Schlumpf Collection，世界最大嘅汽車收藏（老....

自拍老牛 · 發表於 2015-2-6 11:18:09

本帖最後由自拍老牛於 2015-2-6 11:39 編輯

1976年老牛第一次去瑞士巴素爾（Basel）嘅時候，瑞士嘅 General Motor 代理同我講，有人收買好多靚車，
但係唔公開比人睇。系瑞士人將D車收系鄰近嘅法國Mulhouse，原來佢地嘅老媽就係呢度人。
果然，冇幾耐， 1977年三月，爆煲啦，唔夠錢出糧比工人，搞到工廠被市政府沒收。
瑞士人Schlumpf 兄弟於1930年代去法國Mulhouse開羊毛廠， 1950年代賺大錢，但係兩兄弟都中意賽車，
佢地自細就中意Bugatti，二次世界大戰前已經買左一架 Bugetti Type 37，就係藍色細細架嘅跑車。
Bugatti 系法國 Alsace 嘅工廠距離 Mulhouse 好近，附近就係好大嘅 Peugeot。二次大戰後唔到十年，
經濟改進，好多法國人都想將老爺車換新車，兩兄弟就開始秘密收購，系工廠後面開設二十萬尺嘅車房，請左
十幾人專門維修，仲要簽保密條約，不得對外透露情況，怕比人坐地起價。但係兩兄弟嘅好朋友就四處
幫手收購。 1962年， Schlumpf 寫信比 Bugatti Club 所有嘅車主，將會收購所有嘅 Bugatti，一年就買左50架。
1963年美國嘅大收藏家 John Shakespere一次過賣左30架 Bugatti，當年上美國頭條新聞。
到爆煲之時，一共收購左超過600架車，包括 123 架 Bugatti，其中包括 18 架 Bugatti 老闆 Ettore Bugatti 嘅私人珍藏。
經過幾次重整， 2000 年對外重新開放，改名為 Schlumpf Collection，成為全世界最大嘅汽車博物館。
老牛1995年冬天去參觀嘅時候，老爺車仲多， 1999年法國政府終於知錯，對 Schlumpf 嘅遺孀賠償四千萬法郎，遺孀
仲要求部分車輛，終於挑左62架車，收埋唔比人睇，直至佢老人家死左先欏出黎賣，打死都唔還比法國政府，好多都買左
去美國。
Schlumpf 兄弟自從1977年三月離開法國，一直住系距離Mulhouse二十分鐘車程嘅 Basel ，瑞士巴素爾嘅一間五星酒店，
佢地再也未見過自己嘅車隊，遺孀亦不再踏足法國。

老牛今次專程去參觀，影左好多相，而家分幾期欏出來分享

第一輯：實心呔（1900年前）冇波棍嘅