試圖起身但發現右腳受傷無法動彈，怕會再發生爆炸，於是向母親說：「媽我走唔到，你走先啦！」巴士停車後，其他乘客慌忙逃命，車尾乘客跑向車門，期間「無人扶起我，仲不斷撞埋我度！」朱不斷呼叫「唔好撞我！」但無人理會，直至全部人落車，才有一名女乘客上車幫助她，左腳受傷流血的朱母表示一度與孫女失散，落車後才發現孫女由一位男乘客抱落車，幸無受傷。

朱小姐稱其右腳眼位置骨折，腳板底有六吋長傷口需縫針。她引述醫生指，要等消腫後再鑲螺絲固定腳骨，最少要半年才可落床。朱母腳部亦有兩吋長傷口，朱母稱：「以後寧願企都唔坐車轆位！」朱小姐指本身家境不富裕，現因傷無法工作，而丈夫近日亦要請假照顧她，令收入大受影響，她考慮向巴士公司索償。朱小姐又指事發後姓葉車長落車查看輪胎損毀情況，再致電公司匯報意外，「全程車長都無理過我，無過嚟幫我！」認為車長處理失當，她又要求城巴安排她轉往私家醫院留醫。

HKOXSEX

有冇 D ?議員幫下企追討賠償

Topvision

回復 HKOXSEX #2 的帖子

議員 ??? 除咗抽水, 可以幫到咩呀 ???

依家, 邊有人會尊重議員嫁.... 係人都知佢地另一個名叫政棍...

來來去去, 又唔係要睇保險條款, 金額, 細則.  與及有關保險公司處理手法...
作為議員, 除咗食緊公帑, 可以做咩 ???

hkwatcher

坐巴士, 真係唔好坐後輪位....

唔通下一單車頭着火又唔好坐車頭, 翻車又唔好坐樓上 ........ 咩 ?
有時生死有命都唔怕得咁多嘅喇 !   

Topvision

hkwatcher 發表於 2015-2-11 12:50
唔通下一單車頭着火又唔好坐車頭, 翻車又唔好坐樓上 ........ 咩 ?
有時生死有命都唔怕得咁多嘅喇 !

各人喜好啦....

我就一時一時....
就好似某一條巴士線, 因為要追更, 經常超速, 最後反車.... 我真係無坐, 直至更次改善咗先坐....

如果喜歡坐果個位, 都唔係話唔可以坐...
巴士公司又玩返修呔重用, 而返修呔係易爆, 而一爆又易向車入面爆....  
都幾好玩嫁....

yyvvnn

咁即是巴士底的鋼粹薄咗！爆胎果度力都可以炸得開！

Topvision

回復 yyvvnn #6 的帖子

依家邊有裝鋼片嫁.... 以前就有....  以前有之餘係個內寵再加多塊金屬板嫁....
依家, 美觀咗, 但係又危險咗.
都唔知怪邊家好....  原本設計係無想過會用返新呔....
但係....  香港大車一向都有用返新呔依個習慣

yyvvnn

Topvision 發表於 2015-2-11 17:09
回復 yyvvnn #6 的帖子

依家邊有裝鋼片嫁.... 以前就有....  以前有之餘係個內寵再加多塊金屬板嫁....

即是錢作怪！一來架車輕左可以慳油，二來成本低咗！

Topvision

yyvvnn 發表於 2015-2-11 17:16
即是錢作怪！一來架車輕左可以慳油，二來成本低咗！

以前巴士車廂, 一定係香港制造....  依家就成部連車廂買...
都係香港制造好.....

yyvvnn

Topvision 發表於 2015-2-11 17:19
以前巴士車廂, 一定係香港制造....  依家就成部連車廂買...
都係香港制造好.....

聽講以前成部巴士是從英國入口，再在香港組裝，
後來先至從毆盟入口喎！

Topvision

yyvvnn 發表於 2015-2-11 17:37
聽講以前成部巴士是從英國入口，再在香港組裝，
後來先至從毆盟入口喎！

但係我記憶係車架引擎先係英國造, 其餘都係香港整喎.....  好似係教育電視講....  唔知有無記錯

yyvvnn

Topvision 發表於 2015-2-11 17:55
但係我記憶係車架引擎先係英國造, 其餘都係香港整喎.....  好似係教育電視講....  唔知有無記錯

我記得以前香港電台鏗鏘集有播過！去巴士廠實地報導組裝整架巴士及測試。
又話因整架巴士運入香港成本很貴，所以要拆散後到香港再組裝。

你可以睇睇以下網址有講巴士歷史：
http://zh.wikipedia.org/wiki/%E9%A6%99%E6%B8%AF%E5%B7%B4%E5%A3%AB

Topvision

yyvvnn 發表於 2015-2-11 18:06
我記得以前香港電台鏗鏘集有播過！去巴士廠實地報導組裝整架巴士及測試。
又話因整架巴士運入香港成本很 ...

我就唔信真係英國生產, 香港組裝... 啦
印象中, 係要彎起對腳先坐到
再唔係就伸對腳去前面
中國人肥少少都坐唔到....
會唔會係英國巴士標準呀 ???
印象中, 我記得係睇過佢地點做座位... 之類....

simontonysoup

樓上左邊車頭果幾排位更危險，試過幾單致命意外。

ctedjack

回復 Topvision #1 的帖子

都好黑, 但願有合理賠償

temp19782005

It is rare to see this happen.

sllaw_eva

回復 Topvision #1 的帖子

爆到屎忽開花....

hoikin_hk

又真係離譜D, 咁樣爆法..

yyvvnn

Topvision 發表於 2015-2-11 18:56
我就唔信真係英國生產, 香港組裝... 啦
印象中, 係要彎起對腳先坐到
再唔係就伸對腳去前面

當年香港巴士的確是英國製造，可以咁講是香港特式的英國版！
直至：
2002年，隨著香港九巴訂購裝配該款車身的雙層巴士，Wrightbus車身得以進入香港市場，但因專門技術保密，巴士不能運往香港組裝，只能在英國組裝後經水路運往香港。（Wrightbus是英國一家大型巴士及客車車身的供應商）

http://zh.wikipedia.org/wiki/%E8%90%8A%E7%89%B9%E5%B7%B4%E5%A3%AB

Topvision

yyvvnn 發表於 2015-2-12 14:41
當年香港巴士的確是英國製造，可以咁講是香港特式的英國版！
直至：
2002年，隨著香港九巴訂購裝配該款車 ...

但係你所講之香港特式的英國版！當年人人都話係英國舊車喎 .....  當年儔說係講, 香港一直係同英國巴士公司買緊二手車..... 而到今年改成香港特式的英國版.  有100度改變喎   另一個唔信車廂英國製造原因係.... 價錢. 再講, 車身高度都唔合外國人標準, 6呎都唔到.....  
以前香港咁窮, 英國人又大鼻, 香港老細又出名節儉...  要佢地係幾十年前去英國訂做香港特式的英國版 ?  我一定唔信嫁.....